Дали имате куќна слава, кои пропратни традиции и обичаи ги практикувате (како носење лепче во црква и сл.), чекате ли многу гости? Јас го празнувам Св. Никола.
Ние имаме слава дома на Мала Богородица и исто така на Св. Јован именден на татко ми . Имаме голем број на гости околу 40-50 и отсекогаш ми биле интересни овие денови, посебно кога бев мала, колку ли само чоколади собирав од сите гости едно за мене едно за сестра ми . И ден денес си припремаме со моите и си очекуваме гости на овие два дена.
Славиме Пречиста на 4 декември, мајка ми дома си меси лебче и го носиме во црква го кршиме, приготвуваме посна софра и си чекаме гости, кој дошол - добро дошол
Славиме Свети Никола, и многу го сакам тој ден. Не знам зошто, но се’ што се готви на тој ден посебно убаво испаѓа. Лепчето, сармите, рипчето, гравчето - исто ги правиме и во обични денови а не се толку вкусни. Многу сакам кога ќе се собереме сите блиски, јадеме и се смееме. Овој ден има посебно значење за мене.
И јас и маж ми сме едни од многуте кои го славиме Свети Никола Чудотворец (оваа година Свети Никола навистина се покажа чудотворец барем за нас и сметам дека ни даде „знак“ дека тој треба да ни е заштитник на домот.)
Го славиме Св. Никола, но заслугот. Се собира поблиската фамилија на вечера. Приготвуваме риба, пржена и печена, сарма, месен леб, грав, баклава , алва...
И јас како и повеќето Св. Никола славам како куќна слава...и Богородица на 21 септември еден вид селска слава... Ги обожавам овие денови, се собираме сите и имаме доста гости, посебно на Богородица зошто Св. Никола повеќето слават... Кај нас понекогаш попот доаѓа дома и го крши лепчето, т.е две лепчиња кршиме нзз зошто едното го јадеме одма а другото одкако ќе помине славата А имаме и на др празници како на пр. Св Јован носиме лепче во црква... баба ми така има ветено, била тоа нејзина слава... хехехе
Па славиме Мала Богородица на 28 август, оваа е селска слава и славиме Св.Сава на 17 и 18 декември-посна слава е оваа, си чекаме гости, си пржиме риба за посната,гравче правиме и сарми,за Мала Богородица исто спремаме,имаме доста гости, гостите ги чекаме кај баба ми и кај дедо ми. И порано славевме Спасовден (исто селска слава) ама ја откажавме кога баба ми отиде на операција, сега за тој ден одиме на ручек и тетка ми исто доаѓа.
Си славиме Водици, по мажот ми овој ден ми е прекрасен едноставно со сета душа приготвувам се, ни доаѓаа околу 50 гости а за лепче во црква и поп во домот се уште не сме се одлучиле, не знам зошто но уште и јас пред да дојдам во куќава не доаѓал попот
Ние славиме Пречиста на 4ти декември. Попот доаѓа кај нас и го кршиме лепчето, значи не одиме во црква. Се собираат некои поблиски роднини, комшии, пријатели и така си се одбележува денот.
Ние славиме Митровден... Мислам дека куќната слава е и како прочистување на куќата... Кај нас кога доаѓаат гостите ги пречекуваме со пченица па потоа се јаде,пие, некогаш и се пее... Многу добра атмосфера се создава....
Чекаме именден на татко ми а тоа се смета за кукна слава Јас сум против куќните слави и сум за да се искоренат. Тоа е еден од најголемите пагански обичаи. Не знам кој, кога и како го вовел, ај ке речеме прапрапрабабите наши неписмени биле ама мислам дека е време да се искоренат паганските обичаи од верата наша.
Ние ја славиме Св. Никола. Во Прилеп повеќето ја имаат оваа слава па затоа и Св. Никола стана како заштитник на градот.. Ја сакам неделата пред славата. Секој ден нешто се прави. Баклавата, гравчето, сармата... Не знам како и зошто ама стварно на овој ден сармата и гравчето се повкусни отколку да ги направиш во обичен ден. Исто така прекрасно е да ја видиш барем 1 годишно твојата фамилија собрана на трпезата, каде што сите се смеат и песни пеат...
И кај мене се чека Свети Никола ... баба ми ќе ја однеси погачата во црква потоа дома, а вечерта доаѓаат гостите. Бидејќи се пости се дава посна вечера како сарми, риби, посен грав, се јаде и овошје
