Санторини

Ahoy · May 29, 2020

Ketrin21 said: ↑

Zdravo dali nekoj znar kolku e povratna karta od atina do santorini so feribrod?
Click to expand...

Провери си најдобро тука:
https://www.ferryhopper.com/en/?initial=PIR,JTR

joy1 · Jul 23, 2023

@Ahoy , Санторини во октомври yep or nope ?

Не класичен одмор,само 3 дена.

Ahoy · Jul 23, 2023

joy1 said: ↑

@Ahoy , Санторини во октомври yep or nope ?

Не класичен одмор,само 3 дена.
Click to expand...

Дааааааааа

Смештај во Oia или Thira и може да живеете сон .

Инаку јас не мислам дела Санторини е за класичен одмор од 5 - 10 дена, посебно не во лето. И јас кога би одел би било тој период или на пролет, макс. 3 - 4 дена

Noemi · Jul 26, 2023

Ahoy said: ↑

Дааааааааа

Смештај во Oia или Thira и може да живеете сон .

Инаку јас не мислам дела Санторини е за класичен одмор од 5 - 10 дена, посебно не во лето. И јас кога би одел би било тој период или на пролет, макс. 3 - 4 дена
Click to expand...

Може да се истера и класичен одмор со плус прошетки до Имеровили, Оиа и Фира. Обично за класичен одмор се сместуваш во Периса на плажа со вулкански песок и прејака вода. Рент а кар и цел остров е твој. Санторини е многу повеќе од Оиа на инста, дефинитивно вреди.

Ahoy · Jul 26, 2023

Noemi said: ↑

Може да се истера и класичен одмор со плус прошетки до Имеровили, Оиа и Фира. Обично за класичен одмор се сместуваш во Периса на плажа со вулкански песок и прејака вода. Рент а кар и цел остров е твој. Санторини е многу повеќе од Оиа на инста, дефинитивно вреди.
Click to expand...

Знам, да, постои како опција, ама според мене има многу грчки острови што се пред Санторини за терање класичен одмор. Крит, Карпатос, Милос, Скопелос, Паксос, Парос, Наксос, Родос, Кефалонија...

Believe.in · Jul 30, 2023

Некој со искуство со деца на Санторини? Или би препорачале друг остров?

h.ope · Oct 12, 2023

Букиравме за 23ти
Ме интересира вие што сте биле дали вреди да се земаат екскурзии или се сами да шетаме?

Инаку одиме со деца, немаат гајле од шетање.
Првиот пола ден ќе сме на плажа, Периса сместување.
Се мислам 1 ден сами да одиме до Фира на неколку часа па пак на плажа. Еден ден да прошетаме повеќе, можеби тура до Ија и некое селце. Гледав на headout има убава тура, евентуално со агенцијата.

Mrvica · Sep 19, 2024

buba4e89 said: ↑

Островот е прекрасен, во изобилие ќе посакате да останете таму, чист е целосно, речиси никаде не можете да забележите ѓубре.
Пат:

За до таму претежно со брод или авион. Превоз си наоѓате до Пиреа и од таму со фериброд. Се патува 8 часа до Санторини, бродот застанува во Наксос и Парос се задржува еден час ( прима и остава патници) и продолжува кон Санторини. Не смеете за време на пристаништето во Наксос или Парос да излегувате бидејќи не ќе можете да се вратите. Карта повратна како лице без кола е 80 евра, а за кола се доплаќа. Со авион некаде околу 95 евра повратна карта.

Кога пристигнувате на пристаниште во Санторини тука имате rent a car продавници или rent a motocycle кои можат да се најдат од 20-25 евра на ден, се разбира само ако имате возачка дозвола за превозните средства. Патот до Фира или Периса е малку опасен, има доста кривини бидејќи се искучувате нагоре. Како се искачувате кон врвот се гледа цел остров. На островот нема полиција, така да имате слобода колку што сакаш и да направите сообраќајка нема кој да регулира си продолжувате по патот, ама затоа на агенцијата од каде сте го изнајмиле возилото или моторот плаќате оштета.

Хотели

Најефтините хотели се наоѓаат во Периса, за наша пара. Е сега јас бев преку друга агенција, а не преку таа што ја наведов и за превозот(бус, брод, организација,патничко осигурување) и хотелот со појадок платив 199 евра за 6 дена. Бевме сместени во Мементо Периса хотел одалечен едно 5 минути од плажа. Појадок шведска маса, солидни соби со купатило и мини кујна, клима и тараса. Искрено не знам која цена беше, хотелот имаше базен и многу јак интернет. Во близина се наоѓа познатата Камари плажа и да плажите се црни. Во Периса покрај плажите имате кафебарови и ресторани ама скапо е.
9 евра гиро/суфлаки.
3 евра газирани сокови.
4евра па нагоре пиво.
12 па нагоре пици
20 евра па нагоре риба.

Итн. водата им е многу скапа, јас си носев околу 10 мали шишања од дома.
Во маалските продавниците 2,50 евра е леб.
Секој кафе бар има свои лежалки, па со купување на пијачка или нарачување на храна добивате лежалки. Т.е. не плаќате за лежалките.

Во нашиот хотел имаше шанк и пијалоците и кафето беа поефтини за разлика од друго место.

Градови ( екскурзии ):

Доколку сте љубители на екскурзии, ние си имавме преку агенцијата организирано и си плаќавме за истите.
Брод околу 20 евра.
Прво ви препорачувам да го посетите Вулканот ( Неа Камени ) со брод. Се плаќа влезница 2.50 евра и си зимате едукативен флаер кој ви прикажува каде да се искачите, историјата на вулканот и секако главните кратери. Историјата на вулканот е долга, за тоа можете да истражите на гугл. Патувањето со брод е околу 20 мин, понесете си бикини затоа што после ве водат да се искапите во термалните води.

Потоа истиот брод ве носи до Фира. Градот е еден од најголемите на островот после Иа и еден од најскапите. За да се искачите до горе имате 2 избора, со жичара се плаќа 2 евра или со магаре се плаќа 5 евра ( за тие пари ве сликаат на магаре).
Градот Фира како што кажав е еден од најголемите, тука се наоѓаат и најскалите хотели, е сега ако имате подлабок џеб тука имате хотели со два базени ( надвор и внатре),џакузи и тараса со поглед на море и цена од 250 евра до 6000 евра од ноќ, зависи и типот на ноќевање. Овдека имате базени луксуз какви немате видено.
Во однос на рестораните имав прилика да разгледам на неколку места мени бидејќи имаа поставено надвор. Многу скапо.
10 евра гиро.
15 евра пици за нагоре.
5 евра кафе, нескафе 8 евра.
135 евра за морски плодови...итн.
Сепак тоа е остров и секако ќе е скапо.
Ако сакате да шетате по бутици има неколку брендови и повеќето со маалски бутици. Меѓутоа под 50 евра нема да најдете ништо од гардероба, освен ако нема попуст. Ги забележав Версаче, Бвлгари, од козметика ТОМ ФОРД и многу други.

Скоро сите ресторани имаат подигнато тараса со поглед на море, што мене многу ми се свиѓаше, романтично место.
Немавме прилика да шетаме навечер што за нареден пат секако тоа ќе ми биде во план. Мене тоа што е скапо не ме премисли, па ќе чекирам авион за следен пат.

Пиргос е мало градче да не речам дел од град, кое многу популарно познат како градот на свеќи за Велики Петок, градчето за време на Велики петок уште во 18часот од најниската точка до највисоката точка го палат на свеќи, се пали секое делче, секоја куќа, секој двор и на оддалеченост изгледа фантазија. Потоа тргнува повојка од црквата и го поминува секој дел од градот и се спуштаат надоле носејќи го крстот и иконата на Исус Христос. Пред овој чин, секој верник може да влезе, да се поклони и да запали свеќа.
Они не се протнуваат како кај нас.

Археолошки музеј и винарија.

Во археолошкиот музеј Akrotiri се плаќа 12 евра влезница. Вреди да се посети, ќе ги видите градот од камења од времето пред големата ерупција, ископнини и уште многу интересни нешта. Ќе имате прилика да шетате низ куќите од камења.

Винаријата е традиционално место, тука има и музеј. Не знам колку беше влезница, ние по разгледувањето дегустиравме 4 врсти на вино. Од кисели до слатки. Е сега винаријата е направена како музеј т.е. во неа се зачувани сите орудии со кои се произведувало вино во минатото. Во Санторини имавме прилика да видиме плантажи со грозје, па така ова вино кое го пробавме е оригинално, не преработувано.

Плажи.

Ви кажав за терминалните води, таму претежно во брод, Тоа е топла вода, а добро би било ако си изнајмите сами брод за да останете колку сакате, бидејќи туристичките бродови ви даваат само 20 мин пливање.

Црната плажа - Камари Бич.
И црвената плажа Акротири. - дива плажа е. Индивидуално се оди, кој како сака.
Морето е многу чисто и на двете плажи, меѓутоа водата во април месец е ладна.

Мене ми кажаа дека најтопла е во септември месец.
Од временско гледиште стално дува ветер, наутро беше ладно( април месец сепак) а преку ден ќе се стопли може да достигне до 20 степени, а навечер да падне под 10 степени.

Иа е мал град на островот кој е подигнат по ерупцијата на вулканот. Е сега во Иа е и она најромантичното зајдисонце на нејзината највисока точка.
И да ви кажам е поефтин од Фира. Разни драгулии и сувенири по пола евро,магнетчиња по 1 евро.
Можете да најдете и ефтини ресторани, кафе во кафебар 2 евра.
Гардероба од 20 евра нагоре, некогаш и попуст.
Кифли по 1 евро.
Значи дупло поефтино од Фира, ама и дупло поголема гужва.

Низ целиот остров забележав туристи од разни делови од земјата и во Иа имаше свадба.
Најмногу Кинези има.

Како што кажав островот е прекрасен и во изобилие е многу чист, не забележав ни куче ни маче.
Никој не те чепка, не се многу љубезни продавачите, но сите си ја гледаат својата работа.
Целиот остров е бело-плав, а само скалите се сиви,се водат спрема грчко знаме.
Само во Иа има 72 цркви, а во Фира многу повеќе.

Вреден е за секоја пара што ќе ја дадете, а ќе се вратите со надеж за повторно да го посетите.

@bubac
Click to expand...

Здраво, доколку паметиш колку часови од прилика вкупно се патува Скопје-Санторини заедно со автобус и брод?

Log in or Sign up

Санторини

Ahoy Форумски идол

joy1 Форумски идол

Ahoy Форумски идол

Noemi Популарен член

Ahoy Форумски идол

Believe.in Истакнат член

h.ope Истакнат член

Mrvica Истакнат член

Log in or Sign up

Санторини

Ahoy Форумски идол

joy1 Форумски идол

Ahoy Форумски идол

Noemi Популарен член

Ahoy Форумски идол

Believe.in Истакнат член

h.ope Истакнат член

Mrvica Истакнат член

Useful Searches