Си го видов мислењево и гледам дека никогаш не сум пишала Од тогаш Будимпешта уште еднаш ја посетив. Еднаш одев со автобус, вториот пат со авион. Со автобус не би одела пак, се измрцваривме по пат, и после си претепан за шетање. А со авион за еден саат си таму, плус има многу ефтини карти преку визаир. Вториов пат ја користевме и Budapest card. Се исплати многу ако планирате да го користите јавниот превоз, плус со картичката има и бесплатни влезови во музеи, а и попусти за многу локации. Будимпешта е преубава, толку многу работи има да се видат, и секој чекор е picturesque и ти оди само да сликаш и да сликаш од што е се толку прекрасно. Има многу многу стари градби, историја, и вкусна храна Зоолошката исто ми остави многу голем впечаток, многу е средено. До сега ја видов Будимпешта во пролет и во есен, и не можам да се одлучам кога ми беше поубава, ама наредно одење би сакала да ја видам со снег. Дефинитивно ќе одам пак, не успеав да видам се што сакав. Spoiler
Конечно и јас тука. Со дечко ми купивме карти да идеме за Велигден од 27 април до 4 мај, решивме цела недела да ја седиме таму. Покрај Будимпешта сакаме да идеме и до Виена и до Братислава со оглед на тоа дека се прилично блиску а ние имаме време. Уште од сега сме превозбудени и двајцата. Како што гледав имаат easter markets, нешто слично на christmas markets а ние баш за тој празник идеме така да се надевам ќе биде интересно. Ме интересира од тие што сте биде тој период, какво е времето? Искрено се надевам дека нема да биде ладно па да неможеме убаво да ги исшетаме местата. Викаат дека тој период е најубав за да се посети Будимпешта бидејки е пролет, но сепак малце ми е страв од дождови и ладноќа. Како и да е едвај чекам да отидеме.
Здраво Со дм планираме да идеме Будимпешта во декември, за Christmas market една недела сакаме да седиме. Планираме и да шетнеме околу, евтини карти има преку виз аир гледавме и хотели на букинг. Каде би ни препорачале да се сместиме? Што да посетиме? Како да се движиме? Какво е времето таму во декември? Многу прашања имам знам, ама ме интересира се Се мислев дали да идеме ама кога ве прочитав сите, еден лош збор немавте пишано, сега сум сигурна дека ке идеме
@Carolin. недела дена ви е доволно за посета на сите позначајни туристички места и музеи, без брзање и со добра организација. Сместување зависи што барате, јас бев сместена последно помеѓу Парламентот и Heroes Square, со тоа што јавен превоз минимално користев, пешачев скоро секаде. Ама препорачувам неколкудневна карта да си извадите, зашто поекономично е, а и ќе заштедите енергија. Картите се вадат од апарати, ги има на неколку метри, т.е. на скоро секоја станица за трамвај, метро. Има и карта за цел ден, за неколку возења, неколкудневна. Што да посетите? Во зависност каде ќе бидете сместени, така и планот ќе си го направите, да ви бидат успат местата. Парламентот, Margaret Island, Buda Castel, Fisherman's Bastion, Citadela, City park - се места што ги препорачувам. Во спојлер и линкот од останати што би можеле да ги посетите Spoiler https://www.thecrazytourist.com/25-best-things-budapest/ За храна има доста локални кујни, насекаде се низ градот, каде за малку пари добивате супа, главно јадење и сок/десерт. Касни и за нас по едно колаче од марципан.
https://www.accorhotels.com/czech-r...c&utm_source=google&utm_content=ww-en-ALL-ALL Ѕирни тука, ги има на повеќе локации и обично имаат пристапни цени.
Баш таму нема хотели, таму околу уствари е селце, не е ни Будимпешта.. 20тина км е далеку од центарот на градот.
Будимпешта е секако преубав град, ама во декември е посебно убав. Се е украсено, празничната атмосфера се чувствува насекаде. Божиќниот пазар е богат со вкусна храна и грејано вино. Ани ти кажала што да посетиш. Бевме пред нова година, пред две години и прекрасно си поминавме. Најдовме една уличка,многу интересна, долга е, а многу тесна, пешачка зона и од двете страни полна со локали, пабови, барови, ресторани. Полна со луѓе. Ако можете да ја најдете супер, само не би знаела како да ти помогнам, воопшто не помнам како ја најдовме. Прашајте локалци или изгиглај.
Ќе ве замолам доколку некој бл во скоро време во Будимпешта да ми каже каде да се штене,каде да се јаде...итн?
За шетање: Парламентот, Рибарската тврдина, Плоштадот на хероите, црквата св.Стефан,улиците Ракоци и Ваци, крстарење по Дунав навечер.. Ние јадевме во тие ресторани што се во близина на улицата Ваци, некој посебно да ти препорачам баш и не знам како се викаат, еве интересно ми беше едно кафуле , имаше и десерти Espresso Embassy мислам дека беше.
Street food Karavan (мал интересен пазар за храна, има доста и обична fast food храна, ама и локални јадења), ruin pabs - види слики прво, може нема да ти се допаѓа, ама има неколку и се доста познати. Лично за вечерно излегување го препорачувам Szimpla Kert.
Здраво. За некој ден одам во Будимпешта и ме интересира дали некој бил во Széchenyi Thermal Bath? Вреди ли да се одвои еден ден за тоа место? Исто така планирани ми се три дена за таму, доволно ли е за да се посети се што е поважно?
Топла препорака планирајте го вашето патување ИСКЛУЧЛИВО со авион, на унгарска граница со автобус/кола чекавме 9 и пол часа!
