Некој да живее во Сопиште, или над Сопиште (соње), да каже мислење за тој дел, за градење куќа. Дали барем таму, воздухот е почист, или е како во лисиче.
Здраво на сите, сакам да ве прашам дали е подобро монтажна куќа или цврста градба? ме интересира и квалитетот на монтажните куќи кои има да сподели искуство .. Фала вии
Ако правиш од нула, само цврста градба, со сендвич ѕид. Исто така, нема штедење на изолација во кровот, и добри прозори.
Немаме искуство бидејќи живееме во зграда и сакаме да си изградиме своја куќа. Дечко ми има живеено во Германија, таму има многу монтажни куќи па од таму ни е и целата дилема, иако јас се сомневам во квалитетот на тие и нашиве монажни куќи во мк .... мислиме дека предноста е во тоа што се поефтини и што побрзо можеме да се вселиме но пак ке кажам немаме искуство и знаење затоа барам помош
Монтажна куќа може да биде и од бетон, дрво, челик. Многу побрзо се градат, многу побрзо ќе се веселите, цената зависи од материјалот мислам дека челикот е најскап, исто така од изолација и ред други работи... За квалитет дрвото е со најмал рок на траење најтешко за одржување, челикот мана му е корозијата ама си има решение за тоа, куќи кај нас многу малку од челик се градат поради тоа што е скап си бара специјални заварувачи, најчесто се користи само за хали. Бетонот ако е како монтажно си одат посебно и столбови, греди, може и споени рамки некогаш цели, плочите се лиат генерално на лице место, недостаток е што има одреден број калпи во фабрика, односно нема можност за секакви форми ограничен си со тоа. Ако сакаш класична куќа како кај нас од армиран бетон подолго оди градењето, повеќе отпад, не си ограничен со форми секаква оплата се прави, врските се поцврсти, повеќе знаење и искуство се има со нив бидејќи почесто се градат. Мој предлог ако ти е за куќа не ти требаат непотребен трошок и не оди со челик, единствено ако не сте ептем големи љубители, немаш никаква предност, предноста на челикот е во тоа што е многу лесен и најчесто е за габаритни обијекти, кај што ти требаат помали пресеци а поголема носивост.. За цена не сум сигурен ама мислам дека монтажните поскапи се кај нас не ме фаќај тука за збор не сум толку искусен за цени. Што и да избереш за куќа за семејно домување за носивост се е добро. Најдобро ти е бетон кај нас, ако ти е на еден па и два спрата можеш и ѕидарија да ја направиш. Ако за нешто подетално те интересира прашај можам до утре да ти кажувам. Само за цени немој, а за квалитет, својства начин како се гради прашувај колку сакаш..
Женски хелп од некој што куќа гради. Гледаме куќа да купиме. Куќата е карабина на два ката, без кров. Колку отприлика чини кров по м2? Колку чини фасада надвор, и внатре до фина изработка?
Еве ти мој есап па рачунај Кров 225 кв 10.000е Фасада 10ка 30е квадрат Карабина е најлесно да направиш т.е наефтино После се парите Струја вода инсталација сигурно 15.000 ке фате за 2 спрата Прозори врати (20-25.000) па мачкање внатрешно (5- 7.000) Па собни врати (џависи колку имаш ама рачунај 20 по 250 најефтино да минеш Плочки под вц кујна Па тек вц Ова накратко Карабина ако земаш гледај да не ти наплатат од 250 300 е по квадрат А за цела готова рачунај со намештај 1000-1100 од кв
Јас кров да и ставам и цела да биде мачкана и со изолација надвор, па после отом потом. Не ми е за стално живеење, али е на два ката и барем долниот сега сакаме да го средиме. Горниот кога ќе има потреба понатака постепено. За мебел знам, два стана средував во последните 4 години, ама беа готови веќе. Затоа овие градежните работи не ми е јасно како одат. Околу 120 квадрати е, значи 7000 за кров стартно да си ги сметам. Сите ми викаат будала дека сум што сакам пари и време да си губам за куќа во која не живеам... Зарем толку многу главоболки се? Првична идеа ми беше плац (веќе го имам) и монтажна куќа, се' да биде готово за кратко време. Ама ова сега излезе баш примамлива цена...
Не знам точни димензии, утре во урбанизам ќе ми ја проверат цела документација. Според катастар, 132 м2 е куќата плус двор 289 м2. Цена е 25к. Со тоа што во овие 132 м2, околу 90 м2 е карабина на 2 ката, а 40 м2 е залепена од една страна постара куќа на еден кат (дневна и вц), која уствари ја користат кога си идат од странство луѓево.
Да 90 горе и 90 доле. Зошто треба јама првично, сите куќи околу се со јами - нема канализација иако се плаќа и тоа... И земјен пат е околу 200 м на крај, кој знае и кога ќе се асфалтира... Веќе некоја година чекам, и абер нема општината, во минус е буџетот. А инаку плацот кај што ни е е преубаво, малку на повисоко и при крај на градот. И нема толку куќи изградено. Баш за што ни треба - да се одмориме е супер. Ама ми бактиса чекајќи да средат од општина.
Да, друг плац имам. Ова со јама и пат што зборам е за плацот мој. Плацот е празен, со маркица за градење според урбанистички план. Ама ме кочи многу што нема канализација, што нема пат со асфалт. Мислам дека ќе биде сето тоа дополнително поголема инвестиција А карабината што се продава си има се' до нејзе - вода, пат, канализација.
