Баш во оваа категорија за патувања и одмори, никаде не видов тема за некоја поегзотична дестинација а баш ме интересира дали некој има одено на Ибица ? И доколку бил, дали тоа било преку некоја наша агенција бидејќи до сега барав кај овие нашиве и никаде не најдов понуда.. Знам мој познаник требаше да оди на Ибица летоска меѓутоа откажа поради свадба на некој од неговите дома. Па ако некој бил .. feel free to share the experience!
Ако сакаш добра забава, бегање од реалноста - журки, секс, дрога... тогаш си за Ибица . Мал е островот а и убав е, не да не, и освен што има добри журки, диџеи, дрога на сите страни,ок плажи друго нема ништо. Местото е повеќе ,,извикано,, поради ,,добрите,, журки кои траат 24/7 нон стоп. Бев, видов, онака на 1-2 дена и толку, повеќе ми се допаѓа Палма де Мајорка. Не е мој стил воопшто а и скапо е. Ми остави некаков впечаток дека целиот џган нафуран со евра и долари се собира таму да избега од реалноста, издрогира, испразни издувни вентили, направи хаос позади себе за некој ден и си оди дома со смирени бубачки.
Не сум била до сега, така да не можам да коментирам, меѓутоа ми се свиѓа твоево искуство Инаку патувањето беше твој индивидуален ангажман или преку агенција ? Зашто од се што барав на интернет не видов ниту една конкретна понуда од нашиве агенции..
Сама си го направив. Имав можност лани летоска убаво да ја прошетам Шпанија (агенциски) и греота ќе беше ако не ја видам Ибица и Палма де Мајорка. Островите се еден до друг. Ако се добро сеќавам лани кога гледав понуди Шпанија само една агенција -Орфеј нудеше Ибица ама се полетуваше од Београд. Скапо е и изгледа нашите тешко да закупат хотели таму, а и да закупат треба да ги наполнат со туристи. Претпоставувам дека агенциите кои се поголеми и појаки финансиски од др. држави (Англија, Франција, Германија, Русија дааа има многу руси и таму) ги закупуваат за неколку год. унапред. Види преку српските агенции тие сигурно ја работат Ибица, а и нашиве ако имаат некаков договор сигурно е преку српските агенции и се полетува преку Београд или евентуално Софија. Подобро направи како мене земи си Шпанија а исплови на Ибица на ден-два. Лесно ќе се снајдеш на секој чекор имаш туристички информатори кои работат цел ден и се што ти треба тие ти кажуваат. Каде да земеш воз, метро, брод, цени на карти....За такви места сама си правам тури и формирам маршути зашто мразам некој да ме брза и да неможам бар едно кафе да се напијам и се да видам онака успат (ако одам таму цел ден сум таму ) Би ти препорачала вон сезона почеток Јули или крај Јуни (крај Август) затоа што цените се ок тогаш, за разлика во сезона кога се скапи.
Ти благодарам.. сепак ова би дошло во предвид другата година бидејќи за летово Закинтос заврши работа ..сега баш разгледав понуди од Орфеј меѓутоа немаше конкретно цени. Можеш да ми кажеш колку отприлика би ме фатил ваков одмор од 7-10 дена ?
Ма ни со 7 ни 10 дена ништо не правиш , се зезам мене лани 15 дена ми беа малку . Рачунај во просек 500 евра хотел полупансион и авионска карта, + 50 евра аеродромска такса. 8 -14 евра ти е повратна карта воз во зависност од тоа каде си сместена. 4-8 евра ти е метро во зависност од кое до кое место одиш. 40-80 евра ти е брод кој поаѓа од Барселона - пристаниште и зависи каде ќе најдеш место.... Планирај 1 000 еур (500 аранж. и 500 да потрошиш) некој си просек али убаво е да ги имаш во џеб. Едно кафе ќе те чини 6-12 евра, 1 мек доналдс 10 евра, јас лани снемав цигари па плаќав 5 евра цигари ....скапо скапооо единствено ефтино и тоа многу ефтино се Зара, Манго...зашто навистина има попусти во лето и ќе си направиш убав шопинг. И да не купуваш ништо освен јадење по потреба тогаш е ок, али ако шеташ и плаќаш превози, тури (зависи и што и колку сакаш да видиш) е тогаш не е баш евтино. Се е евтино ако отидеш таму и не излезеш од хотел / плажа и потоа колку да се каже дека си бил. Ајде уште сега собирај пари
Со оглед на тоа дека имав преголеми очекувања, ништо посебно. Островот е убав, преполн со туристи, фини плажи ама цените се изгор. И не е дека до толку има журка нон стоп. Ние бевме на неколку плажи и само во неколку кафичи имаше погласна музика, ама никаква посебна атмосфера. Имаше еден куп буџовани, кои уживаа со шампањ на плажа. Како што рече Славица, Мајорка е поубав остров.
Епа скоро секое лето одам на Ибица, бидејќи таму ми имаат роднините викендица. Така да хотел неморам да плаќам!
Јас сум воодушевена од Ибица. Местото е толку релаксирачко ако ти се журка ќе се журкаш ако ти се одмара ќе одмараш, значи во зависност од расположението можеш да си поминеш како што сакаш. Скапо е изгор да, освен храната по маркети. Ние имавме среќа што имавме другар кој работи таму па така тој ни го организираше секој ден бидејќи знаеше секој ден каде има најдобра забава. Најмногу ми се допадна што лугето не се замараат кој како е облечен, кој каква фризура има кој од каде е, значи сите се релакс, за разлика од Будва каде одеа исфенирани испеглани и нашминкани на плажа и не влегуваа во вода девојките само за да глумат лудило.Ама тоа е нашиот балкански менталитет. Ние летавме од Софија, сами си организиравме се. На Ибица останавме 11 дена ги посетив сите клубови, Амнезија, Паша, Дестино, Ушуаја, Харт, Блу Марлин, бевме на Форментера едно прекрасно мало островче, Ес Ведра е едно место на Ибица кај што одат сите да го гледаат залезот на сонцето, исто прекрасно место. Значи за да го доживееш островот мора кола, оти местата не се близу едни до други. Влезниците по клубовите се изгор 50 евра најефтино, па до 100 евра. Пијачките на пример пиво 15 евра, џин тоник 30 евра, и такви чудни цени. Тоа е тоа, кој може да си дозволи му препорачувам да оди без да се мисли, а за ден и два некој што бил секако оти нема да може да го доживее духот на островот. Еве некоја слика Форментера Ибица -марина Рока Лиса Харт дискотека Амнезиа Ес Ведра Дестино
Во вторник одиме на Ибица сами со мм, па некој препораки за плажи, ресторанти и биџ барчиња да каже некој? Сакаме да прошетаме по островот затоа и изнајмивме мотор. Па ако има некој препораки, со задоволство би прочитала
Островот е прекрасен, има многу што да се види. Никако да не го испуштате познатиот Sunset Ashram на плажата Кала Конте, доколку имате можност да гледате зајди сонце таму, преубаво е. Исто и дневна прошетка со брод на Форментера, имаш бродови кои тргнуваат од пристаништето во Ибица градот, картата е од 29€ повратна, зависи со каков брод и времетраењето на пловењето ќе изберете. Јас искрено не можев да идам таму а да не ги посетам и Мамбо кафе во Сан Антонио, Бора Бора на плажа де боса, кафе дел мар... Зависи од вас што сакате да видете. Лежалките се многу скапи, 30 евра од ден за двајца, па така опремете се со ругозинки, чадор. Ние не користевме лежалки. Водата оддалеко е убава тиркизна, ама кога си во морето и не е баш чиста, матна е и со бранови. Ако те интересира и нешто друго, околу бус линии сл слободно прашај
