По препорака на доктор го користам на Eucerin со 5,5 PH. Досега најдобар сапун што сум го користела за мојата комбинирана кожа. Со него го мијам лицето секој ден или на два дена, вклучувајќи ги и очите. Благ е за сувиот дел, а доволно го чисти мрсниот дел. Околу 180 ден е во аптека ама долго трае. Сепак, после чистењето користам и крем за лице.
Ајде да си ја пробам среќата. Овој синдет на L'Erbolario дали некој го користел? @Biodevojka можеби може да помогне околу составот?
Драга овој сапун воопшто не е природен станува збор за синдет со оглед на тоа што има пХ 5,5,. Природен сапун нема шанси да има пХ 5,5, има многу повисока алкална пХ вредност. Јас ви препорачувам сапуните да ги купувате од некој кој ги прави по стар метод со ладна сапунификација како на пример Ла Сој или други производители. Или пак уште подобро правете ги сами. кај мене на Јутуб има еден куп видеа за почетници и понапредни. Ќе потрошите два три саати од денот за подготовка и околу 3 месеци за созревање на сапунот ама барем знаете со што се миете. Зошто некој да ве залажува со производи кои не се воопшто природни.
@Biodevojka фала ти на одговорот. ЛаСој ги користам за тело, ама за лице нешто не ми пријаат. Мојата кожа од некоја причина повеќе ги сака овие синдетиве, да не е многу агресивен за лице, Асодерм би бил идеален. Не знам дали е во прашање некоја состојка. Знам единствено дека на ланолин сум алергична, со друго немам посебен проблем. Затоа наклонета сум им на овие сапуниве "без сапун".
Драга секојдневно пилинг не е препорачливо, а ако ми дадеш декларација ќе знам повеќе да ти објаснам околу составот.
Sodium Lauroyl isethionate, Stearic acid, Lauric acid, Sodium palmate, Aqua, Parfem, Glycerin, Sodium Chlorid...ова се дел од состојките на декларацијата.
Фала ти Јас ретко користам сапун, ама читав дека овој го користеле и дека бил убав, го купив и вака ми одговараше на кожата, имам комбинирана кожа...
Фала за инфото . Не ни мислев дека се природни, ама ете ми годи на лицето, за разлика од другите сапуни и средства за миење лице што ги има на нашиот пазар. Во меѓувреме почнав да го користам овој на алкалоид - Ассо сапунот, и тој ми има исто добар резултат, а малку е и поефтин од Еуцеринот. Ама баш и ќе ги пробам и тие на Ла Сој. Имам убаво искуство со другите нивни производи како рол он-от. Него го користам веќе некоја година и сум презадоволна. Ни сврбење на кожата, ни ништо, а дискретна свежина цел ден.. И се согласувам - пилинг не треба да се прави секој ден, ќе се пресуши и оштети кожата. Мене лично од Доув со зрнца катастрофа ми беше, а не го ни користев секој ден, туку еднаш неделно..
Во последно време почнаа се повеќе акни да ми излегуваат па препорачајте ми некаков сапун што се користеле. Претходно краток период користев Dove сапун.
Би те советувала наместо сапун да користиш гел за миење, бидејќи помалку ја суши кожата. Би ти го препорачала Балеа мед, наменет е за чувствителна кожа, го користам со месеци и наутро и за да го извадам остатокот од шминката.
Да, само таму. Тогаш ти го препорачувам сапунот на Себамед, тој го има во аптеки. Јас од Еурофарм го имав купено.
Со сапун само повеќе ќе ти се суши кожата и како резултат на тоа, ќе лачи повеќе маснотија и ќе се создаваат повеќе акни. Инвестирај во добар маслен чистач и гел/пена за миење, тоник и добар крем соодветен за твојот тип на кожа, па применувај ја таа рутина. Кожата не треба да се пресушува, треба да се чисти и хидрира. Кога редовно ќе се прави тоа, ќе се нормализира и лачењето на себум, ќе се намали собирањето на нечистотија во порите и со тоа и ќе се редуцира бројот на акните или целосно ќе исчезнат. Не мора да се од ДМ средствата, сигурно има поснабдени маркети во близина, евентуално онлајн да нарачаш, да ти донесат до дома.
Од пред некое време исто почнаа се повеќе акни да ми се појавуваат, па по препорака на другарка купив анти-акне сет на Хедера Вита. Е сега, имаат повеќе производи од истата колекција. Јас се одлучив за гел, тоник и серум и ептен сум задоволна, ама не пропуштам ни ден во користење. Имаат и сапун, ама мислам дека е подобро гел во вакви ситуации отколку сапун, можеби затоа што отсекогаш јас лично повеќе преферирам гел/пена. Исто голем плус беше што почна да ми се регулира мастењето на кожата (имам комбинирана)
@Biodevojka дали може детокс сапунот на Natura siberica да го користи 10 годишно девојче? Ќерка ми веќе неколку месеци се соочува со акни , па не знам поради возраста што може да става на лице а што не и не знам дали ова би помогнало.
