Не знам дали до сега сте чуле за Власина или Власинското езеро во Србија, но јас лично сум воодушевена од овој предел па решив да ве запознаам со него. Се наоѓа релативно блиску до Скопје, 170 км мислам, ги поминувате Прешево, Бујановац, Врање и Сурдулица, и неколку км после Сурдулица се наоѓа Власинско езеро. Луѓе, природата таму е прекрасна, такво нешто немам видено никаде. Само мир, тишина, пред тебе само зеленило, ливади, ридчиња, одоколу планини, во далечината гледаш раштркани крави и овчички, а пред тебе езерото со стакло вода. Наоколу има и неколку дрвени викендички, верувам се издаваат, како од бајка се верувајте ми! На моменти посакувам да се преселам овде, да се изолирам во овој мир, да се исклучам од надворешниот свет.. и да уживам. Уживајте во неколку слики од недопрената природа на Власина.
Дечко ми има прва братучедка во Власина. Па во еден неврзан муабет потенцијалната ми свекрвица ми има кажувано колку било убаво на Власинското Езеро во Србија. Колку што разбрав таму ги носеле на припреми спортистите, како кај нас што ги носат на Охридското Езеро, така некако. Малиот ми вети дека ќе ме носи, па со повеќе впечатоци некој нареден пат.
Власинското езеро е познато по својата убавина и живописната природа, вреди да се посети, не е многу далеку од Скопје.
Ме радува што е отворена оваа тема. Потекнувам од место во близина на Власина и морам да ви кажам дека е прекрасно и треба да се посети. Овој месец се одржува Власинско лето еден вид манифестација, негде средина јули. Концертите се одржуваат во Сурдулица, населено место на 60мин оддалеченост, ми кажаа дека оваа година ќе биде Марија Шерифовиќ. Убаво место за одмор и релаксација, мирно, нема многу гужва, природа наоколу, убавини.
Стварно вреди да се посети. Не е многу далеку, а е преубаво, дава енергија. Мирно и тивко место, милина
