Барав да напишам мислење за ова музичко дуо ама не најдов, а воедно не сакав да бидам оф топик во несоодветни теми и се решив да отворам нова тема. Имено, ги пребарав Марио и Антонио (така се нарекуваат момците што го сочинуваат дуото), се во раните 20ти години, барем мислам, а со музика се занимавале од 2015 година, под закрила на продукцијата од Слаткар. "Магично" стануваат познати во 2018/19 и по нивната музика, која жанровски декларирана е трап, хип хоп и ар-ен-би лудува цела младина, од 9-18/19 и нагоре. Воопшто не сум задоволна од новокомпонираниве песни, не знам како може толку плитки текстови да се врв на музиката и да се достигнување. Посебно бев поттикната да отворам тема, а и запрепастена од младината кога овие двајца момчиња полнат кафиќ и прават мини концерт во кафулиња, а истите кафиќи слабо се полнат за време на рок/поп свирка. Музиката е личен избор, секој има право да слуша што сака, но за мене претставува лично обележје на една личност, а пред сѐ една од повеќето уметности на тлово. Не дека ќе имам предрасуди кон тоа каква музика слушаш, ама дефинитивно ќе имаме една минус тема за зборување. Можеби и порано преовладувале текстови за секс, дрога, богатства, пари ама како што во последно ова е тема на обработка во повеќето песни ми се чини не било никогаш. Иако...лошата страна е што овие песни остануваат во глава и лесно се паметат. Што е она што ја "воспалува" цела младина, дали е тоа животниот стил кој го живее или потсвесно мечтае за него? Дали младите учат погрешни вредности, благодарение на музиката? Дали вам ви се допаѓа оваа музика? Запознаени сте со Два Бона и дали ги слушате? Би им пошле на свирка?
Не ми се допаѓа оваа музика и ни денар не би дала за карта да го слушам ова, главата ќе ми ја препукне. Ни на музика не ми личи, но тоа е мој вкус. Убаво што нешто ново излегло во Македонија, но далеку е од квалитетно, а и онака претежно дечиња во основно ги слушаат само. Тешко на возрасна индивидуа што слушнала тон квалитетна музика ова да и се допадне. Само мое гледиште, ништо лично, ако некој се налути од напишаното...
Музиката ме опушта ама некако ми немаат смисла текствоите без врска (А а а а сипаме Моет) мислам нема никаква емоција.
Да не беше квалитетно немаше да се пробијат на Балканот,сепак ствар вкус е Мене ми се супер песните,само што не се за 12 годишни и помали. Во иста населба живееме па сигурно ти се случило да видиш петто оделенци како пеат “Од кока трнат нозе” и го слушаат тоа со друштво и лош пример е.
Не мора да е нешто квалитетно за да се пробиеш на Балканот, само треба да го знаеш "тригерот", пример изгледај бејзик факбојски и прај го она што сака да го слуша и гледа народот. Со шоубиз и глупирање луѓе се пробиваат на Балкан...
Освен скроз catchy бит што имаат, ништо друго не ми се допаѓа. Пубертетлии свршуваат на песните ко којзнае што да се..
Колку понеквалитетно и сељачко толку полесно ќе се пробиеш на балканов хахаха Само видете кои се „главните ѕвезди“ од Србија и со какви песни
Сега таквата музика е тренд на секаде низ светот, не само на балканот. Тексот да нема смисла, лесно певлив со заразно музиче и лесно ти влева во глава. Сите пеачи или артисти или што и да се, што прават музика за помлади, пеат исклучиво за секс, дрога, алкохол, коли, брз и скап живот, нешто што 90% од младината го прави и се "пали" на тоа. Не ги кривам дечките, мене ми се океј, дознале всушност "каде лежи зајакот" и што пали и пробива па го искористуваат тоа, и сите песни во последно на балканов (Србија и Бугарија) конкретно ќе ги земам за пример, излегоа толку нови пеачи и сите се со такви текстови и музика, и сите го слушаат тоа, проаѓа кај повеќето. За Два бона дознав од форумов, мислам дека ги коментираа во македонските јавни фаци (ако не се лажам) и од кога им ја слушнав музиката, не ми се допадна, но постепено текстовите ми влегоа во глава па несвесно ги потпевнував и почнав да ги слушам од време на време. На нивна журка не сум била, а незнам дали би отишла, можеби само за забава онака. Се е ствар на вкус, на кој му се допаѓаат нека ги слуша, на кој не, не мора. Толку.
Освежување се, млади дечки, тренд се, облечени во марка, спотовите им се квалитетни, се гледа дека вложуваат, а за квалитет на музика и текст нема што да се коментира, а и не само на балканот, па и американската музика што се слуша и што имаат милиони прегледи кога би ги преведиле песните живи глупости пеат, па сите ги знаеме, така да не ме чуди популарноста на Два бона
Освен "Колумбијана" која ми е омилена, другите се тапа. Крајна објектификација со негативно претставен хедонизам во хајлајт.
шала на страна, имаат ептен јак beat, flow, се’ , текстовите им се ок, изгледаат напишани од ракав, али океј, не е дека и странскиве вакви се поарни. малце како ликови изгледаат на тешки сељаци, во живо ‘пеење’ им е ужас (сум била да ги гледам). фураат некој свој најк безвезе стил. ок да резимирам од ова нафрланово: не ги сакам ептен, ама песничките ми остануваат во глава.
Па странскиве нешто подобри демек се. "You know what to do with that big fat butt" или wiggle wiggle (жигу бигуле ), о боже глуп текст, ама има 800 милиони views на youtube. Или "blow my whistle baby". Сегде се текстовите такви, не е до балканов. И мене ми беа заразни 2 бона иначе. Остануваат во ум, ама и тие неколку песни што ги знам лесно ми здосадија. Сега чекам нова, да ја отепам на repeat.
Не слушам македонска музика последниве 10 години, проценив дека не вреди за моето внимание, God forbid да им ја следам „сцената“, српски турбофолкери wannabe. Од дното подолу. бтв, да не биде дека хејтам од памет, на овие конкретно, еден спот им имам изгледано, песната не ја запамтив.
Јас успешно ги избегнувам досега , сум ја чула само Дијаманти со Слаткар, catchy e и ништо повеќе. Не сум по таква музика баш во последно време, плус ми личат ко македонски одговор на Јала, Буба Корели и сличните - а искрено да си признаам, странските изведувачи од таков лабав trap стил ми звучат класа погоре од балканските
