Најдобро решение за испукана уста е мед Подебел слој кога спиете а предноста е што и преку ден може идеално да го замени сјајот за уста само во потенок слој да се става и сите задоволни
Чувајте си некоја обична четка за заби,специјално за оваа намена и не ја користете за ништо друго.Со благо триење (со или без сода бикарбона) го тргате мртвиот слој на клетки,а после тоа ставете мед или некој добар балзам.И нормално во слободно време не ја гризајте и лижете устата,особено кога има ветер,пошто така никогаш нема да ја оправите.
Балсамот за усни, кармините со заштитни фактори се од голема помош, а ние треба да го избегнуваме честиот престој на ветровито време. Деновите заладуваат, а промената од топло кон ладно време може навистина да влијае на нашата кожа. Покрај ладното време, причини за испукани усни може да биде стресот, недостатокот на витамини, како и високата температура. Се што треба ние да направиме е да им посветиме 5 минути. Не заборавајте дека треба да престанете да ја лижете устата додека дува ветер. Наместо да ги лижете, нанесете балсам, тој подолго време ќе ги заштитува усните од суровото време. За да имате меки и затегнати усни, секојдневно масирајте ги со четката за заби, додека ги миете забите. По масажата, нанесете масло за усни. За поголеми резултатите, бадемовото масло е одлично за по масажата. Негувани, полни и заводливи усни се сон на секоја жена. Доколку им посветувате доволно внимание и соодветна нега, усните можат да ви бидат еден од најсилните адути при освојувањето. * Земете малку путер и намачкајте тенок слој на усните пред спиење. Во овој случај, овозможувате на усните да омекнат, а и да им направите природна заштита од надворешни влијанија. Карминот наутро многу полесно ќе го нанесете, а усните нема да ви бидат насобрани и безживотни. Ако и путерот не ви одговара како варијанта, тогаш заменете го со креми богати со глицерин. * Наједноставно решение е вреќичка црн чај, натопете го со топла вода и притиснете ја вреќичката на вашите усни од три до четири минути еднаш на ден, а потоа нанесете балсам за усни по избор, за да ја задржите хидратацијата на усните во текот на денот. * Ако имате крема за сончање со најмал фактор - 15 нанесете од него пред спиење или пред излегување надвор. Кремата за сончање нема да служи против изгореници, со оглед на тоа што е зима, туку ќе ја хидратира вашата усна.
Jaс многу ретко си имам проблеми со муцето, ама еве оваа недела забележувам дека ми е суво некако, дека кожичката ми се набира и дека ми се суши. Па се изнервирав пошо почна и да ме пецка, земав в купатило четка за заби само ја намокрив со вода, и почнав да си ја тријам устата со сета сила И после земав влажно марамче си се побришав малку и лабело ставив и сеа ми е како нова. Ова е мој третман
Во зима често пати ми е испукана устата ,па си ставам мед,по 20-30мин го бришам и ставам лабело најефикасно решение
Практикувам еден многу брз пилинг ако можи да се наречи. Во раката ќе земиш малку шеќер,а пред то малку ќе ја излижиш устата за да се залепи шеќерот и ќе ја движиш устата како кога клаваш кармин за да е рамномерна бојата. И веднаш после лабело
Мене лек ми е само гроздова маст. Ништо друго. Устата секое сабајле ми е како искасапена. Нема лабело што не го пробав, ама ова најубаво ми ја мрси устата и дооолго трае.
Секое миење заби , ја поминувам и устата со четкичката. Му доаѓа како пилинг на устата. По ова и ставам дебел слој на Росал (розевото Прити грл) лабело, некако најубаво ја хидрира устата. По потреба пак си се мачкам. Убава ја прави устата.
На устата нон стоп ставам лабело коа ќе осетам дека ми е сува и така никогаш не ми е испукана. Коа ќе осетам дека ми се лупи , после миење на заби ја поминувам со четкичката и ставам лабело или гроздова маст а исто и навечер пред легнување се мачкам некако навика ми стана па неможам да легнам без лабело и да не се урочам немам проблем со пукање на устата
ми се створи некоја зависност од лабело. Ако не го понесам со себе, веднаш ми пука устата, лоша навика но не се одвикнува никако. Иначе одлични ми се на галафарм лабелата.
