Еве од Аника од темата Рецепти од Фемина Инстаграм и јас се мислам да ги направам исто @dejanadejana777
Рецепт за посна сарма: 1/2 главица кромид 1/2 страк праз 1 морков 130мл масло за готвење 80г соја трошки (од дм ги земам) 100г ориз кисела зелка за сарма топла вода сол, вегета, црвен пипер, црн пипер, нане (не пеперминт, него тоа spearmint шо го викаат) Со топла вода ги поквасувам соја трошките и ги тргам на страна. Многу ситно го сецкам кромидот, го ставам на тивко да се пропржува, потоа го додавам ситно насецканиот праз, па морковот. Ги прецедувам соја трошките и ги ставам и нив да се пропржат со останатото. Ги ставам зачините, го ставам и оризот. Со оваа смеса ги виткам сармичките. На една сармичка и ставам малку повеќе од половина супена лажица од смесата. Сармичките ги редам во два реда и остатокот од зелката го сецкам и го заглавувам измеѓу и на средина на вториот ред. Одкако ќе ги наредам ставам одозгора пак од сите зачини и малку масло. Ги притискам со потешка чинија и додавам топла вода пред вриење, не скроз да ги облее, туку да биде скоро до облевање. Ги ставам на јако, и одкако ќе зовријат, намалувам на тивко да се крчкаат едно два ипол саати, покриени со капак. На пола саат ги проверувам и ако е потребно дотурам уште малце топла вода пред вриење. По два ипол саати, загревам малце масло, околу 50мл, и му додавам само црвен пипер и ги полевам со тоа, оставам да се крчкаат уште 10тина минути и ги гасам. Така ги оставам пола саат и после спремни се за лапачка Ова ми е прв пат да правам сарма, посна бидна дека се пости, ама топ искочи. Супер рецепт, и по дома сите беа изненадени колку е слична на вкус.
Мафини 1 шолја пченично брашно 1 шолја пченкарно брашно Прашок за пециво 1 шолја кисела вода 1/2 шолја масло Сол 2 кисели краставички 1 пиперка 15 маслинки Калапче за мафини Ги сечкаме маслинките, пиперката и краставичките на мали парчиња. Од краставичките ја стискаме водата за да не ни пуштат вода во смесата. Во сад ги мешаме брашната, пецивото и солта. Додаваме кисела вода и зејтин, мешаме заедно. Потоа ги додаваме краставичките, пиперката и маслинките. Калапот за мафини го мрсиме со зејтин и ставаме од смесата. Ги ставаме да се печат 30минути на 200 без вентилатор. Ги вадиме од рерна и ги оставаме 10минути да се оладат. Спремни се за јадење. Може и сусам да додадете по желба или семки од тиква, сончоглед, мелен лен... Мене ми се допаѓа рецептот бидејќи е брз, а мафините се навистина вкусни! Уживајте.
