Ова беше Алпско, иначе од Битолско најгуста е пената, а не треба да биде така, треба да биде баш како пена, не како шлаг. Јас го матам со обична мешалка за нескафе, на струја, не е нешто јака. Инаку ова значи дека млекото е полно со сува материја, значи пиеме прашакче, ама тоа е друга тема
Ана, пробај со миксер и со една од оние спиралните вилушки што одат со миксерот. Вчера пробав со обичен миксер и една таква спирална вилушка, и пена цврста добив за минута матење. Ангел, јас не те разбрав пак, да го сварам па оладам кафето или само кафе+шеќер да ги измешам во вода, па да го додадам во пената?
Да, да само да измешаш, не го вари, нескафето не се вари. Се меша тоа и со лажиче само, мешаш и додаваш, просто ко гравче.
Оваа твоето преубаво ми се виде. И баш сакав да го направам ама некако не ми излезе ко што треба. Го правев со Нескафе ладно, е сега не знам може млекото не ми беше баш како пена.Инаку јас немам машинка за нескафе и пробав со миксер како што објасни некоја членка погоре.
Ангел јас го пробај рецептот и ми излезе супер. На крај си ставав малку и течно чоколадо. Ова беше проба на само, и сега затоа што е супер, чекам либето да се врати па да се правам важна ФАЛА Инаку во нашиве млека немало ни м од млеко. Јас ставив здравје радово четвртина чаша и со матењето добив две третини цврста пена, бод да чува што пиеме.
^ Е па тоа изгледа било проблемот кај мене. Јас првиот пат кога пробав да го правам по рецептот од Ангел, го правев со домашно млеко. Мати, мати со машинката за нес, од пена ни п немаше. Моите дома не сакаат да пиеме тетрапак млеко, ептен кога се мора, инаку секогаш купуваме домашно млеко. А од Битолсково, пена за пола минута се направи и тоа убава пена
не е нешто нај нај сликава .... Рецептот што го правам е следниов: Кафе(нес) и шеќер по 1 лажичка ставам(по свој вкус) го мешам со машинката за Нес-кафе со вода колку да се залие дното на чашката, матам се додека не се даде волумен отприлика пола чашка... Потоа додавам млеко колку да се наполни чашката... И доколку сакате може да матите ако не ќе имате пенест вкус..Јас најчесто ги матам.. . Декорирате по своја желба
колку време го матеше млекото? Каква пена ти е (цврста или има дел од млекото течно- скроз целото го направи пенаа ) ? Матеш потоа од кога ќе ги додадеш кафето и шеќерот..(тие се зрнца,ако можам да ги наречам ќе се стопат претпоставувам..)
Изгледа не сум објаснила убаво. Значи млеко исклчиво тетрапак, бидејќи домашно млеко нема да ви направи таква пена, се мати со машинка за нескафе, само млекото. Ќе ви се направи пена, небитно дали е цело пена или малце со млеко, битно да се запени. Стевете малце млеко за да не ви се иссипе додека матите, една четвртина од чашата и тоа е многу можеби. Во друга чашка ќе ги измешате со вода кафето и шеќерот и ќе ги истурите во млекото, но внимателно и само на едно место, најубаво на средина за веднаш да падне доле да не се измеша со млекото и пената. Декорирајте си ако сакате со шлаг и чоколадо и суперски ќе ви дојде. Е сеа што може да направите, коцки од кафе, во сад за мраз да замрзнете ладно кафе, исто измешано само кафе и шеќер и замрзнете ги. По ист принцип млекото и после само додедете ги коцките, ќе почекате малце да се растопат да пушташ од кафето и како пиете тоа се раствара и добивате кафе ипол. Во смесата за кафе пред да замрзнете додете и малце ликер од кафе ако имате, многу убав вкус ќе ви даде.
Само да кажам дека си ја најдов книгата со рецепти од Цептер и можам да ви споделувам рецепти од таму доколку сакате. Spoiler Инаку книгата е од пред 20тина години ама има секакви рецепти,од предјадења,салати,супи,зеленчук,јадења со месо,риби,дивеч,лонци,сосови до слатки од овошје.Плус има интересни работи како калориска вредност на продукти,кои активности колку калории трошат,колку калории е потребно да внесуваме според возраста,табела за идеална телесна тежина,употреба на сосови,висока школа за поставување маса,употреба на аромати и др... Јас го одвоив овој рецепт Крем од кафе состојки: 2 жолчки 4 лажици шеќер 1 филџан јако црно кафе 1 слатка павлака Во Цептер тенџере топлете вода.Кога ќе биде загреана,над водата ставете Цептер сад и во него матете ги жолчките со жолчките со шеќер(над пареа).Турете млако кафе и слатка павлака.Кога водата добро ќе зоврие,исклучете го шпоретот,кремот во садот мешајте го и понатаму на пареа за да добиете убаво густа,мека и течна смеса.Садот извадете го од над Цептер тенџерето и оставете го кремот да се олади.
Совршена крем- пена за кафе добиена во микробранова Ставете го млекото во сад со капаче кој може да се користи во микробранова. Ставете млеко најмногу до половина од нивото на садот, за да оставите место за пената која подоцна ќе се создаде. Протресете го затворениот сад најсилно што можете додека млекото не се зголеми двојно во волумен (околу 30-60 секунди). Тргнете го капачето и потоа загрејте го млекото на 30 секунди. Ќе се направи пена која ќе се искачи до врвот на садот, а топлината од микробрановата ќе помогне да се стабилизира и да не се распадне. Врелото млеко налијте го врз кафето, а пената веднаш ставете ја со лажица на врвот на шолјата. Напомена: Пожелно е да користите млеко со 2% масленост или сосема безмасно, бидејќи со нив полесно се создава пена. Преземено
Моето љубовно кафе за мажето Јас го правев за мм со обично млеко, зоврено во ѓезве, со машинчето за нескафе направив пена и до врв во чашата додадов сварено какао, како го сварив? На рингла растопив мед и малку зачин со цимет, од КАМ го има за сутлијаш е, додадов млеко и почекав да се растопи медот, оригиналниот рецепт е со шеќер иначе, ама ние сме скарани со шеќерот дома. Додадов во млекото какао една лажичка пополна и го сварив нормално. Како такво го додадов врз пената но внимателно да не се расипе истата. Од хартивче исеков срце и со цедалка наросив какао за да излезе форма на срце, додадов едно циметче и малку Бејлис за арома и го воодушевив мм
У право си, ич не смислив тоа дека не е кафе туку какао, ајде нека бришат главниве. Извинете. Уствари има ликер од кафе Се шалам, нека го избришат мислењето комотно, сепак не е кафе туку какао.
Бидејќи претходното беше какао не кафе, повелете едно кафе, капучинесто, кремасто и млечно, постапка слична како за какаото. Конечно се почастив и јас едно Ми скисна од какао со вода
Девојки брат ми купил нескафе и шлаг пена и ме тера да му правам нес и шлаг пена да изматам да ја ставам озгоре нонезнам колку ќе успее тоа? Има некој правено?
@eloves јас сум правела нес во многу комбинации, па и со шлаг пена. Нема да утнеш, без разлика дали ладен нес ќе правиш, или топол. Една совршена комбинација за периодот што предстои: ладен нес, со една топка сладолед (јас преферирам од ванила, но и од чоколадо вкусот е супер), шлаг и одозгора чоколаден прелив.
Моето секојдневно кафенце овој пат со парче Чизкејк. Веќе скоро година дена го пијам Инстант кафето од Кам со 90% цикорија и 10% инстант кафе. Ставам лажичка кафе, лажичка кафеав шеќер и малку млеко и го матам со машинка, додавам екстракт од ванила, мраз, и матам само млеко да добијам пена. Некогаш ставам и топка сладолед или ванила или чоколадо. Превкусно ми е вака, и некако без ванилата ми го нема тој шмек што го сакам.
Ирско кафе Потребни состојки: Виски Кафен шеќер Кафе Ореви Ликер по желба Слатка павлака Подготовка: Сварете го кафето и промешајте го со виски, а потоа додадете го шеќерот. Можете и да додадете малку рендано оревче, по желба. Оставете ги сите состојки убаво да се стопат и измешаат неколку минути. Откако кафето ќе се олади, додаде ликер по желба, во зависност од тоа дали сте љубител на кафето со чоколадо, ванила, кокос, карамела... Направете пена од слатката павлака и додадете ја. Мразот во ова кафе не е препорачлив за да не го разводни вкусот, па затоа одлично би било ако постои во фрижидер барем половина час пред послужувањето.
Девојки каков екстракт користете за кафиња, од ние екстрактите за колачи што се или има специјални некои за кафе ?
