Би сакала на сите припаднички од понежниот пол, па и од посилниот, да им го честитам големиот форумски празник 8-ми Март. Јипман се врати, вајстина се врати. Амин. Потоа, би сакала да им го честитам големиот Македонско/ Балкански празник 8-ми Март на сите мајки, па на вторите мајки, такозвани тетки и баби, и наравно на сите наставнички. И на крај, би сакала да им го честитам на сите жени интернационалниот празник на борбата за женските права, еманципација и еднаквост, 8-ми Март и да им порачам дека ако сами не се опаметиме, не се бориме и не си помогнеме, никој нема. Фмп.
Би било добро да сме добри и ние жените една со друга. Или барем поискрени. Посакувам секој ден храброст и здравје во умот, јајниците, градите.
Среќен 8ми Март , жени, девојки , моми и ќерко. Од вчера се острев колку имам да пишам за овој празник. За нашите права и за тоа колку мојот сега 78 годишен татко е бил во право кога е велел вие жените сте попаметни од нас мажите. Сакав само да кажам зошто толку се слави овој празник кај нас кога се уште работите ги делиме на машки и женски. Сеуште на интернет можам да прочитам за таа и таа професија платата на маж е 3000 евра , а за жена е 2500евра(сумите од мене го измислив). А зошто? Нема ли исто една докторка да го прегледа пациентот како нејзиниот колега доктор? Зар една сметководителка нема да го состави билансот како својот колега. Зарем една менаџерка нема исто да изменаџира како својот колега менаџер? Дали жената добива помалку плата бидејќи утре ќе биде мајка или оти е мајка и и треба време да се посвети и на децата ? Не знам мислам само да бидеме подценети и да се знае дека мажот е најбитен и најпаметен. Додека бев помлада не сакав да ми честитат 8ми Март оти си велев да не се бореле тоа жениве до сега 5 деца ќе си имав и ќе си седев дома и ќе си ги чував.Сега треба да работа и немам време за деца . Треба да докажам дека сум иста со мојот колега. Немојте да мислите дека нашите баби биле подчинети , не мои дами ние жените секогаш тивко сме се борел и ќе се бориме да бидеме самостојни , еманципирани и рамноправни. Продолжете мои дами борете се дали погласно или потивко важно немојте да седете мирни и во канџите на ѕверот.Ослободете се бидете свои, но никогаш немојте да бидете предмет на фалба на некој маж оти ќе останете само тоа-предмет. Само напред и до другиот 8ми Март каде ќе видиме дали нешто е сменето. Убав ден феминки
Среќен Oсми мaрт, жени! Денес не се слaви сaмo фaктoт декa сте рoдени кo жени. Се слaви прaвoтo нa женaтa, бoрбaтa зa еднaквoст меѓу пoлoвите и бoрбa прoтив нaсилствoтo. Oсми мaрт е мнoгу пoвеќе oд еден пoдaрoк.
Од денешниов ден издвојувам: http://www.crnobelo.com/zabava/evergrini/57023-8-mi-mart-kralica-364-dena-magarica Џабе сиот овој реферат, кој не го ни дочитав, кога насловот е ваков. Магарица бе...
Па дека се римува претпоставка ама... Кај мене дома да речеме мајка ми е од домакинка до хаусмајстор,татко ми не мрда со прст. Колку е изменето ме интересира,дали денешните сопружници ја скршиле таа традиција?
Аааааа јас од рано утро си ја добив традиционалната честитка. Уште од декември ви кажав дека Јипи ќе ни дое за 8ми Март ****************** Го сакам овој ден оти жените го дигнале гласот за ние денеска да можеме рамноправно да се еманципираме во неправедниов ни свет. И запомнете, никогаш не ја спуштајте главата ниту гласот пред наметнатите норми во општеството. Имаме уште многу за освојување. Со мојата традиционална честитка, ви честитам празник на сите.
Честит 8-ми март, бидете сакани, среќни, горди, достоинствени борци за своите права секој ден и никогаш не заборавајте ја својата вредност. Повелете за секого има цветче.
Дај им на Американци доволно време и ќе успеат да го искомерцијализираат секој празник и да ве натераат да трошите пари. Дај им на Балканци доволно време и од секој празник ќе направат повод за јадење, пиење и веселба. Почнувајќи од верски празници, како Св. Трифун, преку Први мај – до, секако, Осми март. За Св. Трифун се иде у кафана, за Први мај се врти скара и се љока алкохол, а за Осми март пак се иде у кафана (ама само женско друштво), на екскурзии и шопинг тури у странство. И се купуваат поклони, воглавно цвеќиња. Во суштина, правиме сѐ, освен соодветно да го одбележиме денот. Но зошто? На страна од не-толку-долгата традиција на одбележување на празников (особено кај нас), главен проблем е во тоа што или воопшто не нѐ учат за неговото значење или нѐ учат, ама погрешно, уште од најмала возраст. 90% од децата (а богами голем дел и од возрасните) на прашањето „Какво е значењето на Осми март?“, наместо „ден на кој се одбележува добивањето на еднакви работнички права на жените со мажите“ или нешто слично, ќе речат „Денот на мајката“, „Денот на наставничката“ или евентуално, „Денот на жената“ – поим со многу општо и нејасно значење. А што се однесува до подароците – подарок за ден кој одбележува некаква еднаквост меѓу луѓето е во најмала рака, несоодветен гест. Дали на црнците во САД треба нивните бели пријатели да им подаруваат поклони на денот кога е аболицирано ропството? Дали на хомосексуалците треба да им се подарува нешто на денот кога се здобиле со еднакви права како и сите останати луѓе? Денот секако треба да се одбележи, но на достоинствен и соодветен начин. Но покрај несоодветни, има и едноставно навредливи поклони. Сфаќам ја дека цвеќарите кај нас 90% од прометот го прават за Осми март и дека сите бизниси си бараат начини да привлечат купувачи, но до кога уредите за домаќинство – а поимот „домаќинство“ подразбира заедница од, во најмала рака, маж и жена – ќе се сметаат за поклони, и тоа исклучиво наменети за жените? Од друга страна – дали имаме причина да славиме и празнуваме? Жените имаат еднакви права со мажите, барем на хартија, но реалноста е сосема поинаква. Жените сѐ уште се најзастапени во најлошо платените индустрии, како текстилната, сѐ уште се помалку платени од машките колеги за истите работни места, сѐ уште се во огромно малцинство на раководни позиции, сѐ уште се дискриминирани при вработување и сѐ уште се жртви на сексуално вознемирување. Ама не се секирајте – денес повеќето жени ќе добијат цвеќе од сопругот (прв и последен пат годинава), вечер ќе заминат со пријателки и колешки во кафана (можеби на трошок на фирмата), ќе пијат, јадат, ќе се провеселат, па и ќе свртат по некое оро. А веќе од утре ќе се вратат на својата должност на жена/мајка/сопруга/домаќинка/вработена. И така до наредниот Осми март, кога повторно ќе имаат прилика да уживаат и да ги прослават сопствените права и еднаквост. И можеби орото е сосема соодветна метафора за сите веселби кои си ги правиме по повод на некој важен датум на одбележување на нешто – 3 напред, 2 назад, и така, со години, никако да мрднеме од место во ниедна сфера на нашето постоење. Среќен Осми март!
Жените кои со револуции го променија овој свет за нас нека не потсетат дека секој ден го обележуваат силните жени кои храбро ги следат своите соништа и ги менуваат правилата на игра Честит 8ми март!
Ручек, кафе, пријатели, уживање во празнична "експлоатација" Најубавиот дел од денот - подготвување на десерт со мајка ми. Среќен 8ми на сите што слават!
Осми Март... Само еден ден во годината наспрема секојдневието... “Силата на жената произлегува од факт што ни психологијата не може да го објасни. Мажите може да се анализираат, а жените само да се обожаваат“ – Оскар Вајлд
Читање и слушање мафијашки работи како „никој не се опоравил од мене, хехехе“ па тука фурање филмови со боксирачи, палки, кеш колица, Србија во деведесеттите, дизелаши и така натаму. Ќе ви купам по еден нос за кловнови и држете претстави во циркус, ќе ви доаѓам редовно, обеќаем, ако е влезот бесплатен, нормално... Фиромски менталитет: оставам настрана нешто што не треба да биде чепкано без човек да праша и наредниот ден ништо не наоѓам. Опаковката исто така изгризана; на неа се познаваа траги од човечки заби. А што ќе прашува кога може вака да си се најаде како човек. Сега и јас така планирам да правам; без да прашам ако видам некој како јаде хамбургер ќе му го земам од раце и ќе го изедам пред него. И да, им го честитам на жените празникот 8ми март и имам порака до посилниот пол: било која жена на било кој ден треба да се третира со почит и да се става на исто рамниште со мажот, не само на овој ден кога се купува цвеќе и се кажуваат „ради реда“ неколку зборови. Секоја чест на исклучоците.
