Еве неколку мои предлози и анализи на некои наши ,,ѕвездетини". Лара ми е некако кул, млада девојка, има добар вокал. Добра е со англискиот, има и кечи песнички. Пајак го доживувам како аутотјунаш, овака е насмеан, сладок дечкич, не знам каков е вокално. Young Dadi ми е такво скопско шмекерче, баш ми има потенцијал за Евросонг. Ми стои како да има муда да износи и некој чуден аутфит. Баш ми е кјут. Мартија ми е исто некако кул лик, ептен е секси таква, има потенцијал да биде некоја диветина таму на сцена. Антонија Гиговска ми е мутава, она ми е материјал за пинк и хепи тв, за дуети со MC Стојан, не ми е за Евросонг. Дајте му на девојчето нешто српско, доста ѝ е. Мислам дека и англискиот не ѝ е баш јака страна. Фанк Шуи се исто добри, вокалистот Лука е симпатичен мажјак, Мартина (екс)Дупер е одлична тапанарка, можат да направат нешто кул. Алтернативен рок бенд. 2 бона, Таско, Слаткар и цела таа екипа ми се некако за балкан, тука популарни, на Евросонг би биле досадни. Песничките им се за моети, ферариња, бело, пичиња-мичиња, нешто за публика од 12 до 20 и за особи кои се палат на српски серии како Јужни Ветар. Лозановски често се спомнува. Ликот беше еднаш (со Есма), англиски беше тапа. Преповлечен, невпечатлив, не е за таа сцена. Без енергија. Ламбе ми е уште помутава верзија од Лозановски. Безлични ликови. Не можам да ги замислам како седат со оние гејчиња од wiwibloggs. Они се топ за питијади, ајваријади, компиријади.
Полата се млади, неискусни и не се за Евровизија. Пајак, Лара. Никако. Антонија има гласиште, Мартија исто, ама Мартија нема ни своја песна, ние на Евровизија ќе ја праќаме. Од листава ниту еден не е за таква сцена. Ни треба некој што би направил шоу, ама не знам дали и имаме таков.
Нели имаше изјава некоја дека парите ќе бидат потрошени за прослава на не знам колку години постоење на Мртв или грешам? Инаку лично јас не сум за да учествуваме. Моментално на сцената тие неколку квалитетни пејачи што ги имаме веќе сме ги пратиле, и не верувам дека би сакале да одат пак. Младиве или се ѕвезде гранда тип на музичари што не се за на Евровизија, или ќе ги изеде трема поради неискуство.
Да, но порано само искусни праќавме (Каролина, Тоше, Џоко да Фиш, Калиопи), пак немавме некаков успех.Не мислам дека е битно за Евросонг дали некој има песни или некоја голема кариера, секако никој не им гледа и следи што снимале порано, фокусот е на евровизиската песна. Многу од учесниците на Евросонг се млади, победиле на некакво регионално талент шоу, имаат некои кариери од година, две. А мислам дека и сите наши искусни пејач(к)и ги пративме.
Нема рецепт за успех на Евровизија, ама како што поминува времето забележуваме дека победуваат потпросечни песни кои се издвојуваат по нешто друго (јак настап, со огнови и чуда, или доаѓаат од земја под воена инвазија, или се небинарни, или нешто тринаесетто). Ние, сите добри изведувачи што ги имавме, ги пративме. Искрено не би ризикувал и понатаму да праќаме колку само да пратиме. Eleni Foureira на пример, топ глас, топ настап, топ песна, заврши втора... што понатаму.
Пошто статусот на нашата поп ѕвезда (лол) Андријана Јаневска стана вирален, сакав да истражам со какви песни и сценски перформанс некогаш Андријана се натпреварувала на Скопски фестивал и имала амбиција да замине на Евросонг. Воедно сакав да истражам и што се случува со нејзината мртва кариера денес, што снимала последниве години, колку како уметник успеала да се промени, да се прилагоди на новото време. Си реков, можеби грешиш, не ја следиш, можеби Андријана е македонската Мадона, се сменила, можеби е музички камелеон, дива, можеби снимила некој хит кој има барем 1000 прегледи, го наполнила Борис Трајковски, пеела на Скопје Прајд, добила греми, можеби Андријана не е само митинг на ВМРО-ДПМНЕ. Ова се две нејзини учества на Скопски фестивал. Со овие песни Андријана сакала да ја воодушеви евровизиската публика пред 10/20 години, во времето кога била битна музиката и вокалот, пошто денес Евросонг на Андријана ѝ е испод ниво. Последна песна ѝ е кавер на Заветна. Андријанче, ако прочиташ, фала ти што не си ја прифатила поканата на Мери, за прв пат се согласувам со наративот тие пари да одат за амбулантни возила (иако не одат).
Реално Андријана сама се закопа. Сакаше на сметка на лошо шоу како евровизија да се извади за нејзината мртва кариера, али лош потег. Ништо не докажа, само не' потсети колку не се труди да извади нешто ново.
А знаете што се прави кога не знаете кого да пратите на Евровизија, неважно дали немате доволно кандидати или ги имате премногу? Национален избор! Ама национален избор на ниво, не ко тој дебакл од 2022.
Еј ама дали заборави дека доби награда за најдобра пејачка на светот? Сепак со таа титула и јас не би прифатила да одам на Евровизија.
Да, да. Извесна ,,Зада рекордс" за која никој нема слушнато ја прогласи за најдобра пејачка во светот.Во конкуренција биле Norman Zada, John Riesen, Jessie Wagner, Natalis Rubero... Слушнал некој за овие? Ни јас. Порталите тоа го пренесоа како да добила греми. Ради тоа доби и златна бубамара за пејачка на годината. Кариерата мртва со години ама затоа пак фрчат ,,светски" признанија, бубамари и понуди за Евросонг.
Evrovizija odamnae otideno u k.... osven gologazi peaci i lgbt nema nisto drugo tamu taka da ne vredi da se gleda
