Богами и тоа им е малце. Но зошто немаат ли бе душа? Јас немам срце да тормозам девојче што е добро и не знае да си помогне..
Стварно? Како го сфати ова? Оти јас го сфаќам дека ние сме brainwashed од западњачка култура и ако идеме на блискиот исток и да ни ја кажат "вистината" ние сме толку испрани мозоци што нема да поверуваме Сто пати го препрочитав, пак исто го сфаќам и тоа прилично јасно е напишано. *Дискусија преместена од темата Љубовни проблеми и совети
Така што западната култура овозможува слобода на говор. Еден куп жени ги има избегано од тие земји и бараат засолништа во Америка или Европа затоа што можат слободно да живеат а многу од нив почнуваат и гласно да зборат за тоа од каква култура доаѓаат, знаат дека културата на запад не ги ограничува и нема да ги камшикува.
@*Amethyst* баш обратно од тоа кажува. Убаво сумирала @Celltica И јас исто како неа го сфаќам. Не знам како поинаку.
Нема потреба зошто да ги учиме девојчињата да бидат сумо борачи бе сонце. Зошто ти да учиш нешто што не сакаш, односно како да го тепаш некој ако те нападне, кога едноставно тој човек може да не те нападне. Не треба едукацијата да се врти пак околу жртвите или девојките за тоа како да се бранат, туку треба да се насочи кон силувачите за да не силуваат. Ако некој нападне девојка виновен е само тој и никој друг, не е виновно девојчето затоа што носела сукња, не знаела самоодбрана, постоела едноставно. Драконски казни за силувачи, јавно објавување нивно име во регистар, едукација дека не треба тоа да го прават и најбитно од се, да прекинат одредени жени да ги бранат како што беше случајот со јавна соба. Нема потреба да се концентрираме околу жртвите, концентрацијата треба да се насочи кон правилниот виновник а тоа е силувачот.
^ Ама сите знаат дека не треба да убиваат но пак го прават тоа, нели? Не може да се едуцираат силувачите да не силуваат, едноставно секогаш ќе постојат силувачи исто како што ќе постои и секое друго зло. Доволно е да се зборува повеќе и јавно за да се влијае на оние што ги бранат силувачите и им бараат оправдувања за делото, а тука спаѓаат и мажи и жени кои (можеби) самите немаат такви тенденции а имаат одреден начин на размислување и не гледаат колку лошо влијаат на некој друг со тоа. А дека некој ќе се едуцира да не биде насилен, нема. Нема ништо погрешно ни во тоа да се знаат вештини на самоодбрана, мислам, сериозно, зошто на некој би му штетело да знае да се одбрани од било каква неповолна ситуација во која не дај боже може да се најде?
Се согласувам и со твоето напишано но, не мислев на моментот од девојчиња да правиме сумо-борачи туку во одредена ситуација како да се извлечат. Зошто јас лично сум имала ситуација која среќа не заврши така како што планирал типот па после таа ситуација почнав да се интересирам за вештини на самоодбрана. Еве баш како што пиша @Angie1432
Не е проблемот само во тоа што 'постојат', проблемот е што имаме култура на стигматизирање на сексуалното насилство, и проблем со обвинување на жртвите, и прогледување низ прсти на сексуалните престапници. Дури и 'најголемите стручњаци' во државава, во одделот за Сексуални и крвни деликти, немаат основни познавања за комуникациа со жртвите и ги минимизираат и рационализираат нападите, и замисли... им предлагаат на жртвите да не подигнуваат пријави, оти 'било многу комплициран и долг процес'. Мислам... еј..!? И ова го знам од прва рака, не од рекла-казала
Скроз истото го напишав со други зборови. А за вториот дел не ме чуди, кај нас има плус проблем во нефункционалноста на органите кои треба да бидат надлежни да ја спроведат казната.Тоа е уствари најбитно и примарно, да има систем кој ќе им овозможи правда на жртвите.Ако тоа постои, што ќе мисли Петко ќе биде помалку битно.
И да дополнам. Се согласувам дека треба да внимаваме, ама тоа за да се заштитиме од случајни предатори, што како што веќе реков, е најретка појава.... и 'џабе' е, кога најголем број од предаторите ни се практично 'дома' и ги знаеме.. не во некоја темна уличка
Леле бре луѓе, девојката побара совет/помош дали да отиде на одмор, со некој што не го познава доволно, ама колку што читнав се виделе еднаш или двапати. Тоа не е доволно да се отиде на одмор со некого. Овде темата ептен отиде во друга насока, со силувања, како девојките требало да бидат облекувани, за да не бидат манијачани од лудаци, убиства....Од секој може да се очекува тоа, многу девојки од блиски роднини или другари биле силувани, него од непознат дечко, кој може има добра намера со нејзе. Може сака добро да ја запознае да види дали му одговара или не, дека ретко се гледаат, не мора да значи дека страшно ќе се деси. Ама сепак мое е уште малку да почека, нека пишува со него, уште два/трипати нека се видат, да разговараат, па понатаму ќе видат како и што... Ептен отиде темата во друг правец..
Кога се дебатира, темите често се расплинуваат, и си понесуваат правец во зависност од поединечните постови и коментари. Посебно ваквите, кои не се концизно за една појава/проблематика
Во ред, ама девојката ја снема никаде од како почнаа со ваквите ставови, едноставно се уплаши... Барем еден совет да и дадеше, освен една до две што и пишаа и толку... Не е окк тоа..
Па тоа е работава на Фемина. Кога е за карање ќе се караме. Кога е за совети делење ќе се советуваме. Кога е за убаво ќе се частиме ќе се фалиме "браво убаво така требаше да постапиш". Кога е за лошо ќе се тешиме. Кога е за дебатирање ќе се дебатира.
@*Amethyst* Витали е член кој мислам дека отприлика сите знаеме какви размислувања има за доста чувствителни теми и мал милион пати му е посочувано да не коментира на истите, особено бидејќи евидентно е дека нема намера да се едуцира во врска со нив. Точно е дека никаде директно не пиша дека силувањето е океј, но од горниве цитати ќе забележиш двојна виктимизација на жртвата што директно насочува кон тоа дека проблемот е жртвата а не силувачот што е на многу нивоа погрешно. На исти вакви коментари ќе наидеш под било која објава на фб каде пишува дека девојче било нападнато од манијаци или силувано. Еден куп Виталовци имаме во државава и време е за истите да престанеме да бараме изговори што и како мислеле кога кажале дека треба да се внимава на облекувањето. А насилникот каде е во целиов муабет? Страници и страници се испишуваат за тоа како жртвата требала да се однесува, а манијакот никој не го чепка. „Таков си е тој“, „секогаш имало и ќе има манијаци“, „болен е“, „не можеме да направиме ништо“ се само дел од причините зошто никој нема да пријави ништо и ќе си го носи товарот цел живот молчејќи. Фокусирајте се на тоа како да се намали бројот на лудациве, а не како да создадеме кодекс на облекување со кој ќе бидеме безбедни. И за ова не можам да се согласам. Зарем не е доволен стрес и траума (обид за) силување, па уште треба и да станеме убијци?! Не знам за други, но јас не би можела да живеам со тоа да убијам некој. Дури и да е во самоодбрана, мислам дека после тоа би се збогувала со здравиот разум.
Силувачи слободно си шетаат, независно дали се познати или непознати. Чак да ги посматраш , еве да речеме на социјални мрежи, ти се чини златници од уста им паѓаат. Смешан, забаван. Тешко на девојчињата, бројни жртви што никоја не смогнала снага да пријави, што од страв дека ќе биде " обележана" што од она дека нема да и веруваат или дека уште полошо ќе биде. Уште некој да им пее " шо мислеше, шо мислеше..." Ми се гади со кои сподоби дишев ист воздух.
Јас за себе можам да си кажам, недај боже да имам таква ситуација, нема да му ја мислам многу како и на кој начин ке се одбранам, јас ке преживеам со пресуда за убиство ама не знам како би преживеала со тоа некој да се изживува на мое тело.
