Види, бебе е убава работа ама и голема одговорност.. Размисли прво за услови дали имате или имаш за да го чуваш, бебе можеш да чуваш сама, а можеш и и со татко му.. Дали имаш стабилна работа а по годините мислам дека немаш, после само со средно школо многу тешко можеш да најдеш добро платена работа.. Дали имаш поддршка од твојте, како они би реагирале.. Јас во твојата ситуација би си размислила убаво и искрено би ти кажала дека не знам што би направила, ама ќе размислам убаво.. Деца ќе имаш и во иднина, абортус трае најмногу 20 минути, се ќе заврши, ама после тоа можеш многу да страдаш и да те боли душата ако не си била сигурна во твојата одлука.. Не е спорен моментот дека нема да имаш деца во иднина, ама дека нема да се каеш што ќе абортираш никој не може да ти гарантира.. Таткото колку години има, дали е вработен, дали живее со неговите или сам, дали има кола, дали е финансиски обезбеден?
Тука сум, ама долга е темата и не сакам да продолжам со дискусија. Јасно ми е за финансиите, имам деца.
Па баш дека е долга темата и баш дека имаш деца треба да знаеш дека не е доволно само моралната поддршка. Финансиите се многу важни.
Овие шо се против абортус, исти се како Америка, додека се роди бебето навиваат за тебе, а откако ќе се роди никаде ги нема.
Ти благодарам за советот и за одвоеното време, за финансии немаме мака јас работам во МВР, тој си има своја фирма, живее сам, со финансии е се како што треба па дури и одлично, но тоа не е проблемот. Јас самата морам да си размислам дали сакам цел живот да го гледам покрај мене а за остварување на родител сум сакала од мала да сум млада секси мајка Но морам да размислам дали е со вистинскиот човек..
Да, ти не спомна проблем со финансии. Бараше мислење, секако ќе има за и против. Е сега, не мора да си со него, ако нешто те кочи, можеш и без него, а да имаш дете. Не знам дали од дома би имала поддршка, дали имаш родители, брат, сестра, што е голем плус.
Ако не си сигурна дека си со вистинскиот воопшто не размислувај за брак, со него, не може само заради бебето... Ќе ти биде криво,на крај може и до развод да дојди. За бебето ако сакаш да го родиш, ќе ти треба помош и поддршка од најблиските.. Ако сакаш нов почеток и сосема нова приказна со друг човек, планирање на бебе тогаш абортирај. Оти без помош е многу тешко, ти се менува животот.
Овде јас би ти рекла убаво добро и долго размисли.Јас со дечкото од кој можеше да забременам ,не сакав дете,и он немаше да ми даде избор ниту поддршка.Не сакав дете со него бидејќи никогаш не бевме во добри односи немаше љубов вистинска,а тој беше на тоа мислење спиеше на уво дека бевме заедно со години и ако дојде бебе,не е страшно ,ама тоа е само мое искуство и сепак не сум останала бремена.Ама и да не си во таква ситуација, мислам дека потомство се планира . Размисли и дека тоа дете понатаму ќе сака мама и тато да бидат заедно.Може и дечкото ќе ти врши притисок,а јас сепак мислам дека ти најдобро друг да запознаеш во иднина . Емотивно како се чувствуваш е најважно, најважна си ти .
Јас знам многу млади шо се оствариле како мајки и се среќни секој ден заради богатството шо го добиле(нивното дете) се пресреќни за секој момент поминат со него, без сопруг , но со помош од блиските. Сепак тоа е храброст. Ако ја имаш се можеш да поминеш во животот, а децата си растат дури се мали е тешко, потоа се полесно..
Е тоа, последното. Ако не можеш да се замислиш да бидеш цел живот врзана за тој човек, дали во брак или само преку детето, тогаш знаеш што е правилно. Само немој бременоста да ти е единствена причина што ќе те врзе за тој човек. Не е доволно тоа, гледам дека си свесна и сама, и на добар пат си да ја донесеш вистинската одлука.
Ова е најважно, знаеш. Свесна си, паметна си. Детето врзува за цел живот, и при развод пак ќе му бидете двајцата родители и цел живот на овој или оној начин заедно. Среќно, и во двата случаи. Сигурна сум дека ќе одлучиш правилно
Мило ми е кога гледам дека еден млад човек толку детално и зрело размислува за себе, за иднината.. Обично на 20 години во МК уште од дома пари за кафе им даваат..
Девојки ви благодарам на сите за советите и вашето одвоено време, мене ми беше најбитно да не останам стерилна после абортусот, доколку се одлучам… доколку имате уште мислења ве молам да ги напишите секое мислење кај мене е добредојдено… и некакви искуства со Плодност во Битола дали сте имале? Абортус или пораѓај?
Размисли колку си зрела, спремна и свесна за да одгледуваш ново човечко суштество и во каква средина ќе расте тоа човечко суштество. Не дали ќе бидеш секси мајка....
Нема ништо лошо во тоа да сака биде згодна девојка и жена,не само да се реализира како мајка,туку и како жена .
Каде?Разбрав дека е најважно во какви услови ќе расте тоа дете,ама сметам дека е важно и девојката како се чувствува во сопственото тело .
Најважно е ШТО САКА ТАА. Дали таа сака да се оствари како мајка на 20 години, што јас го сметам за лудост или не.
Добро,тоа повеќе пати е кажано ,а ако мислиш на мене јас и имам пишано дека не сум имала никогаш голем мајчински инстинкт.
Мајчински инстинкт ќе ти се роди одма кога ќе ти го тупнат детето во раце сестрите а ти тазе породена во државна болница и ќе ги снема некаде.. Кај нас на тој принцип најчесто се добива мајчински инстинкт, ама за ова во некоја друга тема..
