Јас многу пати сум правела мафини само во хартиени копички и до сега не ми се случило да ми расцветаат. Сигурно над 30 пати имам правено во корпички без калапи, ако не и повеќе.
И јас имам правено само во хартиени корпички во тавче, кога купував од Кам оние мафини што се спремни за печење и супер ми излегуваа патем, во калапчињава јас не ставам корпички, со путер и брашно никогаш не ми се лепат и не останува ни трошка за рибање отпосле
Ариел, може да ми кажеш какви корпички купуваш и од каде? Јас се убив од барање такви некои поголемки, ама не најдов - имаше само од оние најобичните ко за бомбици, ама премалечки се.
Јас ги печам во тава за мафини, не ставам корпици. Вдлабнатините ги премачкувам со растопен путер, во тенок слој со четкичка, па во фрижидер 10-15 мин. за да се стегне путерот. Потоа ја ставам смесата и ги печам. После печење малку ги оставам да се оладат и ја првертувам тавата. Мафините сами паѓаат и никогаш не ми се случило да се залепат. Јас имам лошо искуство со шарените корпици. Еднаш ги печев во нив, мислам од Џамбо беа, и дел од бојата на корпиците ми остана на мафините. Во Веро имало корпици обични наменети за печење, но не сум побарала, вака им го фатив редот.
Во план ми е да направам сама од дадениве домашни рецепти во темава, а до сега ги правев овие (полуготови ): П.С.:И многу добро испаѓаат! Spoiler
Имам едно прашање. Ако немам хартиени корпички, дали ако го подмачкам плехот, оној со калапи, со путер, ќе се залепат пафините или ке има тешкотии при ваѓањето?
^ Искористи го советот на Peppermint и ќе немаш гајле. Денеска направив една доза солени мафини држејќи се до ова подоле и не ми се залепи ниту едно мафинче.
Јас вчера направив, ама немав корпици, башка со таква форма како модливе наши тешко дека ќе најдам, бидејќи се коцкасти. Освен путер, ставив и малку брашно и не ми се залепија
^^Па сите се убави,зависи како ги сакаш,можиш се да ставиш во нив,ова е основата за благите мафини,а гледам има и за солени,побарај низ темава,имаше баш добри,макар што мене мафини на благо ме асоцираат И фала на Мерлинка за рецептата,супер ми излегоа
1 јајце прстофат сол пола шоља шеќер 1 шоља јогурт 1/3 шоља зејтин 1 ш. брашно 1ш. овесни снегулки 1 лажиче цимет 1 пециво 2 јаболка изрендани (јас некогаш ставам лешник и сецкана чоколада) Се добро се меша и се става во калапчиња, се пече на 200 C околу 20 мин..
Јас синоќа ги направив оние по рецептата на Annath и супер испаднаа Ставив се како што беше наведено, освен сол бидејќи во смесата ставив сирење, сецкана шунка и сецкани маслинки. Ако ставев и сол мислам дека ќе беше пресолено, вака си е таман. И одозгора ставив сусам, за 25 минути ги извадив, ги наредив во тањирче и им оставив порака за Добро утро на моиве. Денес кога станав, ништо немаше станато
Мафини со банана, цимет и мед ( рецепт од ОфНет ) Порции 12 лица Состојки 300 гр. брашно саморастечко 1 лажичка прашок за пециво 1/2 лажичка сода бикарбона 1 лажичка цимет 100 гр. кафеав шеќер сол 75 гр. путер стопен 125 мл. млеко 2 лажици мед 1 лажичка екстракт од ванила 2 јајца 2 банани испасирани Подготовка Загрејте ја рерната на 180 степени. Во тавче за 12 мафини ставете хартии за печење во секое калапче или намрстете ги со путер. Во брашното додадете го прашокот за пециво, сода бикарбона, цимет и прстофат сол. Додадете го и шеќерот и промешајте. Во друг сад измешајте ги растопениот путер, млекото, медот, јајцата, бананата и екстрактот од ванила и мешајте додека не се соедини смесата. Во брашното направете дупка и додадете ја смесата со бананите. Измесете за да се соединат состојките (не месете премногу). Распоредете ја смесата во тавчето за мафини и печете околу 20 минути. На здравје! Spoiler http://off.net.mk/mojata-kujna/deserti/mafini-so-banana-cimet-i-med
Девојчики, ме интересира дали во Тинекс има модли за мафини? Ве молам, не ми предложувајте да проверам во Џамбо, зашто кај нас нема. Моево што го имам е малецко - собира само 9 (малку ни се ) и мајка ми го купила многу одамна, нема поима од каде. Ако не, да си барам ново низ продавничкиве за сваштарии.
Сеа ги правев овие мафини,многу се вкусни и ептеееееен лесни. Состојки: 300 грама брашно 150 грама шеќер 2 лажици какао прашок за пециво 2,5 дл млеко 1,5 дл масло 1 јајце Само што јас им ставив по едно лажиче растопено чоколадо со путер , во средината. И испаднааа преубави , меки. Само што и покрај тоа што има пециво не растат,малце скроз нараснаа така да полнете ги до горе калапите
Тефлонски модли за 12 парчиња имаш во Тинекс, Веро и Карфур,околу 300 денари, но се КИНЕСКИ! Јас не би ти препорачала да купиш кинески, затоа што според мене - Бог знае што испуштаат на висока температура. Во Карфур и Рамстор има и германски, но се околу 950-1000 денари. Јас би ти препорачала да си купиш српски, има во продавничките на зелено пазарче, цената е 380 денари. Исто така, сега се најактуелни силиконските модли-имаш во најразлични форми, но и тие се кинески. Иако (според продавачките) силиконските најмногу се продаваат и се полесни за одржување (полесни за миење и нема потреба да се мачкаат), јас не би купила кинески.
Завчера ги правев овие мафини по рецептот на Annath: Spoiler и супер ми излегоа. Само или мојот калап не е класичен или кога вели Annath 1 чаша мисли на 200мл, а јас мерев со чаша од 250 мл, па ми излезе смеса за 24 мафини и повеќе, a имав еден калап само за 12 мафини, па останатата смеса ја ставав во Spoiler кутивчиња од паштета (ич не сакам да употребувам кутивчиња од паштета и ја карав свекрва ми дека ги собира, ама што убаво ми се најдоа во моментот ). Денес си купив уште еден калап па спремна сум да ја повторам постапката со тоа што малку ќе го изменам рецептот - ќе намалам од белото брашно а ќе додадам палента - би требало да бидат по крцкави. Инаку во однос на калапите, дали биле кинески или германски, мислам дека нема врска, пошто веќе сите држави увезуваат или готови производи или суровини од Кина, така што не е гаранција тоа каде е произведено. А и во денешницава со што ли не се служиме и што ли не конзумираме, па сега со калапите за мафини ќе ја оправиме .
