За Божиќните пости што следуваат од кој календар е најдобро да се гледа за каков вид на пост е денот? @Orthophill Последен пат приметив дека на календарот што го имам на телефон како апликација конкретно на денот отсекување на главата на св. Јован Крстител пишуваше дека е пост на масло, а во календарот од црква строг пост. Не знам дали и за подолгите пости има вакви различности.
Православната Црква има два типици: Цариградски (наменет за оние што живеат во светот) и Ерусалимски (за монасите). Главната цел на типиците е да се усогласи богослужението, а не да се кажува денеска масло, утре без масло... Според Цариградскиот типик, односно типикот за нас што живееме во светот, а не по манастирите, постот се одвива на следниов начин: - Велигденски пости - прва и последна седмица, како и средите и петоците без масло, другите денови со масло, Цветници и Благовештение риби (освен ако свето Благовештение не падне во последната седмица, кога до Велики Четврток се разрешува масло, а Велики Петок и Велика Сабота се без масло. Охридската Архиепископија во случај да падне свето Благовештение во овие два страдални денови го префрлала на Светол Понеделник). - Апостолски пост - прва седмица без риби, после риби секој ден освен во среда и петок. - Богородичен пост - пост со масло, само свето Преображение со риби. - Божикен пост - до Пречиста (Воведение на Пресвета Богородица) без риби и после свети Спиридон до Божик пак без риби. Помеѓу Пречиста и свети Спиридон секој ден може риби, освен петок и среда. - Свети Јован Посен(11.9), Крстовден(27.9) и Водокрст (Нејатка,18.1) се без масло (освен во сабота или недела). - Пред Причесна една седмица се пости без масло (во сабота и недела се јади масло). - Во средите и петоците вон постите се пости со масло, па дури и да се касне риба не е ништо страшно. Во постите убаво е средите и петоците да не се јаде масло, ама секој според можностите и условите. Сабота и недела секогаш се јаде масло, освен во саботата пред Велигден. Исто и за рибите, кога се дозволени да се јадат, може да се јадат, ама не мора. - Во обичните петоци и среди - славите, имендените, погребите и помените се разрешени на риби. - Во Петровденските и Божикните пости - славите и имендените секогаш даваат риба. За жал кај нас многу често, некои свештени лица, на своите чеда им наметнуваат бремиња, кои ни самите не ги исполнуваат! Постот без молитвата е нецелосен! Ако, некој, пред се` свештеник, не го исполнува она што типикот го предвидува за богослужбите(не служи вечерни, не служи утрени или и да ги служи Господ знае како ги промрмлува) - лудост е на оние, кои му се потчинети да им наметнува да постат монашки! Пан метрон аристон! Се` со своја мерка!
Прашај си го вашиот парохиски свештеник и тој како ќе ти благослови така ќе постиш.Секој според телесните можности и што е најбитно во постот да не се јадеме едни со други. Лесни и Богоугодни пости
Друг начин нема? Јас ова најдов: Јасно е дека во времето на постот се избегнуваат месото, путерот, млекото, јајцата, сирењето. Освен тоа, Уставот вели дека во понеделник, среда и петок во Божикниот пост не се јаде риба, вино и масло и дозволено е само примање на храна без масло. Во останатите денови – вторник, четврток, сабота и недела разрешена е храна со растително масло. Рибата за време на Божикниот пост е дозволена во саботните и неделните, како и на големите празници, каков што е празникот „Воведение во храмот на Пресвета Богородица“, а исто така и на храмови празници и деновите на големите светии, но само доколку тие празници се паднат во вторник или четврток. Доколку празникот се падне во среда или петок се разрешува на вино и масло. Од 2 јануари до 6 постот се засилува и во тие денови, дури и во сабота и недела рибата не е благословена, потенцираат црковните правила.
Апликацијата Православен календар може да ти помогне за ова. Јас тука гледам кои денови како да постам. Како што ти кажаа, уште подобро е со свештеник да разговараш и тој како ќе благослови, така. Лесни и богоугодни пости на сите.
Типик е правило за богослужби, однесување во манастирите и на крајот од 1000+ страници, една до една и пол е правило за јадење. Пишав на темава пред неколку пораки. Сведувањето на типикот на распоред за јадење е перверзно.
Тоа е како математиката да ја сведеш на пример само на операција коренување. Да речеш математика е коренување, а да ги прескокнеш сите други операции...
Мислам дека несвесно сум го прекршила постот повеќе пати. Јадев грицки ( смоки, чипсови ) во деновите кај што се јади зејтин. Во смоките и чипсовите имало траги од млеко и јајца и сега кога веке неколку пати го прекршив постот, сакам да ве прашам дали да продолжам со постот и да се причестам на Божиќ, или воопшто да не продолжувам кога веке повеке пати го прекршив постот ?
Да го продолжиш постот. Можните траги не се мрсни. Ако досега се немаш исповедано, или имаш направено големи гревови после последната исповед, пред причесната обавено да се исповедаш.
Најубаво е како ќе ти благослови свештеник така. Обично постот трае најмалку една недела, нели за сите тие што не постат целосни пости, а исто може да испостиш само последните три дена од пост. А причесна има секоја сабота и недела наутро. Зборувај ако си во можност со поп и тој ќе те упати како и колку да испостиш.
