Мене ме интересира дали е ова оригиналното амла масло? Јас го земав одовде и точно е дека тешко мириса тешко се испира ама бојата на видетата (тик ток најчестп) е сосема поинаква од таа на ова
Девојки што ми го препорачувале викаат дека е оригиналното, ама го немам користено и немам видено состав. Баш ме интересира дали е само чисто амла масло, или е микс од повеќе масла, или пак нешто сосем трето.
Фала, се чита. Миксов некако не ми фаќа око. Мислам дека маслото од амла го има во најмал процент (штом е последно наведено од сите масла). А штом е во парафинско масло миксот, знак прашалник што количина и сооднос има од другиов микс масла. Очекував дека е микс од повеќе масла, ама мислев дека нема парафин, туку дека е баш од масла. Многу го фалат, ама според составов некако не ми личи дека ќе поттикне раст или ќе хидрира/храни. Што знам, малку ко scam ми личи. Можеби има други верзии што се баш маслени, само со амла масло внатре или микс масла ама некоја малку поприродна верзија. Како и да е, за измазнување врвови би било океј. За на скалп некако не ми фаќа око, мислам дека има подобри варијанти што ќе потхранат и скалп и влакно.
Истово и чат џпт ми го даде. Иронијата е само што поставив прашање каде можам во Скопје да најдам поквалитетно амла масло и ми го предложи Нектар а маслово од таму е... Секако нешто ми беше офф заради бојата уште коа го купив пред две години, не треба да е зелено.
Сигурно му имаат додадено и некои бои. Не ги разбирам крајните состојки со бројките, но веројатно се додадени мириси, бои, претпоставувам нешто такво. Мислам дека не ни има некое друго амла масло кај нас, само ова за жал...
@DarkStormm ова го имаш ли користено? Да ми кажеш како се користи. На врвовите да ставам и колку време да седам со него?
Баш ова и го земам. Ставаш на должина на косата(од уши надолу) пред миење и ќе ја фатиш во пунџа. Многу убаво ја храни косата. Потоа нема да се миеш со јак шампон. Измиј се со благ шампон (некој без сулфати или со sodium coco sulphate). Избегнувај постојано да користиш шампони со sodium lauryl sulphate, тоа прави го еднаш на две-три миења.
Ми требаше за поголем сјај на косата, гледав некои видеа дека давал wow ефект. Само мене многу брзо ми се мрси косава, нема ли да ми ја измрси уште толку? И како го чуваш, во фрижидер или? Шампон користам на Алверде, без сулфати. Јак и агресивен немам земено којзнае од кога. Не знам дали да терам со овој или да земам друг, исто природен на Натура Сиберика или Конопка.
Еднаш месечно баремм мораш со јак шампон. Затоа и ти се мрси. Натура сиберика користам и јас, ама одвреме на време мора и јак шампон да се употреби за да се измијат од косата остатоците од производи кои ги нанесуваме како leave in, силиконски капки, креми и спрејови за расчешлување. Нема да ја измрси повеќе, секако ќе го измиеш. Не го чувам во фрижидер, во некоја фиока ми стои, ако е во фрижидер ќе се стврдне.
Ќе си земеш пилинг за скалп на природна база, многу помага во чистење. Јас го користам на Конопка пилингот, ептен ми се погоди, има и на Натура Сиберика, ама не сум го начекала на залиха.
Денес прв пат пробав кокосово масло од тегла. Ама не ова на ДМ, туку некое Dragon Super Foods од Зегин. https://zegin.com.mk/index.php/mk/dragon-superfoods-organsko-ladno-cedeno-kokosovo-maslo-300-ml Нанесов една лажичка на должината и ја фатив косата со шнола, седев саат време. После ја расчешлав и се измив два пати со благ шампон (на Алверде). Искрено, вака на прва не сум нешто многу импресионирана. Нема којзнае колку поразличен ефект од обична маска, дури со маска и поубав ефект добивам. Да, мека ми е косата на допир, лесно се расчешла ама за сјај - не. Не добив некој којзнае каков сјај. Е сега, може има врска тоа што не сум тазе фарбана, бојата ми е падната. Не знам. Ќе пробам на фарбано и ќе споделам како е. Или може требаше подолго да седам? Ми рекоа дека може и до три саати, ама немав толку време.. Ама многу убаво мириса. Јас сум голем фан на кокос, се опседнав со мирисот. Само го душкам.
За иста намена се, се нанесуваат на мокра коса пред сушење или може и на сува ама во ептен мала количина. Фаворит ми беше тоа од Олаплекс
Апдејт: На свежо фарбана коса дефинитивно е поразличен ефектот. И самата црна фарба ѝ дава преубав сјај на должината, меѓутоа маслово придонесува за уште поголем сјај. Овој пат држев подолго, околу три саати и малку ја намокрив косата пред да го нанесам. Ставив и малку поголема количина од претходно. Го чувам на потемно место, во шкаф. Добар начин за малку да си ја заштедам маската. Сепак, јас не би претерувала со маслово. Би го користела поретко, два - три пати месечно од прилика. За мојот тип на коса (мрсен скалп, густа коса но со тенко влакно и плус многу ми се заплеткува) не се препорачува многу често користење. Дури и оние масла за коса ретко ги нанесувам и во мнооогу мала количина. Ако имате посува коса би требало да можете да ги користите почесто.
