Ние ја славима Св. Богородица, но претходната година не ја славевме бидејќи дедо ми почина... Ама мислам дека годинава ќе ја славиме... Иначе нема некои посебни традиции и обичаи... Барем колку што знам...
Ние славиме св.Димитрија-Митровден, сега на 8-ми ноември, можеби сум споменала претходно, но прашањето сега ми е дали тоа е посна слава (бидејќи е во петок) зашто порано поп ни има кажано дека тоа било мрсна слава па и ако се паднела во петок, што не ми е логично. Петокот редовно се пости, исто така и средата, па мислам дека е крајно неодговорно поп да даде таков одговор, куќна слава да мрсам во ден кога е пост.?
Баш и јас размислував вчера дека паѓа петок и логично и правилно според мене е да биде посно зошто сепак е петок или среда да паднеше исто така..
И ние славиме дома Митровден и славиме 7ми вечерта со 8ми дента т.е на 7ми даваме вечера а другиот ден на 8ми ручек,и колку што го слушнав таткоми вечерта рече дека е посно а за ручек др.ден мрсно значи попот бил во право ние неможиме повеќе од нив да знајме а и моите мн.добро се запознаени со тие работи нема врска петок среда имало и други празници што паднале во тие денови но се правело исклучок се мрсело,зошто ни самата незнам може да се праша во било која црква све знат и одма ќе ви одговорат,....
Св.Димитрија не е во време на пост и затоа се употребува терминот мрсна слава. На пример Св.Никола е посна слава, бидејки календарски се паѓа во време на Божиќните пости. Св.Архангел Михаил е исто така мрсна слава бидејки во тој период нема пости. Доколку Св.Димитрија и Св.Архангел (нив ги земам за пример) се паднат во среда или петок, тогаш се спрема посно, со тоа што се благословува риба и вино(масло се подразбира). Ако овие две слави се падната во останатите денови се спрема мрсна храна.
Точно, и јас мислам така. Во средно имав другарка која славеше Св.Димитрија и секогаш кога славата ќе се паднеше во среда или петок, беше посна (а и од "попска " фамилија е така да нема утка тука). Мислам дека е грев да мрсиш тој ден особено на така голем празник. Кога веќе славиш, придржувај се кон тие основни религиски правила. А тоа што слават на 7-ми во четврток и постат а во петок слават и мрсат па ми е ептен надвор од секоја логика.
Според правилата, ако денот си е мрсен, нема потреба да се пости. Петок се пости заради распнувањето на Исус а среда бидејки е предаден во среда. Инаку кога веќе Св.Димитрија ти е слава, може знаеш ама да ти кажам дека во Марков манастир црквата е посветена на Св.Димитрија. Таму секоја година се слави. Вечерта има служба, а утредента литургија , нормално. Зборот ми беше дека во манастирот има мошти од Св.Димитрија и на тој ден ќе ги извадат, може на поклонение да се оди.
^^ Значи сега се согласивме дека е посна славата, бидејќи се паѓа во Петок? Знам дека во Марков Манастир е црквата св.Димитрија, бев сега брзо и тоа за прв пат таму, преубаво е. (Само не знам тоа мало црквиче на ридот повисоко што е, дали ќе претставува некоја помала црква или што? Не знам зошто е оставено така празно, како недоправено ми делува а не е некој трошок да се отвори) Ама секоја црква е еднакво убава така да мислам дека не е битно во која ќе отидеме.
Зборот ми беше за моштите. Инаку “црквичето“ горе си го донираше еден мирјанин, по своја желба и лична причина, праша и му дозволија да финансира.
Куќна слава ни е св Никола на 19 Декември си креваме лепче, потоа имаме гости им даваме ручек, вечера, бидејќи секогаш се пости во тој период служиме риба
Се цитирам сама бидејќи су била во грешка значи мслев дека митровден паѓа среда со четврток но бил четврток со петок значи четврток вечерта е мрсно петок е посно
Abeja, ние ја славиме Арханѓел Михаил, и кога и да се паднала во среда или петок, знам дека посно се спрема. За некои ситуации се консултираме со попот "матичен" што ни е, такада попот да си го прашате најубаво.
Ako slavata e mrsna a se padne vo petok ili sreda se sluzi posno,moite slavat Sv.Kiril i Metodij i ovaa godina se padna vo petok spremaa riba,gravce se sto e posno. Se izvinuvam za latinicata
