Тирамису

Discussion in 'Рецепти' started by Annath, Jun 17, 2012.

  1. Annath

    Annath Форумски идол

    Joined:
    Jan 9, 2010
    Messages:
    23,882
    Likes Received:
    203,034
    Gender:
    Female
    Се мислев дали да отворам нова тема, или да пишам во веќе постоечката тема за торти што не се печат. Ама, сепак овој специјалитет заслужува посебна тема, па тука може да си разменуваме рецепти, бидејќи на интернет сретнав доста различни начини на правење на тирамису, па да видиме кој е најдобар.

    Јас направив во петокот вечерта (имавме гости вчера, па морав нешто брзо, лесно, вкусно и освежително да направам, за да го јадат сите :lol: ), и вообичаено си го направив по проверен рецепт, овој на Фемина порталот што е, со мали прилагодувања. Ќе го пишам рецептот и тука, да не лутате многу :)

    Тирамису

    Потребно е:
    500 г сирење маскарпоне (го има во сите поголеми маркети, како крем сирење е пакувано, го произведува З'брегов, ама имало некоја продавница во Буњаковец што продавала италијански сирења, па може и таму го има, ама не сум проверила)
    400 г пишкоти
    4 јајца
    100г шеќер во прав
    250 мл еспресо
    2 лажици коњак или амарето или рум
    ванила екстракт
    какао
    (желатин ако сакате да биде како колач, инаку е потечен и нема форма, се јаде со лажица)

    Се делат жолчките и белките од јајцето. Се матат посебно жолчките со шеќерот, им се додава маскарпонето и белките изматени во цврст шлаг. Се става и ванила екстракт.
    Ако сакате да биде како колач, се раствора ќесичка желатин во ладна вода, малку се загрева ама да не врие, само убаво да се раствори. Оладен се додава во кремот.
    Се меша кафето со ликерот и во него се натопуваат пишкотите. Се редат во подлабок правоаголен сад, еден или два реда пишкоти (по желба, јас ставам еден ред), па крем, па пак пишкоти и на крај крем. Се посипува со какао во прав (со какао може да се посипе откако ќе се стврдне, пред да се сече за служење).
    Се остава во фрижидер барем 24 часа да се стврдне убаво.

    Еве и слика:
     

    Attached Files:

  2. julie77

    julie77 Форумски идол

    Joined:
    Feb 2, 2010
    Messages:
    5,566
    Likes Received:
    20,074
    Леле Ана, како ми се пријаде сега :tmi: Од порано се мислам да го правам и се одложувам, а омилен десерт ми е. Кога конечно ќе го направам, се фалам. :wasntme:
     
  3. Peppermint

    Peppermint Популарен член

    Joined:
    Jan 17, 2011
    Messages:
    868
    Likes Received:
    13,217
    Gender:
    Female
    Јас жолчките ги матам на пареа, што знам некако ми е став да правам десерти со термички необработени јајца. Белките не ги употребувам, а наместо тоа матам цврсто 2 шлаг креми од ванила кои ги соединувам со маскарпонето и жолчките. Шлаг - кремата малку ми го неутрализира сирестиот вкус на маскарпонето на З'брегов. Најдобро маскарпоне ми е она на Carrefour што е пакувано по 250мг.

    Моментот со желатинот. Јас не ставам и затоа никогаш не можам да добијам совршено исечени парчиња како на Annath. Но, кога го спремам за дома не ми пречи, а за гости го правам посебно во мали садчиња.

    Еве најдов една слика од новогодишното
     

    Attached Files:

    Annath likes this.
  4. Annath

    Annath Форумски идол

    Joined:
    Jan 9, 2010
    Messages:
    23,882
    Likes Received:
    203,034
    Gender:
    Female
    Јас првпат ставив желатин во тирамисуто, за да ми се сече убаво, инаку го служам во садови за сладолед, со лажиче. Ама реков ќе пробам со желатинот да ми излезе баш како колач. Супер беше, ама искрено, поубав ми е кога е потечен. Сирестиот вкус на маскарпонето го неутрализирам со екстрактот од ванила, па баш и не мириса толку на сирење. Мене лично не ми пречи тој вкус. Инаку, немам видено маскарпоне на Carrefour тука.

    Што се однесува до јајцата, можеби наредниот пат ќе пробам со матење на пареа, во секој случај, кремот ќе биде поубав, повоздушест, ако ништо друго. А за белките, па подобро е готов шлаг, поцврст е. И белките се матат цврсто, ама проблемот е што нема во нив шеќер, па шлагот се пушта брзо.

    Инаку, имам уште еден рецепт, за оние на кои не им се чека 24 часа, или пак кога ви се најавиле гости.

    Брзо тирамису

    Потребно е:
    250 г маскарпоне
    50 мл слатко вино (шери)
    250 мл слатка павлака
    2 лажици шеќер
    готови кори за торта
    100 мл свежо варено еспресо
    рендано црно чоколадо или какао (по желба)

    Маскарпонето се мати со виното и шеќерот, а една-две лажици вино се додаваат во кафето. Посебно се мати слатката павлака, па се мати со сирењето. Корите се сечат на коцки и се прелеваат со кафето измешано со вино. Во длабоки чинивчиња за сладолед се реди прво од корите, па кремот, па чоколадо/какао. Ако има место, може уште еден слој кори, крем, чоколадо.

    Немам слика, одамна не сум го правела вака, ама вкусно е, макар што не ми е баш по вкус како она првото што го ставив. Во секој случај, одличен и лесен десерт.


    Јас уште си барам на интернет рецепти за идеално тирамису... следен ми е рецептот на Бади Валастро, познатиот Cake Boss. Па ќе видам ако излезе нешто добро, ќе пишам.
     
    do-re-mi, nikolija2 and Peppermint like this.
  5. ocila

    ocila Истакнат член

    Joined:
    Apr 20, 2012
    Messages:
    5,513
    Likes Received:
    1,900
    Овааа е најубаво нешто што сум го пробала(мислам за тираминсу)за него има повеке рецепти но јас дома го имам овој италијанскиот кога лани зимото бев еден италијански готвач во хотелот ни стана пријател беше многу фин и добар и ни даде цела книга со италијански јадења..........
     
  6. butterfly33

    butterfly33 Популарен член

    Joined:
    Feb 18, 2012
    Messages:
    1,252
    Likes Received:
    1,100
    Обожавам тирамису, ама никогаш не сум направила дома. Ми се пријаде сега :$
     
  7. Katalonka

    Katalonka Активен член

    Joined:
    Oct 17, 2012
    Messages:
    19
    Likes Received:
    13
    Преубав десерт,еден од омилените :inlove:




    Ми се пријаде :angel:
     
  8. AnaMKD

    AnaMKD Истакнат член

    Joined:
    Dec 2, 2009
    Messages:
    183
    Likes Received:
    115
    Која цена е маскарпонето?
     
  9. Biodevojka

    Biodevojka Популарен член

    Joined:
    Feb 1, 2015
    Messages:
    3,362
    Likes Received:
    7,085
    Gender:
    Female
    Здраво еве го мојот тирамису од фстак. Обожавам тирамису, особено оваа варијанта која ми е нешто прекрасно.

    upload_2017-8-24_17-35-12.jpeg

    Состојки за две порции (овие на сликава)

    100 гр. маскарпоне
    200 мл. хопла
    150 гр. крем од фстак
    бисквити за тирамису (онолку колку е потребно за садот)
    кафе или какао сварено за да ги потопувате бисквитите
    сецкани фстаци

    Најнапред подготвувам кафе или какао и оставам да се олади.

    Во еден сад го ставам маскарпонето и хоплата (кои треба да бидат ладни од фрижидер) и матам со миксер околу 3 до 4 мин. додека да се направи крем смеса. Потоа го додавам кремот од фстаци и продолжувам да мешам со лажица, додека се убаво да се спои.

    Бисквитите ги макам во течноста од кафе и ги редам во тегличката. Ги покривам со кремот кој го подготвив. Потоа пак ред потопени бисквити (овојпат од обратна страна не исто наредени како претходните), па пак од кремот.

    Ставам иситнети фстаци одозгора и тоа е сѐ...прекрасен тирамису од фстаци.
    За повеќе тирамису, секако зголемете ги дозите.

    Поздрав.
     
    Annath, hermosa, joy1 and 1 other person like this.
  10. Fernanda7

    Fernanda7 Нов член

    Joined:
    May 9, 2018
    Messages:
    5
    Likes Received:
    3
    Gender:
    Male
    Дали некој знае рецепт за тирамису , мм го обожавам кога и да ми се јади купувам ама домашно најубаво си е.Па ако знаете би сакала да ми напишете некој ваш рецепт за ова прекрасно италијанско колаче.
     
  11. Miss666

    Miss666 Популарен член

    Joined:
    Jul 24, 2011
    Messages:
    1,520
    Likes Received:
    4,629
    Gender:
    Female
    Крем за тирамису да не знаете кај има по маркетиве и дал воопшто има?
     
  12. Tajnaotrovna

    Tajnaotrovna Форумски идол

    Joined:
    Jul 30, 2011
    Messages:
    3,145
    Likes Received:
    33,889
    Gender:
    Female
    Го правев според првиот рецепт од @Annath и одлично ми излезе.
    Со крем маскарпоне од мегле го направив, желатин не ставив, густината беше супер и одлично се сечеше.
    Слика нема, брзо се изеде.:lol: И да наредниот ден беше повкусно, поубаво е откако ќе отстои.
     
    mal.ecka and Annath like this.
  13. Havana!

    Havana! Истакнат член

    Joined:
    Jul 3, 2019
    Messages:
    28
    Likes Received:
    96
    Gender:
    Female