Јас овесот го правам, т.е го мешам со малтекс. Ставам неколку лажици малтекс, зависи колку овес имам ставено претходно и го мешам убаво тоа, се додека смесата не се соедини како што треба. Леплива, густа и многу слатка смеса се добива, до пред некое време живеев за комбинацијава, му дава енергија невидена на организмот и најубаво е да се јаде насабајле. Повкусно и поздраво, амин. Исто овесот го мешав и со какао. Овесните снегулки ги потопував во какао сварено, убаво е али не е нешто воодушевувачки. Просечна овесна кашичка, кога не знаеш што да јадеш.
Јас се навлеков на овесни снегулки (а понекогаш и други, што ми дојде ), со ленено семе, свежи малини и битолско кисело млеко (од плавото, обичното). Лененото семе го ставам цело, не е мелено. Знам дека подобро е мелено, ама ова ми е мнооогу вкусно! Многу ми се допаѓа компинацијава, само имам еден сериозен проблем. Многу е поубава кога ќе отстои 15 минути, а јас... не можам да чекам да отстои
Изгледа и јас ќе се навлечам на ова ама имам неколку проблеми 1. колку време треба да се варат во вода овие http://www.jatrgovac.com/usdocs/bruggen-haferflocken-500-g.jpg јас пробав потопени во јогурт но така не ми се допаѓаа Spoiler (со јогурт јадам само тие брекфаст мусли од 1кг на виталија што се) па ајде да пробам со вода и ја ставив прво да зоврие водата од око ставив и после ставив 5 големи лажици од овие овесните а на кесата пишуваше нешто на германски (А јас сум тапа со германскиот ) и нешто имаше 5-10 минути незнам што значеше то но јас моеве ги варев неполни 5 мин... можеби треба заедно со водата во исто време да ги ставам да се варат 2. колку калории имаат вака варени бидејки на пакувањето пишува на 100 гр има 372 кцал а нна интернет напишам oatmeal calories и едвај во 100 грами има 71 калорија.. тоа е дека нели ова е варено но тие останатите калории што сега ги нема каде се? дали треба кога ке завршам во варењето на кашата водата да ја прецадам а јас мојата денес не ја цадев и ми беше многу многу вкусна кашата со исецкана банана и цимет уф уф но проблем ми се калориите и ова начинот на припрема помош
Овесни снегулки? Гледам денес во КАМ маркет 500гр некаде 50-60 денари, има и поскапи.(германско производство) После тоа одам каде што се продаваат инегрални зрна, сончогледи and such things, цената на 1 кг овес во зрна е 160 ден. И сега ако се направи калкулација се поставува прашање, како им се исплати да ги импрегнираат, значи тоа се плус технолошки операции, па пакување, амбалажа, па мора маркетинг, и овесните снегулки поефтини од 1 кг овес во зрно. Вие што мислите?
Јас не сум знаела дека треба да се варат , околу 200-250 мл млеко си топлам, го турам во чинијата и си турам од око овесни, и чекам 5 мин тие си набабруват и гнетам.
Леле Ариел, сабајлево ја пробав комбинацијава од овес, малини и кисело млеко, па ова е комбинација снова. Само место ленено семе дека немав дома моментално, ставив сончоглед лупен на Виталиа, излезе превкусно! И апсолутно е поубаво ако отстои минимум еве десетина минути, ама ни јас не можам да чекам, осеќам дека мора во истиот момент да го смачкам.
Мојот рецепт за овесна каша (варена) Обично ги купувам оние од Веро пакуваните овесни снегулки (повеќе ми се допаѓаат бидејќи се како кршени, поситни) - ставам околу 4-5 лажици овесни снегулки, ги полевам со вода/млеко и ги ставам да се варат.. Откако ќе згуснат, си ги ставам во тањирче, ставам одозгора суво грозје, кокос и сецкам бадеми (непечени) или ореви врз кашата. За да бидат благи ставам одозгора 1-1.5 лажица мед, а доколку немам мед при варење ставам 1 лажица фруктозен шеќер... мх мх мх препорачувам вака некако би изгледало
На овој рецепт наидов деновиве, колачиња од две состојки - овесни снегулки и банана. Опционално може да се додаде и суво грозје, ленено семе, суво овошје, ореви, лешници, цимет и сл. Јас сеуште не сум ги направила, ако некој ги направи нека каже какви се. Колачиња од овесни снегулки Spoiler Темата е за овесна каша, ама сметав дека местото на рецептот му е тука, за обожавателите на овес.
За љубителите на вкус на ментол ( како мене ) уште еден рецепт . - 40 г. овесни снегулки - 250 мл. млеко / вода ( јас ставам пола - пола ) - малку сол - половина добро испасирана банана ( можете по брза постапка во блендер, мене ме мрзи да го квасам, па да го мијам за " толку малку " ) - 2 - 3 кафени лажички какао - 1/2 кафена лажичка екстракт од ванила - 1/4 к.л екстракт од ментол ( ако сакате појак вкус може повеќе ) - неколку коцки темно чоколадо ( или Афтер Ејт - уште поубаво ) На најсилна температура се става млекото со прстофат сол да зоврие. Потоа се намалува на средна температура, се додаваат овесните снегулки и бананата. Откако ќе се апсорбира дел од течноста , се додава какао , екстракт од ментол и ванила и се вари додека да ја добиете посакуваната густина. Се сервира со парчиња сецкано чоколадо . Bon Appétit
Вие со овесната каша + малини ... Да сте ми живи и здрави ! Превкусно ! Јас си изнакупив од на Виталиа, овесна каша и малини, додавам банана претходно изладена во фриждер и ставам овошен јогурт (таков ептен течен е , од малини, јагоди и слични berries) и тоа ми е задолжително за појадок секое утро
Како што веќе напоменаа неколку феминки, овесните снегулки се најубави кога се варат или готват во микро. Вкусот е незаменлив. Јас млеко не им ставам секогаш, затоа што и кога се сварени само во вода се преубави. Да зајдеш . Јас за побрзо ги готвам во микробранова. Еве го мојот рецепт. Ставам овесни снегулки во длабоко тањирче, и ги полевам со ладна вода. Ставам доста вода затоа што ќе упијат повеќе, ќе бидат помеки, и ќе станат баш КАША како што кажува и самото име. Значи вода да ги покрие убаво. Во микро ги ставам на најјако на една минута. После ги мешам, и пак ги враќам уште минута од прилика. Откако малку ќе оладат, им ставам малку цимет, сецкана банана и мед. Вкусот е оргазам, хаха. Вереникот прво беше скептик (доста е пребирлив во јадењето) и не сакаше, и еднаш му дадов да проба од моето. Од тогаш секогаш бара овесна каша за појадок, хехе. Прекрасен појадок, ниско калоричен, здрав и екстремно ефтин. 30тина денари и цело пакетче во Кам.
Јас ги правам овие секогаш!Значи во длабок сад ставам една/една и пол банана и околу една шолја овесни снегулки.Го соединувам цело тоа и правам облици на колачиња.И не,не користам рерна туку дирекно ги ставам во микро на околу минута-минута и пол,до душа вие сами ќе осетите миризба на колачиња.Дефинитивно се најдобри , му ставам мед и нешто овошје што имам и спремни се за јадење.Обавезно да ги пробате !
Темава убава, но подзаборавена. Ајде ќе споделам и јас некои комбинации кои си ги јадам, како доручек. Компот од тропски овошја, пасирана банана, слатко од цреши, мешам со овес, и додавам 1 лажица мелени 4семиња (сончоглед, тиква, лен, сусам) + чиа Топло какао истурам врз овесните снегулки , а внатре ставам понекогаш гоџи бобинки, брусница и бадеми, може да ставам и чоколино некоја лажичка.... превкусно!
Јас најчесто ја правам така што ќе ги проварам овесните во млеко додека не стане густа каша, додавам лажица мед, банана сечкана, уште млеко по потреба ако треба да ја разредам и посипувам со цимет. Исто така и наместо банана, исто ставам мед, рендам свежо јаболко, цимет и превкусно! Се почесто практикуваме да јадеме овесни за појадок. Се што ти е потребно на организмот содржи, и плус убаво заситуваат.
Омилена храна, моментално опсесија ми се Overnight Oats (овесни снегулки преку ноќ). Во тегла (или длабоко тањирче) се ставаат околу 1/3 овесни снегулки, 2/3 млеко и малку јогурт. Јас додавам и половина сецкана банана (од позрелите), замрзнати малини и цимет. Се покрива со фолија и се остава преку ноќ во фрижидер. Така сабајле си имам веќе спремен појадок, само додавам малку свежи банани и јаболка и преубаво е, овесните ги впиваат сите вкусови. Ем брзо ем вкусно
Моите омилени се со замрзнати јагоди. Со врело млеко ги попарувам житарките, да омекнат, после тоа додавам малку ладно за да ми се разреди, па ги оставам 10 минути да ми стојат во фрижидер и потоа додавам замрзнати јагоди. Имам пробано и со малинки, прекраснотии! Многу често, ако немам замрзнато овошје или банана, ставам јаткасти производи: толчени (по можност и печени да се) лешници, бадеми или оревчиња.
Мојот рецепт е најлесен.Во пајнца ставам неколку лажици овсени снегулки ,додавам обична вода и чекам 5 мин и после ги јадам .Понекогаш и со сок ги јадам,со какао,капулино итн. Патем видов интересни рецепти,ќе ги пробам
