Денес го направив колацот со ресани и навистина бесе превкусен само јас го ставив во калап за ролат и излезе така мхмх
Да ве прашам, кои се оние колачиња, крцкави се најверојатно, што ги печат американците? Во пмс, ги гледам по серииве и страшно ми се пријаде, а поим немам од готвење, па се мислев да ве прашам тука ако се најде некоја домаќинка да ме просветли...
Ако мислиш на тие со парчиња чоколадо еве еден рецепт, мене овие ме асоцираат на амерички колачиња. Колачиња
^Фала ти многу, ми изгледаат лесни за правење, па ќе пробам да ги направам денес. Се надевам дека нема да ги зафркнам.
Колачи со урми 100гр. мелени ореви 150гр. мелени бисквити 230гр. мелени урми 100гр. маргарин (растопен) 1 лажичка рендана кора од портокал 1 лажичка цимет 150гр. шеќер во прав Од состојките се замесува тесто и колачите се формираат по желба. Се валкаат во растопено чоколадо за готвење. Триаголници со крем-банани 300гр. мелени бисквити 50гр. маргарин (растопен) 100мл. вода 250гр. шеќер 1 лажица какао 1 чоколадо за готвење крем-банани Во тенџере се ставаат водата и шеќерот да вријат. Откако ќе зовријат, тенџерето се трга од оган. Се додаваат бисквитите, маргаринот и какаото. Ова се меша со лажица. Сместата се става во калап во форма на долгнавест триаголник, претходно обложен со проѕирна фолија. На средината се стваат крем-банани. Се става во замрзнувач да се стврдне. Откако ќе се стврдне, се премачкува со растопено чоколадо. Се остава да се излади и се сечат парчиња.
Овој ми е омилен Салама со кафе Тесто: 250 гр. кокос 250 гр. мелени бисквити 200 гр. шеќер во прав 3 филцани сварено засладено кафе Фил: 3 варени жолчки ( јас не ги ставам ) 125 гр. путер 100 гр шеќер во прав 100 гр. желе бонбони малку рум Подготовка: Во еден сад се промешуваат сите состојки предвидени за тесто и се замешуваат со варено кафе.На наместена алуминиумска фолија се расплескува кора прст дебела, се премачкува со филот, се завиткува како ролат кој, пред да се сече, треба добро да се стегне најдобро на собна температура ( јас практикувам 20 мин во замрзнувач дека ми се брза). Фил: Путерот пенесто се мати со шеќерот во прав, се додава малку рум (една лажичка), желето исецкано на коцки и на крајот варените пасирани жолчки (кој не сака не мора). На крај се прелива со едно чоколадо за готвење (претходно стопено на оган со малку путер)
Моира да пукнеш леле што ми направи со тој рецептот за фереро. Вчера многу културно си го направив и денес ми е страв во кујна да отидам од колку се прекрасни и што ќе ми пропадне секојдневното возење точак. Апсолутно феноменални колачичи, да ти е жал со гости да ги споделиш т.е. колачи за одбрани гости, врвниот вид на почит. Во еден момент ми беше жал да го мијам тоа пластичното од смесата па темелно со прсте го лижнував. Ставив Нутела (најефтина ќе да е во Кам), лешниците не ги сомелив ситно туку ги издробив во едно справиче од Базаро и им лупнав наполетанки со лешник од Европа. Дефинитивно Европа имаат одлични наполетанки секогаш им се свежи и со нормална цена (А не Јафа, мафа ѓомити злато ставиле внатре ). Е сега, јас тука имав еден лапсус, од пола од смесата вадев форми со лажиче кога не беше стврдната па после ми текна во фрижидер да ја ставам. Ама ептен интересни формички излегоа, посплескани и неправилни, баш уметнички. Супер колачичи, само Нутелата им влече на цена ама вредат.
Искористени остатоци од замрзнато тестенце, пудинг од маскарпоне, неколку свежи малинки, и ливчиња мента оти без нив не сум јас...и на крај овие превкусни лепотици
Штангли со капучино 100гр. капучино 500гр. мелени бисквити 150гр. шеќер во прав 200мл. топло млеко пола маргарин (растопен) 1 бело чоколадо за готвење Капучиното се раствора во млекото и се остава да се излади. Откако ќе се излади, се додаваат бисквитите, шеќерот во прав и маргаринот. Се меша со лажица. Смесата се става во правоаголно тавче со димензии 16cm x 24cm. Се лади во фрижидер. Чоколадото се топи и се става одозгора. Смесата пак се лади. Откако ќе се излади, се сечат парчиња.
Топло-Ладно (одличен колач за ова време) СОСТОЈЌИ • 500 гр чоколадо • 10 јајца • 125 гр путер • 200 гр брашно • 10 лажици шеќер ПОДГОТОВКА Чоколадото и путерот се ставаат во подлабок сад. Потоа, на умерен оган, се топи смесата. Откако ќе се растопи, садот се трга од шпоретот и се остава смесата да се излади. Јајцата се матат заедно со шеќерот. Потребно е јајцата малку да се изматат, односно да бидат пенести. Потоа, јајцата и шеќерот се додаваат на смесата со чоколадо. Сите состојки се мешаат со жица за матење, а брашното го додаваме постепено, со постојано мешање. На крајот, треба да се добие густа и хомогена чоколадна смеса. Калапите се мачкаат со путер и се попрскуваат со брашно, пред да се налее смесата во нив. Во меѓувреме, се загрева рерната на 250℃. Се пече само 5 минути.
Феминки дај бе кажете рецепт ЕДНОСТАВЕН и УБАВ т.е. ВКУСЕН за парени колачи? Она основното брашно,јајца,зејтин,шербет...Ајде баш ми се јаде јас не најдов ништо!
Eве ти еден брз и лесен рецепт 2 јајца се матат со 1 чаша (чаша од 200гр односно од мал јогурт) шеќер.Потоа се додава 1 чаша млеко и 1/4 чаша зејтин. Се промешува со лажица па се додава 1 чаша гриз, 1 чаша брашно и 1 пециво. Потоа се додаде 1 чаша сецкано суво грозје, 1 чаша сецкани ореви и јас додавам и 1 ванила (во рецептот оди и 100гр кокос ама јас неставам, оваа комбинација ми е најубава). Убаво се промешува со лажица и се пече во подмачкано тавче со зејтин и брашно. Оваа доза е за тавче бр. 24. Шербет се прави од 800 гр шеќер, 400гр вода и малку сок од лимон. Колачот (уствари торта е ) се пари ладна со врел шербет. Spoiler ја правев во недела и сега веќе нема
Jas gi pravev ovie so бел еурокрем : 300 гр бело чоколадо 3 лажици масло за јадење 3 лажици крем од белото се топи чоколадото, се додава маслото (на пареа секако) и на крај кремот. се додаваат потпечени сецкани (јас ги мелев) по 100 гр. ореви, лешници и бадеми Јас ставив по 50 грама од се, и од смесата истурив во силиконски модли за мафини. Првпат ги правам ,ама некако бааги блачко доаѓа. Ќе видам утре сопругот е повеќе по благото дали ќе ми ги бендиса
И јас го имам истиот рецепт. Ми го даде јатрва ми. Кај неа ги пробав колачите и многу ми се допаднаа.
Грчки колачи 800гр. брашно 3 јајца 3 големи филџани шеќер 3 големи филџани зејтин 3 лажици мед 1 лажичка сода бикарбона 1 пециво Од состојките се замесува тесто и се расукува кора со дебелина од пола сантиметар. Со калапчиња се вадат фигури и се печат во плех подмачкан со маргарин, на 150-170 степени. Се топат 3 чоколади за готвење и 50гр. маргарин. Откако колачите ќе се испечат, се лепат сос мармалад. Се валкаат во растопеното чоколадо, па во кокосот.
Знае некој каде се продават убави, а не многу скапи ситни колачи? Од тие на кило што ги продават? Сум слушнала за неколку слаткари во Скопје ама не се сеќавам на името. Ако знае некој нека каже ми треба за посна слава. Фала унапред
