Леден брег Едноставен и брзински колач кој се прави за околу 20 минути, без печење и не бара посебни кујнски вештини или алатки. Можете да го направите уште денес затоа што состојките му се прилично едноставни и веројатно ги имате дома. Потребно ви е: 300g Плазма 400ml млеко 300ml слатка павлака 1 ванилин шеќер 2 пудинзи со вкус на банана 4 лажици густин 3 жолчки 7 лажици шеќер 300g маргарин 1 банана (да не е презреана) Млеко за топење на бисквитите Шлаг по желба Подготовка: Промешајте го млекото со слатката павлака и одвојте 1dl, а останатата течност ставете ја на шпорет и загревајте. Промешајте го ванилиниот шеќер со пудингот и густинот, додадете ги 3-те лесно изматени жолчки и 7-те лажици шеќер. Во тоа додадете ја одвоената мешавина од млеко и павлака (1dl) и мешајте додека не исчезнат сите грутки. Ставете ја мешавината во млекото и варете додека не добиете густ крем. Прекријте го кремот со проѕирна фолија и ставете го да се олади. Кога кремот ќе биде изладен, изматете го маргаринот со бананата и прелијте со неколку капки лимонов сок за да не потемни. Во смесата додавајте го оладениот крем и мешајте со миксер додека не добиете густа смеса. Плазма бисквитите натопете ги во млеко и редете 4x4 бисквити, па крем. Вториот ред треба да биде 3x4, третиот 2x4 а последниот ред 1x4. Помеѓу нив добро измазнете го кремот. Украсувањето е по желба.
