Се склучува Преддоговор, се прибележува во катастар; потоа ако земаш кредит склучуваш Договор за хипотека; и на крај кога е готов станот склучуваш главен договор за купопродажба. Сите се потпишуваат на нотар.
Здраво Заинтересирана сум за купување стан во Скопје со една спална. Гледав неколку станови. Што мислите за Мараи Дооел инвеститор што гради до Фон факултетот? Исто и за комплексот Космос исто позади Фон? Дали ќе се урбанизира таа населба (Ќерамидница) и дали вреди таму да се купи стан зошто се најефтини?
Исто ме интересира дали кога го правиш преддоговорот го даваш целото учество па потоа аплицираш за кредит и ако не ти одобрат кредит дали ти го враќа фирмата учеството? Како оди постапката.? Конкретно за 20000 евра учество се работи и 30 000 евра хипотекарен кредит. И која банка моментално е најпогодна за станбен кредит?
Ќерамидница допрва ќе се урбанизира, мое мислење ќе требаат барем 4-5 години најмалку. Јас лично не би инвестирала во нешто неизвесно како ќе биде во блиска иднина, повеќе сакам нешто познато и видено. Космос објектот повеќе од половина е продаден, имаа некои тешкотии како фирма сите сме запознати со нив, ама сега повеќе од добро тераат. За Мараи ги знам како градежна фирма и тие доста градат, конкретни искуства не знам за нив. Во врска со кредитот, да се распрашате во повеќе банки за условите и каматната стапка што ќе ви ја понудат, учеството во однос на тоа колку учество бараат за конкретен кредит, а учеството најчесто се плаќа ден-два пред или после потпишувањето на Преддоговорот, најсигурно е во банката каде што ќе решите да аплицирате да ви кажат кои се шансите да ви одобрат па да сте раат со плаќањето. Со вашето учество нема да е никаков проблем.
Ако некој има стан во Порта Резиденс 1 или 2, слободно нека ме контактира во приватна порака, да ви пратам линкови за да се приклучите во Viber групите на станарите од истите.
Некое инфо за Саник Алуре комплекс? Од интернет оператор дознав дека веќе неколку станови се вселени Мене на почетокот на февруари ми рекоа 'деновиве ќе ви е јавиме за главен договор, чекаме имотен лист', но еве заврши месецот и ги нема. На телефон не креваат веќе Ако во пред договорот немаме наведено да ни плаќаат пенали нешто што каснат, дали има шанси да бараме и да добиеме сега нешто со оглед на тоа што 01.01 теебаше да биде достапно за вслеување?
Јас во саботата бев, се чисти, рекоа за брзо ќе не бараат за корекции и клучеви. Зборам за делот 7.3. А како ова некои вселени не разбирам? Технички прием има зградата нели? Ако не ви креваат идете во дирекција или па директ во баракчето пред зграда.
Технички прием е поминат уште пред 1 месец, така кажаа дека наводно чекаат имотни листови, но еве тука кажаа дека за другата Алуре им дале 9 месеци по вселување Инаку, вчера мм се јавил во телеком имало промоција за некој пакет и му рекле дека веќе таму имаат местено и дека луѓе биле вселени.
Значи ако има технички прием значи дека зградата е спремна за вселување вајда?! Бидете упорни, треба да им се досаѓа.
Како оди постапката за купување стан преку агенција од физичко лице? И како може да се провери дали тој стан е под хипотека или има извршители да не не зафркнат?
Advokat ke angaziras I toj ke proveruvam I ke sostavuva predogovor I dogovor. Sekogash ima Mal procent za malverzacija .
Има некоја градба во Аеродром/Карпош каде што сеуште не се продадени становите? Макар и во почетна фаза на градба.. Не можам да најдам ништо освен Порта Супериум и 4 степени (кои ќе бидат готови 2024/25та, тоа ми е премногу)..
Може да проверите лично во Катастар со тоа што ќе извадите имотен лист за предметната недвижност, или онлајн во делот провери товар. Во имотниот лист пишува дали одредена недвижност има товари или е чиста, за извршители тоа не може да проверите затоа што само продавачот знае дали спрема недвижноста е донесен налог за извршување со заплена и продажба, затоа во договорот за продажба се наведува заштита од евикција, ризик секогаш постои. Адвокат може да ви провери во Катастар доколку не сакате лично да одите, исто може да види кај сите извршители одделно да провери дали продавачот е должник во некоја извршна постапка, но тоа оди бавно и не може да се гарантира дека после проверката нема во меѓувреме да пристигне барање за извршување против продавачот, затоа како што пишав погоре, во договорот се ставаат одредби за заштита од евикција, значи најважно е имотниот лист да е чист во моментот на склучување на договорот односно денот на солемнизација. Ако ве интересира нешто поконкретно пишете ми порака.
