Летото само што започна, а температурата веќе почна да урива рекорди! Како се справувате со горештиниве? Од 12 до 6 саат не се излегува надвор. Што правите кога мора да излезете, имате работни, факултетски или други обврски? Сте имале ли некои лоши последици од горештиниве? Јас сега како што сум со испити, не излегувам од дома ако немам намачкано на мене крема фактор 60. Ладна вода обавезно, ама веќе додека да дојдам до автобуска е испиена, па морам уште неколку шишенца по пат да си купувам Климата уклучена цело време, ладен туш се подразбира, ладна вода со мраз и избегнување на топли пијалоци и јадења. Пред неколку години ми се случи да се онесвестам од жештината. Ми удри сонце во глава и паднав! Среќа другарки беа со мене, па некако ме повратија во живот. Оттогаш избегнувам да сум на сонце, а ако морам носам капче. Кои се вашите совети и трикови кои ги практикувате во летниот период?
Пијам мнооогу вода, по 3-4 литри на ден, како камила сум. Денес си купив вентилатор затоа што климава ме убива, цела сум укочена, не знам како луѓе седат под клима цел ден, алал да им е. Носам долги панталони лесни, памучни или ленени и маички со 3/4 ракави . Наочари обавезно и капче по можност. Обично гледам да не излегувам на пладне освен ако не морам , ама во последно време па се тој период имам обврски. За викенди гледам да не сум во градов. А, заборавив да кажам дека по три пати на ден се туширам.
уфффф лето... алергија на сонце, качување на притисок, онесвестување, вртоглавици. Секое лето истата приказна не излегувам надвор од 11 до 6, освен кога морам за на факултет, па тогаш креми со висок заштитен фактор, капа, ама џабе кога морам да се возам во автобус, а ако не седам се онесвестувам. Дома цел ден под клима, вода многу или било какви течности, лесна храна. Се уште се чудам како уопште сум жива летно време
Немам некои посебни трикови за спасување од горештинава,единствено што многу пијам вода,претерано,се давам во вода тоа некако ме одржува,додека за храна,еве од вчера некако почна да не ми се јаде,дали од жешкото незнам,не дека не чуствувам глад,некаде навечер и сабајле,додека преку ден незнам зошто не ми се јаде,туку само ми се пие вода,течности.Прееска јадев со сила,иако не ми се јадеше,морав,затоа што пред некој ден,си реков вечерта нема да јадам,ама пред да легнам,такви остри болки имав кај желудникот,цревава ми гргореа,па се налокав вода и некако го залажав организмот.Решив да не се ставам во таква состојба,затоа што увидов дека неможев да издржам,колку толку ќе каснам,да не бидам без ич,додека ако сум надвор,дали за да завршам обврски или било што,бегам под сенка и никако не ми доаѓа памет да си земам шише вода,па останувам ужасно жедна,ама за нареден пат,памет во глава да не припаднам негде по пат,не за друго.Секако облека од лесен материјал,која што ќе ми држи ладно,најчесто од лен.Во принцип можам да издржам комотно жештина,некогаш знам и подолго време да останам на сонце,ама некогаш и не сум баш толку издржлива,нормално ако е многу висока температурата.По дома,климата не спасува и секако навчер отворени ширум прозорите,за да може да се спие.Можам да кажам дека и јогата помага за поголема издржливост,енергија и заштитува од помалите и поголемите заболувања,кои можат да бидат предизвикани од надворешен аспект,само треба често да се практикува
Креми со СПФ и во зима користам, па не во лето инаку тешко на кожава. Овој период мнооогу вода, леден чај, минерална вода, се што може да ме олади.Шишенце во чанта редовно си носам. Очилата ми се неизбежни, а капче не можам да носам ми ја вари главата уште повеќе. Спрејот против комарци и тој ми е додаток, инаку ми нема спас . Ако одам некаде поблиску го терам брат ми да ми изигрува таксист, ама ако ептен морам. По цел ден сум во соба, со отворени врати и прозорци, и дење и ноќе. На оваа топлина се облекувам ептен минимално што подразбира само шорцеви и лесни маички на прерамки. Дење навистина е многу жешко, ама ноќите во лето ми се најубави. Тоа ми е најубавото време. Да спомнам дека знаеме со брат ми како мали деца да се прскаме во двор со вода, најубаво ладење Одморот ми е вистинско уживање Како и да е, јас сум дете на летото, можам да издржам
Јас одвај чекав да дојде лето,ама не мислев дека веднаш ке се качи температурата на плус 40 степени, ако не и повеке!!!Ама не се жалам ,подобро ми е во лето. Како се справувам?Па кога немам некои обврски си седам дома,со вклучена клима и многу течности.
Прво: мноооооогу вода. Очила за сонце , лесна облека, косата настрана од лицето... Влажни марамчиња. По дома: ролетни спуштени, прозорци затворени се додека сонцето не ги заобиколи.
Мене клима не ми беше доста , ја натерав мајка ми вентилатор да ми купи Единствен спас - плажа , вода . Друго чаре нема . Ладна вода пред мене цело време , косата во стегач , пред 7 нема нигде искачање . А и надвор кога сум , фонтана барам и се прскам со кој и да сум Нека е лето , ама не волку жешко ..
Си ја пуштив климата ама пак се потам Се ладам со тетратка ,ајс кофи,клима,пешкир..Среќа па денес не е толку топло па тетраткава не ми треба.ама све друго останува
Klima ,vikendica, ezero vo Juni .Juli -More .Avgust nazad vo pekol , i pak ce go cekam zlatniot vikend. Mnogu tecnosti ,lesna obleka ,tusiranje,i izbegavanje da ne se sedi na sonce ...toa e toa ...neli e leto -moze ce kapne malku dozd da go rascisti ovoj pekol.
Сега и не е толку топло ама додека беше климата фучеше по цели денови хехехе,пиење на вода 3-4 литри на ден,туширање исто така,немаше излегување од дома и целиот стан покриен со темни завеси да не влегува светлина...така некако
многу е жешко аууууууууууууу посебно ова лето, екстра жешко да пукнеш јас лично пијам мноооооогу лаааааадна вода, климата пуштена цело време, по град кога морам да шетам у сред 3 саат умирам!!!!!!! амаа издржувам некако, ајде уште малце .. МОЖАМ ЈАС!
-Најважното за мене: косата во пунџичка, што е можно повисоко. -Вода, многу, мнооогу вода. Околу 4 литри пијам во просек. -Лесна храна, иако знам да забегам со лесковачка. -Очила за сонце -Лесна облека. Фармерките се одамна заборавени. -Клима 24/7 во сите соби од станов. За и ако шетам низ него да ми биде ладничко. Легнувам доцна, и станувам доцна што најжешкиот дел од денот го преспивам. Од една страна добро, од друга не, иако не знам што ќе правам од понеделник кога започнувам со работа.
Мене не ми пречи жешкото време, но кога ептен не се издржува најмногу ми помага климата. Потоа ладен пијалок, сладолед, лесна облека, туширање два-три пати дневно...