Пудинг колачи 1 шолја зејтин 1 шолја млеко 5 шолји шеќер 5 шолји брашно 2 пудинга Во тенџере се ставаат зејтинот, млекото и шеќерот да зовријат. Брашното и пудинзите се мешаат со лажица. Кога млекото ќе зоврие, тенџерето се трга од оган. Се додаваат измешаните пудинзи и се меша со лажица. Тенџерето пак се враќа на оган. Смесата треба да се вари 2 минути. Смесата се става во правоаголно тавче и се остава да се излади во фрижидер. Потоа се сечат парчиња.
Колач од гриз и нутела Потребни состојки 200 гр. гриз 120 мл. млеко 100 гр. чоколадо за готвење 4 лажици нутела 4 лажици шеќер 1 портокал 2 јајца Подготовка: Изматете ги јајцата со шеќерот, па додајте ги гризот и млекото. Потоа додадете ја нутелата и промешајте. На крај исцедете го сокот од портокал, изрендајте малку кора и додадете во смесата. Добиената смеса претурете ја во мрсна тава подготвена за печење на која ќе ставите и брашно. Колачот печете го на 180 степени 40 минути. Додека е топол може да го прелиете со неколку лажички Нутела или стопено чоколадо, па да наредите ореви или лешници по желба.
Денес нешто импровизирав и испадна ПРЕКРАСНО. Ги викам колачите Бекипафс. Потребни состојки: - 100 грама милка орео - 1 јајце - 1 кафена лажичка путер Начин на готвење: Во мало тенџере ставате вода да врие и го поклопувате со метална длабока чинија. Милката ја кршите на коцки, а јајцето го маткате со миксер, за да има пена. Кога чинијата ќе биде доволно топла,ставете ги коцките милка и една кафена лажичка путер. Кога ќе де стопат чоколадото и путерот, го гасите шпоретот и го додавате матеното јајце. Мешате додека не се соединат. Потоа истурате по малку од смесата во чашки за капкејк и на плиток метален сад или тава ги ставате во рерна да се печат на 200°С за 15 мин. Слики ќе ви покажам вечер, пред малку експериментирав, а и немав чашки за капкејк.
Само што го направив Колач со кокос 2шољи за чај брашно Мала шоља зејтин Пола кесичка кокос 1 прашок за пециво 1мала лажичка сода бикарбона 300мл. Млеко Едно јајце Една голема лажица какао Се тоа се меша и во тепсија подмачкана со зејтин се става на печење на 180cтепени. Потоа се сече на коцки одозгора се става стопено чоколадо за готвење ПРЕВКУСНО Е ПРОБАЈТЕ НИ 100 ДЕН НЕМА ДА ВЕ КОШТА
Колач со цимет 500 гр. кисело млеко 1 ванилин шеќер 2 мали лажички сода бикарбона 1 мала лажичка цимет 2 големи лажици какао 5 мали филџани шеќер(јас ставам помалку шеќер) 2 мали филџани зејтин 6 мали филџани брашно За фил: Мармалад од кајсии 200 гр чоколадо Сите состојки погоре се мешаат во еден сад на рака со бркалка.Потоа смесата се става во подмачкана и набрашнета тавка.Колачот се пече околу 45 мин. на околу 180 степени. Колачот откако се испече додека е жежок се мачка со подебел слој на мармалад.Откако ќе се олади се прави глазура од чоколадо. Многу е брз и лесен нема промашување
Девојки кажете некој рецепт со кикиритки , имам останато некои си 500 гр ми се мафтаат низ дома, па да ги искористам
Мој омилен отсекогаш, бил и ќе биде Баунти колач, превкусен ми е. Посебно ако обожавате кокос, милина Прва кора. Потребно: 3 јајца 120 гр. шеќер 1 лажица какао 200 гр. брашно 1/2 кесичка прашок за печиво Изматете ги јајцата со шеќерот во густа смеса. Додајте го брашното во кое предходно сте ги помешале прашокот за печиво и какаото. Убаво измешајте и истурете во намрсена тава. Втора кора. Потребно: 4 белки 200 гр. шеќер 200 гр. кокосово брашно Изматете цврст снег од белките со шеќерот. Во снегот матејќи на помала брзина полека додавајте го кокосовото брашно. Второто тесто истурете го врз првото, убаво распоредете и ставете го во рерна загреана на 180 степени па печете 10-15 минути. Крем Потребно: 3 кесички пудинг од ванила 1 литар млеко 4 жолчки 250 гр. маргарин 150-200 гр. шеќер Изматете ги жолчките и шеќерот во прав. Сварете го пудингот и пред да го тргнете од ринглата додајте ги жолчките. Убаво измешајте и оставете да се излади. Маргаринот изматете го пенесто со малку шеќер во прав па убаво изматете со оладениот крем од пудинг. Изладената кора премачкајте ја со кремот. Глазура Потребно: 150 гр. чоколадо за готвење 100 гр. маргарин 50 гр. кокосово брашно(за наросување) На ниска температура или во сад над пареа, истопете го чоколадото и маргаринот. Полијте го колачот и наросете со кокосово брашно. Оставете убаво да се олади. Е сега јас глазурата почесто ја правам само со чоколаден прелив а некогаш и вака ко на сликата, но превкусно е како и да го направите
Malku mi e nejasno,ova na slikata kako sto se gleda,kora pa toa beloto sto e,kokos li e,pred kremot?super mi stoi ke se proba za praznicite
Чоколадни бомбици со кикирики Потребни состојки: – 300 гр несолени кикирики – 150 гр шеќер – 50 гр чоколада за готвење – 125 гр маргарин – 2 жолчки Подготовка: Изматете ги жолчките со шеќерот на пареа се додека шеќерот не се растопи целосно. Во топлата смеса ставете ги маргаринот и чоколадата да се растопат, а потоа убаво измешајте и оставите да се излади. Потоа додајте ги смелените кикирики и измешајте убаво. Кога сместа ќе биде сосема изладена направете бомбици кои ќе ги извалкате во мелени кикирики. Ставете ги во хартиени корпи.
@Cka Се надевам нешто од ова ќе ти биде од помош.Разгледај го првиот линк има повеќе страници. http://moirecepti.mk/tag/колачиња/ http://moirecepti.mk/post/божиќни-колачиња-3/ http://moirecepti.mk/post/шарени-божиќни-ѕвезди/ http://moirecepti.mk/post/божиќни-елки/ http://moirecepti.mk/post/шарени-божиќни-ѕвезди/ http://moirecepti.mk/post/украсни-суви-колачи http://moirecepti.mk/post/миризливи-посни-колачи http://moirecepti.mk/post/колачи-со-анис
Мене црниот крем од Еурокрем порано ми беше еден од омилените, ама одамна го немам купувано бидејќи според мене го расипаа квалитетот, а му ја зголемија цената. Мислам дека побар супститут би ти бил црниот Алпико од Кам, меѓутоа кога веќе си го купила овој направи ги, сигурно нема да останат неизедени бомбиците.
Моите омилени, по моја рецепта. Мелени ореви, мелени лешници, мелени бисквити, малце рум и путер. Се` се меша и се прават бомбици.
