Блу има бокс во Средно Медицинско “Д-р Панче Караѓозов“,тренираат и машки и женски ( нема тоа се надевам да ти претставува проблем) Клубот се вика Чигра. Понеделник,среда и петок од 7 или 8 не сум сигурна. Не треба одма ракавици да купуваш,си има таму,ќе ти каже тренерот кога да си земеш.. После едно 2-3 месеца 1000 ден. е месечно. Јас бев али имав проблеми дома па се откажав,али многу ми беше интересно
Блу , тако ми да ти е татко одма ќе те пушти.Мене ми рекоа да си изберам со кој спорт сакам да се бавам ама тоа што сакам нема И јас сакам бокс и тоа како сакам ама нема , но во последно време и стреларштво ми се уврте во глава. Јас те подржувам , најубаво седни и со двајцата разговарај убеди ѓи , објасни дека тоа е и женски спорт . Па те чекам да кажеш што направи
Девојки, не можам да ви опишам колку ми значи вашата поддршка. И се извинувам ако сум малку оф топик, но штом мене некоја желба ме држи подолго од еден месец (а тоа е ретко), значи тоа навистина го сакам. А на татко ми не сум му ни спомнала, со мајка ми имам зборувано повеќе пати но таа пак си останува на истото. Секогаш вели дека тоа не е женски спорт и дека може да си ја шинам раката, да си ја скршам главата.. Како да и објаснам дека јас нема да бидам Роки Балбоа или некој професионален боксер. Значи, ова е аматерски бокс, јас и онака ќе тренирам за рекреација.. А и онака моите се строги и плус мајка ми ми прави проблем околу парите. И реков дека јас ќе си соберам пари за ракавиците, и вика а кој ќе ти плаќа месечно 1000. А кај вујко ми, што се вика дома и без опрема - не е тоа, тоа. Сепак фала ви уште еднаш и се извинувам за оф топикот.
и кај мене се слушува истото ... татко ми ми вели : некој ден со скршен нос ќе се вратиш раскрвавена цела , ние нема да можеме да те познаеме .. знат да си претераат малце со претпоставките во врска со ова , јас сметам дека не е толку опасно .. и од мене имаш поддршка , кога не успеав јас да влезам во ова , барем ти иди
Eпа девојки, јас и покрај сите противења на моите, ми се чини претходната сабота бев со вујко ми во град да си разгледам боксерски ракавици. Знаев дека цените нема да бидат ниски, но во скоро сите продавници во кои бев, останав со подотворена уста кога ги слушнав цените. Бев во една продавница каде што имаше од Квон ракавици и цената за 10 унци беше 6200. Разгледав и други модели, од разни марки но кожните ракавици, сите беа над 3000, што океј, реална цена е, но 6200?? Бевме исто во една продавница каде што се продаваат Еверласт ракавици и тој ни рече дека кожните ракавици почнуваат од 3000 па натаму. Гледав некои ракавици од некоја германска фирма што се вика Хамер, вујко ми има ракавици од таму и доста се квалитетни. И тие се движеа таму некаде, од 3000 па натаму. Имаше едни ракавици од таму, 1200 беа и јас веднаш се затрчав, еј ама се ефтини и дечково ми вика, ама девојко, овие од скај се. Е фала ти, ме израдува. Само што ги допрев, видов што квалитет се. Носев доволно пари за да ги купам тие ама вујко ми убаво ми рече, не се глупирај, собери си пари и купи си квалитетни, кожни, што ќе ти траат можеби и 10 години, а не овие 6 месеци и готово скинати се. Ај, добро е што го послушав. И сега, би сакала да ве прашам, да не знаете каде има некои така, поквалитетни кожни ракавици што би се движеле со цена од 2000-3000 денари?
Ееј, вака кога си ги читам мислењава на темава си се смеам сама на себе, колку сум била потресена и нервозна во моментот зашто мајка ми не ми дозволувала да се запишам на бокс. Ама се сеќавам со колкава љубов ги пишував тие постови.. и знаев длабоко во себе дека ќе успеам во моите намери. Туку ајде да не пишувам поезии тука , каде што не е местото, сакав да ја донесам повторно во живот темава, ја запоставивме некако, т.е јас првенствено. Зар нема ниедна девојка на форумов што го сака боксот барем малку освен мене? Никој нема ништо да напише. Големо задоволство ќе ми биде ако некоја феминка тренира бокс или сака да тренира, па ете ако некоја има било какви прашања поврзани со боксот може да ми се обрати мене.
Тешко Блу тешко, повеќе ќе најдеш за кик бокс, за обичен бокс сама ќе си останеш па ќе мораш сакала нејќела со мене да правиш муабет .
Абе јас ништо не признавам освен бокс, каков кик-бокс, какви бакрачи. Не, се шалам, си почитувам јас секакви боречки вештини ама ова си е мојата па морам да си ја фалам, нели? Инаку зашто да не, може ќе се најде некоја.. i hope so. Ама да знаеш, би можела јас да поднаучам и кик-бокс малку, вујко ми затоа си е задолжен, знаеш ама тоа кога ќе имам време, ама професионално не.
Ама не ме слушаш што ти зборам, за ќотек си . Нели ти реков ти тренирај си бокс ама мораш да знаеш да се одбраниш и од некој или некоја од другиве борбени вештини кои се покомплетни од западниот бокс. Замисли да правиш спаринг со мене, има 10 пати да те мавнам по нозе и плус ако ми се укаже прилика ќе те сопнам или фрлам на партер ако дојдеме во клинч. Ова и за машко важи не само за тебе . Ај за година дена ќе ми дојдете со вујко ти у клуб па ќе те проверам до кај си и ако не си добра ТЕШКО ТЕБЕ (и на вујко ти ќе те кажам дека си забушавала ).
женски додека читав на повеќе места забележав дека немате услови за тренирање или скапо ви е и сл. па за такви случаи типов е закон http://www.youtube.com/watch?v=7Kr2SkjQ ... re=mh_lolz значи на каналот нема само од него видеа ама според ова ќе се снајдете јас така почнав за бокс ми дозволуваат, само спорт да е почнав со обични ракавици ништo оргинално и посебно затоа што во мојот град нема тренер а да патувам за да тренирам пак и не ми одговара така да ако сте заинтересирани слободо почнете ништо не се губи
Ако некоја сака да се запише на бокс во Струмица, нека пише ЛП, би ми било мило ако си најдам друштво
Сте размислувале ли за боксот како забавен начин на оформување и зацврстување на телото? Плус вештина и забавно вежбање А не како машки или женски спорт.
Морам да го оставам видеово овде еве што е прав бокс не шоу бизнисот на Конор и Флојд, еве што е уметност и цртање во рингот! ***
Тајландски бокс врв бокс. Иначе > секоја боречка вештина носи со себе фантастични појави во однос на зацврстување на телото, умот и духот. На секој му препорачувам да вежба вежба боречка вештина рекреативно. Ќе ве направи луѓе и ќе ви даде правец во животот за да можете да правите многу повеќе работи од другите обични луѓе и ќе бидете пред се многу здрави!
Случајно ја наоѓам темава Немам вежбано бокс, ама вежбав мма 3 години, највеќе ради своја одбрана, година дена како имам баталено но планирам повторно да почнам.
Долго време се размислувам да инвестирам во боксерска вреќа, ептен сакам. Дали некој може да ми предложи, каде да барам и која би била најдобра опција? Фала
Јас тренирав малку (околу 5 месеци) бокс, но откога чув дека додека да престане растот не треба се оптеретуваат мускулите затоа што ќе престане растот. А јас и така сум малку ниска и не сакам да ми застане растот и се откажав. Но да се пофалам, мускулите ми се затегнати. Јас би рекла дека боксот е идеален да ти се затегнат мускулите, кога си нервозен нервозата да си ја истуриш на вреќата, и ќе научиш доста вештини како да се одбраниш од некој лудак кој сака да ти наштети!
