Офф леле зошто ја видов темава... Кај е дечко ми да ми направи? :/ Spoiler Ако некогаш успеам да му ја крадам рецептата ќе ја постирам, поубави ги нема
Последниот пат кога ги ставив лазањите во зовриена вода со масло и сол за да омекнат некои 10-13 минути,многу ми се залепија,иако после варењето ги ставив во ладна вода. Потоа се намачив додека ги разделив по листови за да можам да ги редам во садот за печење. Можеби е подобро да не се варат. Сакав да прашам како да ги подсварам лазањите без да се залепат при варењето?
Немој воопшто да ги вариш, стави ги така неварени ,само сосот направи го потечен ,ќе се сварат при печењето . Јас секогаш така ги правам ,плус помалу садови за миење имаш
Првиот пат кога правев лазањи и мене ми се исполепија, одвај ги одлепував, а некои не се ни мачев да ги одлепувам. Сега знам дека не мора да се варат.Сепак, јас обично ги обарувам, ептен малку ги ставам во зовриена вода со масло, и после одма во ладна вода и таму ги држам дури да ги ставам во тавата. Ама не ги обарувам сите наеднаш, туку по 5-6 листа максимум, така не ми се лепат.
Анатх,еве ти го мојот рецепт за лазањи,проверен и пофален од сите кои ги пробале. 1 главица кромид ситно ја сецкаш,додаваш 2 моркова рендани и 600 гр.мелено месо.Сето ова се пропржува ,потоа сипуваш 1 л.томатело(во тетра пак),додаваш сол бибер мелен,црн оригано 2-3 м.лаж. босилок 2-3 м.лаж Сето ова да крчка на тивко околу 30-40 мин,а во меѓувреме го правиш бешамелот. За бешамел: 100гр.путер 4 супени лаж.брашно 1 л.млеко(Го пропржуваш брашното на путер ,па додаваш 1 л.млеко) Кога се ова ќе ти биде готова ставаш 2 кутлачи(црпалки )од бешамелот во земјена тава па потоа редиш од корите -неварени,така од кутија само извадени-па 1 црпалка пак бешамел,па од меленото месо 1-2 црпалки.Се ова до крај се реди,кори ,бешамел,месото. Најгоре ќе си ставиш рендан кашкавал-по можност растителен Ана,околу 250 гр.-бидејќи не гори,нема да горчи ,што не е случај со кравји и овчи кашкавал. Тавата ќе ја ставиш во загреана рерна на 220-230 Ц.да се пече околу 40 мин. За да провериш дали е готово ,со долг нож,боцни во лазањата,ако ножот слободно влегува,нема од томателото неизвриено,значи дека се готови. Пробај ,направи ги,нема некоја филозофија.Ова ти се точните намирници во грамажа.
Ти благодарам за рецептот стетоскоп, и јас го имам истиот, само што го правам во пола доза од твојава кога мажот ми ќе изрази желба за лазањи, обично само за нас двајца ги правам. Томатело не користам, преферирам свежи домати кои ги имам и преку зима замрзнати во фрижидер или во тегли. Што се однесува до растителниот кашкавал - не го можам. Еднаш се излажав, правев пица со него, и ужасен вкус имаше така печен. Оттогаш за пица или лазањи користам или Подравец на Сирела, или пица кашкавалот на Пекабеско Следен пат ќе пробам со повеќе бешамел и неварени кори, па ќе ви кажам како ми излезе
Да,голема е дозата,за цело пакетче кори. Инаку јас,мм и синот едвај пола да изедеме на ручек,така да останува за утре. Обично ги правам кога ќе ни дојдат гости,така ,навечер на седенка ,па истераме и вечера. А ова за кашкавалот,растителен, и јас ќе пробам друг пат да ставам од овие кои и ти ги користиш. Воопшто не ми се допаѓаат кравјиот и овчиот кашкавал кога ќе се печат,па овој растителниот ми врши работа-фаќа убава коричка .Ама човекот учи додека е жив ,нели?
Jас многу башамел ставам, многу месо, и мнооогу кашкавал за храна никогаш не се штедам месото го пржам со томатен сос, оној во тетрапак и му ставам оригано, и малце црн пипер A корите ги варам прво, малце да омекнат инаку во земјен стад лазањата е ноу комент, многу поубава отколку во тепсија
^ токму земјениот сад му дава шмек на секое јадење. Не само лазањи, и макарони потпечени да ги ставите во земјена многу се подобри токолку во обична тава за печење.
Лудо 19,читај рецептата погоре,прави список ,трк во продавница по продуктите,а во меѓувреме покани си некоја драга личност.
Јас тука би ги додала и мусаката,теавче-гравче,мезалук,тава ориз итн.Многу се поубави спремени во земјена тава отколку во обична тава
да да, ќе ја пробам јас оваа рецепта, само да го најдам земјениот сад. A јас кашкавал ставам и во самата лазања, и одозгоре, Eдамер од тој, тенки кришки
И јас како ludoto19 ставам кашкавал во самата лазања, а користам моцарела, најдобар кашкавал според мене. Во сосот ставам и претходно пржени печурки, и редам сос, кашкавал и врз тоа бешамелот. Само јас никогаш не ги варам корите претходно, ставам малку вода во тавата, покривам со фолија и ги оставам да се печат, при крај вадам фолијата ставам уште малку од бешамелот и кашкавалот, оставам уште 10 мин да се допечат,да зарумени кашкавалот одозгоре.
^Bitersweet,нареден пат и јас ќе пробам вака,зошто најмачно ми е од све кога треба да ги варам корите,зошто не ги ставам сите одеднаш за да не се залепат,туку по 2,3 корички во зовриена вода,ги пуштам по 2 мин и готови се Баш убаво ме потсети за нареден пат да си олеснам
Јас последниот пат ја направив лазањата со пилешко бело месо,исецкано на ситни коцки,една главица кромид,печурки,томатело доматен сос,сол,оригано,вегета,се тоа заедно пропржено. Бешамел сос стандард путер,брашно и млеко,потоа редење наизменично кори,бешамел сос и доматниот сос со пилешкото. При крајот на печењето исто рендан кашкавал и кога добро ќе се зарумени кашкавалот да добие крцкавост значи лазањата е готова Обично користам пола пакување 250 грама кори.
И јас првиот пат кога правев лазањи ги ставив да се варат ама се исполепија. Од тогаш не ги варам, туку ги ставам со сосот да се печат. Еве јас како ги правам без доматен сос, не сакам домати во лазањите: Пропржувам кромид и го додавам меленото месо. Потоа печурките, и откако и тие ќе се запржат додавам пола лажица брашно, па една црвен пипер и вода (2 чаши). Секако и зачини по вкус - вегета, цен пипер во зрна, сол. Откако ќе проврие се ставаат две-три лажици од сосот во тавата за печење, па се редат наизменично лазањите и сосот. Со сосот треба отприлика да се покријат лазањите. Ако не ми стигне, во тавчето од сосот загревам уште малку вода и ја истурам врз лазањите. Кашкавал ставам еден ред во средината, а одозгора редам 10-15 минути пред да ги извадам од рерна.
А во колкава тава ги правиш? Јас имам едно земјено... Еве ја големината отприлика... Да ја ставам оваа смеса или пола од неа?
