Што е убаво бе, да се ситиш на туѓа несреќа? Како можите некои луѓе вака да викате, немате ни грам емпатија во вас? Од камен сте? Коментар од еден пациент на фб за несреќата: Spoiler И после вакви имале право на глас да одлучуваат за иднината. Уште колку надолу ќе одиме. Инаку нема земјотрес регистрирано во близина во последните 4 саати. Последниот е само со 3 јачина.
Леле што ме утепавте. Прво мене не ми е жал за Албанија ама за луѓево да и на тие што се починати. Нека почиваат во мир. Но, во право е кога никој не не жали, не само Албанија, Грција, и др држави кога имавме поплави, земјотрес од пред две три години, таа ебана трагедија несреќа.. За жал вистина не само кај нас има омраза.
Па кога не би слушале политичари, кога не би се етикетирало кој убиец, силувач, криминалец по вера, нација, боја, пол туку само и единствено по делото што го сториле тогаш ќе нема омраза. Овие колнења и радувања се многу за ваков тип на трагедии, се многу полоши од тоа што тие го сакаат и бараат(права, голема албанија и слично) И вие сте тие што омразата ќе им ја пренесете на следната генерација, онаа која изгуби животи сега ни крива ни должна, за децата зборам. Тие деца, млади луѓе можда и воопшто не помислиле лошо во живот, ама читајќи вакви омрази и тие се полнат со омраза.. Значи не мразете нешто што сами го правите и ширите. Никој од нив не ви дојде дома и не ве повреди лично за да сте толку гневни. Иначе, не сум ни за двојазичност, ни за голема албанија, ни за еу, ни за нато, ама тоа не ми дава право да се ситам на туѓа несреќа, никому не посакувам нешто што не би сакала мене да ми се случи. Срамота.
ќе речев и јас ај убаво рекол оти нас вистина никој не не жали ... Ама не,без разлика на тоа дали некој не жали или не дали се Албанци Грци или не знам кои не е баш така да речеш дека убаво рекол. Прашајте ги скопјани како им било во 63та или која година беше земјотресот. Замислете па нив никој да не им излезел во пресрет. И после ќе се најде некој паметен да пише дека не ги жали па оти Албанци биле. А зар е важно тоа кои биле? Ех кај е отидено човештвото. И на крај без разлика дали ние ги жалиме или не нив изгубеното не им се враќа. Е тоа голема жал.
Мм нешто ми спомена , куќа што нема масивни плочи е побезбедна во однос на оние со масивна . Кај немасивната плоча , циглите се полни со бетон , но не се меѓусебно поврзани , што дава ефект на јојо - плочата може да се љуља / движи . Кај масивните , циглите се меѓусебно поврзани со бетон , што ги прави крути и невозможно е да се љуљаат / движат . Ова и од архитект го имам слушнато . Сега колку е точно , не знам . Веројатно ова важи само ако љуља лево - десно . Не ми текнало да прашам што би сѐ случило доколку љуља горе - долу . Безбедност нема од катастрофи кои на ниеден начин не може да се предвидат , за жал , реалноста е таа . Само животни можеби имаат некакви претчувства околу земјотрес .
Што да се извинуваш,се знае кој особи сакаат да бидат жалени. И што има во тоа убаво да те жали некој не сум разбрала ни па сакам да разберам. Дека Албанија била па убаво ги снашло,толку знаете вие за Албанија и Албанскиот народ па сега убаво ги снашло. А летно време како и во Грција, се брцате и шмркате јод. Есен зима не чинат,лоши се. Дно.
Абе ако се спомнува дека на нив им се вратило нешто, кармата ги стигнала, или Бог ги казнил, што правиме тогаш со сиве ситења на туѓа несреќа? Да не стигне и до вас кармата да ве опамети?
Годишно се случуваат толку многу силни земјотреси низ светот за кои (не) знаеме. Во истите има и голем број жртви. Еве на пример пред само неколку дена форумџиката Џој спомена дека во Јапонија имало земјотрес каде загинале деца криејки се паралелно под масите. Таа вест не одмина затоа што кога таму некаде зад три брда и долини се случува не не тангира лично па не се потресуваме толку. Ќе искажеме збор или два во чест на настраданите жртви и толку. Но, кога природни катастрофи се случуваат близу нас, или генерално во добро потковани "мејнстрим,, земји на западот или соседството веднаш имаме потреба да се соживееме и искажеме емпатија кон настраданите жртви поради страв нешто слично нам да ни се случи. Шалитра е далеку од објективна низ темите, но е искрена. Не допира до неа несреќа на нација со која сме во политички конфликт, и тоа е во ред. Низ социјалните мрежи деновиве видов и од интелектуалци кои редовно пишуваат статуси избегнување објава или индиректно тролање низ коментари што покажува колку како народ сме десентитезирани. Владата од друга страна не помогна ради алтруизам, туку исклучиво политичко - стратешки цели од типот ,,сеа ви помогнавме за утре коа ќе влагаме у нато/еу да ни дадете амин". Преку вакви мали гестови за внимание се испраќаат и пораки за соживот и мир измеѓу другото.
МАКЕДОНИЈА Сопственици ги отстапија вилите: Жители на Драч се сместија бесплатно во Охрид 02 декември, 2019 Мики Трајковски Погодени семејства од земјотресот во Албанија се сместуваат во Охрид Цели семејства со мали деца и постари луѓе се сместени во приватни вили во Охрид, чии сопственици ги отстапија после земјотресот во Драч Подобро да умрев отколку да го доживeав она што ни се случи, а се случи голема паника. Прво го слушнав вресокот на 4-годишниот внук врз чиј што креветот каде спиеше падна шкафот. Имало и порано змјотреси, но како овој што беше никогаш немало. Вака 75-годишната Мрига Џока, жителка на Драч, се потсетува на првите моменти од силниот земјотрес што минатата недела ја зафати Албанија. По двата силни потреси раскажува дека морале да се засолнат во автомобилот. Таа деновиве заедно со своето седумчлено семејство е во Охрид. За Гласот на Америка, вели дека им е страв да се вратат во родниот град, затоа што не се чувствуваат доволно безбедни. „Немаме верба да се вратиме назад. Поголемиот дел од Драч сега е мртов град. Но, идејата да дојдеме во Охрид ја прифативме веднаш. Слушнавме преку интернет и преку наши пријатели дека има ваква можност“, вели Џока. Но, други пак велат дека ќе се вратат назад бидејќи нема каде да одат. „Беше многу страшно. Земјотресот беше многу силен, се тресеше сè. Зградата каде што живееме од долгото тресење буквално беше пред распаѓање. Ќе се вратиме назад, бидејќи немаме каде да одиме иако состојбата е таква каква што е. Кој може да каже кога би имало повторно земјотрес, дали денес или после една година“, ни рече Сотир Трендафили од Драч. Им обезбедуваме оброци, лекарства и здравствена нега односно посета од лекар. Овде е сè подготвено. Затоплени апартмани и соби и мислам дека се задоволни Сашо Точков, претседател на Црвениот крст од Охрид Четириесетина луѓе деновиве се сместени бесплатно во една приватна вила во Охрид, каде граѓани и локални компании со помош на волонтерите на Црвениот крст секојдневно им носат храна и се грижат за нивниот престој. Помеѓу нив има и деца, но и семејства кои останале без своите домови. Тие организирано од граничниот премин се носат во Охрид. „Им обезбедуваме оброци, лекарства и здравствена нега односно посета од лекар. Овде е сè подготвено. Затоплени апартмани и соби и мислам дека се задоволни“, вели Сашо Точков, претседател на Црвениот крст од Охрид. И други сопственици на вили и хотели најавија дека се подготвени бесплатно да примаат луѓе од Драч и околината. Во меѓувреме помош се собира насекаде низ земјава. Граѓаните самоиницијативно се организираат, се поставуваат пунктови, а во многу училишта професори, ученици и нивните родители организираат хуманитарни акции. Потоа помошта самите ја дистрибуираат до крајната дестинација. Таков беше случајот и во основното училиште во струшкото село Лабуништа. „Нашето училиште реализира една хуманитарна активност. Резултатите се многу добри од оваа иницијатива. Се надевам дека со нашиот потег, барем малку ќе им помогнеме на нашите браќа во Албанија“, рече Валон Мамуди, директор на основното училиште „Мурат Лабуништи“. Исто така и Црвениот крст на Северна Македонија испрати седум тони помош од прехранбени производи, средства за хигиена, ќебиња, монтажни кревети, вреќи за спиење. Во координација со државните институции беа испратени и медицински тимови и тимови за проценка на штетите, пожарникари и кучиња трагачи. Во силниот земјотрес од 26 ноември, загинаа педесетина луѓе. https://mk.voanews.com/a/voa-macedonia-albania-ohrid/5189808.html
