Pori фино, закажи си третман на козметичар да ти го исчисти лицето, да ти каже која крема и лосион да ги користиш, и решен проблем
Чисто ми е лицето, само има многу отворени пори.Одев на козметичар пред тоа, но повеќе ми се исфрлаше лицето...
Решение за отворени пори?? Дајте некој совет за Еуцерин кој да го купам? Имам лице без мозолчиња ама порите ми се мн отворени Не мора да е Еуцерин некој друг дане има некое слично искуство?
Имам и јас проблем со особено видливи пори на и околу носот. Немам некоја проблематична кожа освен што е сува но тоа го решавам со Дове крем, но за пориве не сум паметна што да направам
И јас имам тука-таму по некоја поричка, посебно во пределот околу носот. Тоа ми е секако резултат од мојата масна кожа. Ме интересира дали можат некако да се намалат? Тоа чудото за миење лице наменето за намалување на порите што сум го постирала погоре не чини - пишете му икс. Немав некои уау ефекти, не беше ни приближно толку добро како што мислев. Во потрага сум по крема, лосион, било што за да ги намалам порите. Не се којзнае колку забележителни, ама ми паднаа в око утрово и ќе си кукам сега. Леле, невозможна сум.
Пробајте со ова: 100 ml дестилирана вода 1 портокал гранчиња од рузмарин. Водата да зоврие, се става излупена кора од портокал и рузмаринот, покријте и оставете да отстои половина саат. Исцедете преку газа или слично, и се чува во стаклено шише. Со тоников двапати на ден, наутро и навечер се чисти лицето, потрошете го за неколку дена да не стои, се расипува, затоа и толку мала количина се подготвува, нели нема ништо вештачко...е сега треба 2-3 месеци редовна употреба, делува.
Имав пишано низ темите за креми за лице и претходно, еве и пак ќе пишам. Најдобро нешто што ми помогнало во намалување на порите (мрсна кожа имам, секако ) е само ноќната крема на Виши Нормадерм линијата. Значи само ноќна крема користев, ни дневна крема, ни тоник, ни ништо друго и имав феноменален ефект. Можам да замислам каков ефект ќе има ако се користи цела линија. Еве линк од кремата, инаку чини околу 1200 денари во Зегин (колку што ме држи сеќавање). http://www.vichyusa.com/images/product/packshot/100033_l.jpg Наменета е против неправилности, проширени пори и нееднаква кожа. Го изедначува тенот и видливо ги намалува порите, така пишува на амбалажата и навистина е така, проверено од прва рака Треба да се користи некои 3 недели континуирано пред да се забележи некаков ефект, ама и те како ги смалува порите, ги прави речиси незабележливи. Е сега, јас само еднаш ја имам користено, откако ја потрошив не бев при пари да ја купам пак и лицево си се врати на старо, ама тоа е. Ако се користи упорно и континуирано, феноменална е Инаку една туба трае добри 5 месеци, така да се исплати инвестицијата.
проширени пори Вака на лицето имам ситни дупчиња дали тоа се проширени пори или лузни од акни и како можам да ги отстранам?
Како до чисто лице? За проширени пори на лицето се користи тоник за лице Spoiler http://www.tc.mk/image_server/product_image/store_80/medium/000064.jpg Може и маска да си ставаш од белки од јајце и 1 чаша сок од портокал
Мислам дека крема треба да се става за да се затворат, но најубаво отиди кај дерматолог, он нека ти препорача која, или на козметичар
Јас го имам серумот во средина на Клиник, можам да ти кажам дека сум презадоволна. Mислам дека со редовна употреба би имало забележителни ефекти, јас го користам кратко и не толку редовно, но се приметува од авион дека ги „смирува“ порите, не ги затнува, но ги минимизира и не лачат себум во толку голема количина. Сигурно го има во Космо, но не знам колку чини. Јас го купив околу 30 долари.
Здраво проширени пори имаме сите кој помалку кој повеќе видливи и би сакала да ти дадам неколку совети како да ги минимизираш и да спречиш да се појават нови. Како прво нешто креми и пудри за лице без силикони и без нафтени деривати. Верувај ми овие состојки се број 1 причина за порите на лицето затоа што ја запушуваат кожата и таа неможе да дише, ги собира сите маснотии кои не излегуваат правилно надвор и доаѓа до формирање и на митесери. Втора работа обавезно користење на тоник за лице. Одбери некој добар со природни екстракти најдобро органски (барем знаеш дека е 100% чист), тоникот е многу важен чекор во негата на кожата затоа што ги затвара порите. Трето, никогаш ама никогаш не легнувај со шминка на лицето. Навечер пред спиење секогаш обавезно да се чисти шминката без разлика на тоа колку сме уморни. Четврто користи барем еднаш неделно маска од зелена глина која ја чисти кожата и ги затвора порите. Помешај една лажица зелена глина со лажица зелен чај и лажица мед. Одлично ја чисти кожата а притоа и ја негува благодарение на медот. (важно: не ја земај зелената глина со метална лажица затоа што реагира во контакт со метал, користи пластична или дрвена). Пробај полека да следиш барем дел од овие совети и ќе видиш подобрување. Поздрав
