Јас вчера ги направив мафините со јаболка и цимет на Коритсаки . Многу беа вкусни, но малку ми се подзалепија корпињата за колачите бидејќи не ги подмачкав, но сепак лесно се одлепуваа . Сепак, како за прв пат супер беа, на сите ни се допаднаа и ниту едно не остана .
Го повлекувам она болдираното! Денес правев мафини и во новиот калап, кој го земав од една локална продавничка, целиот ми се засмрде. Веројатно ги мачкаат со нешто за да не се лепи смесата за нив, или којзнае за што, некоја боја изгледа, па кога го ставив во рерна да се печат мафините целиот засмрде. Некако ми се чини токсично ќе да е . Среќа што претходно печев во стариот калап па ми останаа 12 мафини (со сиренце и маслинки) за дегустација . Уште ми се од мирисот што го испушти калапот. Инаку само да напоменам оној стариот калап ми е точно од кинеска продавница, но ниту мирисаше, ниту смрдеше - ништо! А овој демек не беше од кинеска продавница (како да не, овие од Германија да не набавуваат стока?) ама беше 200 ден (а оној од кинеската беше 120!). Мафините (првиот калап излегоа супер), според рецептот на Annath, само што наместо чаша и половина бело брашно, јас ставив чаша бело брашно и половина чаша палента =супер!
Јас ги правев овие моиве од ОффНет со банани и цимет, не знам дали дека калапчињата хартиени или не знам од што ама многу ми се растекоа, се споија, катастрофа, но на вкус, феноменални. Ми излегоа многу дека калапчињата мали, за нареден пат ќе си купам или од алуминиумските од Џамбо или тавче со модли ќе си купам
А да ве прашам....каде можам да купам убави калапи за мафини...може 10 или 12 да бидат и да бидат поголеми пошто јас само мали најдов....еднаш ставив мафини во корпички и пи станаа гигантски
Јас најдов интересна рецепта која планирам во брзо време да ја испробам - 240 гр. брашно - 130 гр. шеќер - 100 гр. путер - 2 јајца - 150 мл. млеко - 1 прашок за печиво - 50 мл. сок од свеж портокал - 1/2 кора од портокал Се мешаат брашното, шеќерот и прашокот за печиво во еден сад, а во друг сад се матат јајцата, па се додава млекото, путерот, сокот од портокал и изренданата кора од портокал. Потоа сето тоа заедно се меша, смесата се става во премачкани калапи и се печат на 180 степени, 25-30 мин. Ми звучи вкусно, според рецептата сигурно ќе бидат меки и кревки, па ќе видиме што ќе испадне
Лакомата јас во пмс ми спомна мимс торта со моркови па одма рецепт побарав. Најдов од истите состојки и мафини па тие ги направив. Мафини со моркови 2-3 рендани моркови 1 рендано јаболко 175гр брашно 150гр шеќер (јас и помалку ставив) 1/2 лажичка сода бикарбона 1 лажичка пециво 1/4 лажичка сол 1 лажичка цимет 2 јајца 1/2 шоља масло 1/2 лажичка ванила екстракт ореви, бадеми, кикирики...по желба Се мешаат прво сувите состојки -брашното, пециво, сода, сол, цимет и шеќер. Оревите малку ги запеков па ги столчив и ги додадов кај брашното. Во посебен сад се мешаат маслото со јајцата и ванила екстрактот. Смесата се додава кај брашното и се промешува со лажица. На крај се додаваат ренданите моркови и јаболко и тоа се заедно се промешува (нежно и полека ). Се става во калапите за мафини па во рерна загреана на 180 степени. Се печат 20-25мин. Ги препорачувам мене ми беа многу вкусни, кората беше малку и крцкава, а моркови и така си обожавам, ама не се осетија на вкус. Одлучив и фил да им направам со путер, крем сир и шеќер во прав, но ја згрешив мерката со путерот изгледа, па многу тежок ми беше. (затоа само половината ги зашлакав ). Имам и слики, тоа од дома Spoiler рецептот е од џојофбејкинг.ком, ептен лесни и убави рецепти имаат Утрово ги најдов и овие мафини со боровинки, па следни ми се на листата 50 гр овесни снегулки 150 гр интегрално пченично брашно 1 прашок за печиво 1 ванилин шеќер 60 мл сончогледово масло 100 гр мед 3 лажици вода 1 јајце Сок од половина лимон или лимета ( околу 30 мл ) 300 гр свежи или замрзнати боровинки Свежо изрендана кора од лимон Повторно, сувите состојки посебно се мешаат, па јајцата со останатите состојки. Се заедно и на печење Spoiler рецептот е од црнобело.ком
Направено, испробано...предобри. Дефинитивно најдобриот рецепт за мафини што сум јадела. И да..многу се меки.
Пробував денес да направам лава мафини но изгледа ги печев подолго отколку што треба НАреден пат само 5 минути,не 8.Иначе сепак вкусни се,пола ги изедов Еве како излегоа:
А кажете ми од каде сте купиле калапи за мафини???? Сакам да купам поголеми зашто сите што сум ги видела се мали
Jaс си купив ново силиконско калапче со модли од пластичара. Ете ги и мафините - направив солени, внатре имаат морков и пилешка салама. Ми ги изедоа за неполни десет минути, само овие ми ги оставија. Модлите се во вид на цветчиња и не ми прават баш многу ќеиф, ама немаше обични. Утре ќе правам овошни, се опремив со пакетчиња замрзнато овошје.
17ти Март, немој да мислиш дека калапите се големи како мафините, имај во предвид дека мафините многу нараснуваат додека се печат- се си мислам дека тоа те збунува кога ги гледаш калапите . Инаку јас после многу испробани рецепти можам да кажам дека солените ми се поубави, а благите ми се некако, како да кажам- социјален колач, колку да има нешто благо, со шодае Сега да не се најде некој навреден, ама навистина, прво си велев што е работата сите прават мафини, вакви онакви, и кога го видов основниот рецепт ми стана јасно зошто. Мафините се брзи и декоративни, ама не се толку вкусни како што делуваат. Дефинитивно се враќам на мојата стара љубов- палачинките.
^ Јас правам мафини барем еднаш неделно, и воопшто не ги третирам како благо, туку како појадок Сабота или недела за појадок обавезно имаме мафини, а кога имам време правам и преку недела, за да им пратам на децата за ужинка во училиште. До душа и палачинките не ги третираме како благо, туку како оброк, само за разлика од мафините, најчесто вечера
Ај една молба Ариел ај сликни ги калапите да ги видам какви ти се??? Се утепав од барање калапи низ Скопјево
Mojoт е точно ваков,како со цветчиња,големки се,не се мали,а го купив од пазарчето кај нас,од една продавница,има разни вакви домашни работи 200 денари мислам беше.
Епа баш вакви барам јас што ги гледам се по 2см многу се мали...кажи ми од каде ги купи овие ариел???
^Од истиот модел имаш со 6, 12 и 24 калапи. Тие веројатно си ги гледала тие со 24 калапи што се. Треба да ги има во сите продавнички каде што се продаваат вакви тракатанци (тавчиња, ножеви, сервиси). Јас моето од гиго маркет си го земав за 270ден (со 12). Можеби има и во Веро и Тинекс
