Последно дискутиравме со духовникот дали во петоците треба да се пости без масло со оглед на тоа што се служи света литургија. Барем во нашиот град.
„Кога постите, не бидете натажени како лицемерите; зашто тие си ги прават лицата нажалени за да се покажат пред луѓето дека постат. Вистина ви велам дека тие веќе ја добиле својата награда. А ти кога постиш, помажи ја главата своја и измиј го лицето свое, па да се покажеш дека постиш не пред луѓето, туку пред твојот Отец, Кој е во тајност; и твојот Отец, Кој гледа во тајност, ќе те награди јавно Матеј 6:16-18
Одлучив исто ко велигденските и божиќниве да ги постам обично, не можам по календарче нека прости Господ
Со лесно нека ви е на сите што ќе постите. Јас нема да го постам овој пост. Но од Велигденскиот решена сум да биде. Таму застанав пред 2 години и од таму ќе продолжам.
Каква ни е ползата ако не јадеме месо и риба, а ги јадеме своите ближни? Велиш дека постиш. Докажи ми преку своите дела. А кои се тие дела? Ако видиш сиромашен, дај му милостина. Ако се сретнеш со своите непријатели, смири се со нив. Ако на улица видиш некое убаво лице, сврти го својот поглед од него. Значи, да не постиш само со стомакот, туку и со очите и слухот, и рацете и нозете, и сите делови на телото. Рацете нека постат воздржувајќи се од секоја алчност и кражба. Нозете нека постат така што нема да одат по патиштата на гревот. Очите нека постат така што нема страсно да гледаат во убавите лица ниту да гледаат со завист на богатството на другите луѓе. Велиш дека не јадеш месо, но внимавај страсно да не го голташ со очите она што го гледаш околу себе. Пости и со слухот не слушајќи оговарања и интриги. Со својата уста и јазик пости и воздржувај се од лошите зборови и шали. Каква ни е ползата ако не јадеме месо и риба, а ги јадеме своите ближни. Свети Јован Златоуст.
Здраво на сите. Сакам да прашам некој поискусен, дали смее да се јаде производи на кои пишува дека МОЖЕ да содржат траги од јајца, млеко..... и што воопшто значи тоа да некој производ Може да содржи траги од јајца, млеко...?
То значи дека нема во состав ништо од то ама ради крос контаминација мора да напишат ( на исто место прат поќе работи, чистат меѓу продукти ама за секој случај мора да го пишат ова за да се легално покриени). Моите дома јадат продукти како посни ако пиши дека "можи" да содржи нешто пошто се.
Библиски нели постот е начин на доведување на душата на понизност, ослободување на страстите и гревот преку воздржување од јадење на одредена храна и пијалок. Физичката глад што се чувствува кога постиме треба да не насочи и научи таа глад да ја пренасочиме како глад кон повисоки нешта како глад спрема зборот на Бог и Бог. Преку практикување активна конзистентност и издржување на постењето, се доаѓа до состојба на прочистување на душата и стекнување на плодовите на Светиот Дух. Но, постењето се однесува и на воздржување на ЗАВИСНОСТИТЕ како цигари, негативни мисли и однесувањето спрема себе и меѓучовечките односи. Значи не само да се почитува постењето преку храна туку и јазикот да пости, воздржување од грев: нечист збор, гнев. И очите да постат да не се погледнува нечисто.
Кога се иде на причест? Знам дека сега во недела да ама дали се иде вторник или среда сабајле, поврзано со постов?
Во колку часот точно или отприлика почнува Божиќната литургија по храмовите и по колку време трае, т.е кога е причеста?
Дали денес на строг пост може да се јаде путер од кикиритки и џем? Или хумус (пишува во состав 4% раст. масло) Кажете некој предлог
За велигденскиот пост како и за секој пост знам дека за исхраната се водиме според типик, но не сум информирана што значат сиропусна и месопусна недела пред прочка што треба/не треба да се јаде?
По кој типик се водите за постење? Оваа седмица во среда и петок не мора да се пости. Следната седмица (17-23 февруари) се пости во среда и петок Од 24 февруари до 2 март не се пости во среда и петок, но и цела седмица не се јаде место, туку само млеко, јајца и сирење и поради тоа се вика сирна седмица. Сиропусна недела (ден) е Прочка кога го отпуштаме (престануваме да јадеме) сирењето, јајцата и млекото. Месопусна е неделата (денот) пред Прочка кога го отпуштаме месото.
