Како можеме да простиме кога сме гневни и повредени? Како прв чекор, треба да бидеме волни вистински да ги почувствуваме гневот и повреденоста. Да ги потврдиме сопствените чувства со тоа што ќе бидеме потполно присутни во нив а тоа прави тие чувства да се ослободат. Исто така, помага да се запомни фактот дека луѓето ги повредуваат другите само тогаш кога и самите се во болка. Кога ќе го препознаеме страдањето на другиот човек, нашето срце може да се отвори кон сочувствувањето. Исто така може да запомниме дека во некое време, и ние имаме повредено некои луѓе со нашите невешти акции. Единствено љубовта може да ги излекува пукнатините предизвикани од повредливите дејствија. Простувањето држи огромна сила бидејќи го поправа одвојувањето. Не придвижува кон заедништвото и љубовта кои лежат во сржта на нашето битие. Тоа е фундаментален дел од лекувачкиот процес. ’Простувањето не го менува минатото, но ја зголемува иднината“. ~ Paul Boese
Еве ги мајмуните од карневалот во Прилеп. Не успеав да направам повеќе фотки,времето беше лошо и се кријав по кафулиња
Нека ни е за многу години на сите празников Прочка. Што претставува за мене овој празник? Потсетник од Господ дека мора да си простуваме. Ако сакаме да имаме чисти срца, наполнети со љубов, мора најпрво да ги испразниме од омразата, бесот, лутината. А, како ќе го направиме тоа ако не простуваме? Но, да си простиме прво себе си. Само тој кој може да си прости себе си за своите грешки, ќе може да опростува на другите. Некои ќе побараат прошка, а од утре пак ќе грешат. Размислите два пати пред да направите, речете нешто. Запрашајте де дали ќе го навредите или повредите другиот. Немојте никому да правите нешто, што не сакате да ви направат и вас. Краток е овој живот за да живееме во омраза. Простувањето е лек за душата. Ви олеснува, ве прочистува, ве подмладува, ве прави посилни. Опростувањето е голема доблест, не е карактеристика на кукавиците. Не се плашете да побарате прошка. Не дозволувајте му на егото да владее со вас. Научете да кажете извини. И сепак, ако некој не ви прости, или не можете да му простите некому колку и да сакате, прифатете го тоа. Некои рани се многу длабоки и потребно е многу време додека се залечат.
Мислам дека прв пат за прочка не сум дома... искрено, би сакала да сум... Има нешто посебно во празнувањето со најблиските, во семејниот ручек, во посетата на бабичка... Тоа чувство на блискост, грижа и љубов. Тоа не може да го долови телефонот.
Човечки е да се греши а уште почовечки да се прости. Простете ако сум ви згрешила нешто Со мало закаснување но од оправдани причини
ПРОЧКА е последен ден од белата недела пред големиот велигденски пост кога помладите членови на семејството одат кај постарите и бараат прошка -„ПРОСТИ МИ‚‚ - ,,НЕКА ТИ Е ПРОСТЕНО‚‚. Простувањето е дар на самите себе, ослободува од болни искуства, а кога ќе си простиме и на себе и на другите, тогаш сме навистина слободни. Големо е чувството на слобода што доаѓа со простувањето. Исус го напушти овој свет со моќните зборови на простување на своите непријатели, „Прости им, Татко, не знаат што прават!“. Всушност, целото учење на Исус завршува со најважната порака, а тоа е пораката на простувањето. Човечки е да се греши но уште почовечки е да се прости, ЧЕСТИТ ПРАЗНИК и за многу години и ПРОШТЕВАЈТЕ АКО СУМ ВИ ГРЕШЕЛА...
Прочка е Старо-Словенски пагански празник и правото име му е Поклади или Голема Ноќ, односно ден кога се слави доаѓање на пролет, раѓање на богот Јарило (бог на пролетта , вегетацијата, плодноста) и ден кога се слави Старо-Словенската нова година, откако Словените дошле на овие простори и биле принудени да го прифатат христијанството, голем дел од паганските празници останале да се слават но со мали христијански промени. Симболика на празникот - палење оган, и играње околу него и рипање. Овој ритуал е познат како ритуал на чистење, оти зимата е време на смрт ( така гледале старите-словени, но не само тие оваа го има во сите индо-европски пагански религии), телото се полни со негативна енергија, а пролетта симболизира раѓање со тоа, за да влезеш во нов циклус на година треба да влезеш чист. Шарање на лице со пепел од огнот, и така да се шета по маалото, овој ритуал служи да се исплашат лошите духови на зимата и да си одат, за да можат пролетните духови да се вратат и да разеленат се. Инаку, Јарило е десети и последен син на богот Перун, но се смета за изгубен оти живее низ шумите полјаните, планините. Пред на настапи есен Јарило оди кај Велес, богот на подземјето и така доаѓа есента ( инаку се враќа кај Велес оти тој првенствено го има киднапирано, па по молба на Перун, Јарило се враќа секоја пролет за да разелени и да има род), неговиот престој во подземјето ја симолизир зимата односно Смрта, и на Поклади се враќа на горнит свет а тоа ја симболизира пролетта и раѓањето , неговото шетање низ светот е летото или растењето, враќањето во подземниот свет - есента или стареењето, и мудроста која се стекнува.
Да Простиш... Значи... Да пронајдеш добрина во себе.. Да простиш.. Некогаш е Тешко.. Но тоа е единствениот пат кон мирот во душата... Денес и небото и простува на земјата, а човекот му простува на човекот... ПРОСТЕТЕ АКО СУМ ВИ ЗГРЕШИЛ/А
Простете ми и мене феминки мои ако сум ви згрешила, ќе се поправам. Ќе им простам и на другарките и другарите.
Простете ми драги феминки ако нешто сум ви згрешила. како најмала во моето семејство денес сум решена да им побарам прошка на постарите членови. се собираме на куп кај баба ми па ете ми прилика да побарам прошка од повозрасните.
Мене едно нешто ми е глупо во врска со ова. Прочка е и на Фејсбук се редат статуси од типот Простете ако сум ви згрешил или некои хејтерски Не простувам, сите знаат што прават. Ова Интерентов ги запусте луѓево. Прошка се бара во лице а не преку Интернет.
