Риниа Дуе во чаршија... 20 денари парче. Се наоѓа од страна на факултетот за ликовни уметности, 3-4 дуќани погоре. Многу слатки има за 10 денари, а превкусни се!
Карамел има на зелено пазарче во продавничките кај што се продаваат семиња, (брусница, ореви лешници и сл.), тие трите споените. Мислам дека е 200 денари кило , на мерење е. А убаво трилече јадев од Специјал , и од Рамстор во трговски, мада мислем дека тоа е истото од Специјал. Пробав да го направам дома и имав проблем со размачкување на карамелот, бидејќи не ми се впи целосно горниот дел од млекото. Карамелот ми дојде како промешан со млеко. Мислам дека приината е слатката павлака која треба целата да дојде во долниот дел, а јас ја поделив на пола (како што беше и рецптот). Инаку пред да го нанесете карамелот треба да го размешате со малку вода.
Најдоброто трилече во Скопје е во Ресторант Кораби кој што се наоѓа во Ѓорче, и истиот има отворено на ул. Цветан Димов пред старата маалска фурна
Се сложувам со ова! Дефинитивно во риниа имаат најубаво трилече,ама и најубаво толумби А да не ве лаже господ да пробате кајмачина,поодвратно нешто немам пробано
До сега направив еден обид за правење трилече, ама можеби испадна нешто трето Тестото го направив што го направив, го одлепив и извадив од тавата, внатре сипав хопла и го ставив тестото. Откако ја впи хоплата одозгоре сипав млеко, но во него додадов цимет и малку кафе за капучино, дека нели требало три видови на млеко, од кои едното да биде во прав. Ама утка направив што одозгора го посипав со претходно направен пудинг од карамел, кој и не ми испадна баш благ а и не одговараше со тортата. Подобро ќе беше да направев сама карамел со шеќер и млеко, но немав никогаш правено карамел па не се ни обидов. Малку му наоѓаа мани, ама тестото полно со млеко беше вкусно и се изеде целото "трилече" Сега сум на идеја за нов обид за уште повкусно трилече. И јас го имам пробано тоа од специјал во Рамстор во ГТЦ што е, убаво е, ама моето иако не личеше баш на трилече, беше поубаво, бидејќи го направив со домашни јајца и тазе млеко.
Епа јас ставив капучино во прав, ама тоа и не е толку битно. Кога ќе се наполни тестото со млеко и хопла, мммм преубаво е, па уште ако е и со тазе млеко а не она од тетрапак. Нема некоја посебна улога млекото во прав, барем јас така мислам, битно тестото да е помеко и убаво да ги упие состојките. Дали ова значи дека морам да правам трилече во најскоро време? Даааа, само да поминат постиве, нема смисла неделава да правам мрсни работи.
Ние кога го правевме дома воопшто не ставивме млеко во прав туку,обично млеко тетрапак,хопла и од млекото во лименка (грчко,концентрирано со висока масленост се продава во Веро). Инаку карамел се продава скоро во сите поголеми маркети,во пластична кантичка од пола кило.Не е тврд туку баш онака течен,така да не е проблем да се нанесе и размачка убаво.
И јас да ви пишам рецепт за трилече кој го правам редовно и секогаш преубаво испаѓа Значи вака: - За тесто : 12 јајца, 300 грама шекер, 380 грама брашно, 1 пециво (ова е за цела мера од која излагаат 30 парчиња и се пече во поголем плех. За помала торта од сите состојки упола и во помало тепсивче). - За прелив: 1 литар +300грама алпско млеко, 1 литар хопла (за цела мера). Јас ги турам во поголем сад заедно и прво половина турам во тепсивчето па го ставам печеното тесто и другата половина ја прелевам одозгора. И на крај секако карамел
Трилече, нешто преубаво... Ова ми е едно од најубавите слатки што ги имам пробано Да не бидам офф топик- Според мене, многу убаво трилече има во Рамстор (40 ден.) и во Палма
Тортата е преубава морате сите задолжително да ја пробате . Не знам дали врз парчето торта ставате млеко, но преубаво е.
леле, баш интересно ми е дека ваков десерт станал популарен во Македонија, јас го немам пробано но претпоставувам дека карамелот што го кажувате дека се продава готов е тоа што во Русија го викаат „вареннаја сгушонка“ , мене исто ми е омилена блага работа, и се чудев како на некој не му текне кај нас да прави и продава или барем увезува . Во Русија обично се продава во конзерви, а исто има конзерви со неварена сгушонка, тоа е всушност кондензирано млеко, и може да ја вариш конзервата (без отворање) во тенџере со вода неколку саати (5-6), и ќе се добие варена сгушенка Само ако снема вода а не приметиш може да бидат последиците катастрофални А па во Аргентина карамелот се вика дулче ди лече, и е како бренд на цела држава сите сувенири и десерти за туристи им се со тоа Омилени рецепти со ваков карамел ми се руските орешки и аргентинските alfajores Сега едвај чекам да си дојдам дома да видам каков е карамелот, а некогаш и ќе го пробам рецептот со пандишпан, досега немам таква комбинација јадено.. На здравје на сите
(Вчера го правев и стварно испадна многу убаво, денес им однесов на колешките од работа сите го бендисаа Трилече 10 јајца 10 лажици брашно 10 лажици шеќер 1 пециво 1 ванила 1кг млеко (јас ставам Алпско) 500 мл хопла (од онаа во плаво-зелено паковање... стандардна) 150 мл млеко за кафе со поголема масленост (го има во Кам) сите овие состојки се загреваат (не многу врели ) Карамел (од Ким) -Се матат белките со шеќерот и им се додаваат изматените жолчки, брашното и прашокот за пециво. -Се меша со лажица нежно да е се уништи пената од белките. -Се тура во плех од оние помалине (од калорекс) подмачкан со масло и попрашен со брашно се пече 20 минути на 180 степени. -Откако ќе се олади тестото се вади од плехот, се тура пола од загреаната течност во плехот па се враќа тестото, се сече на коцки и се дотура преостанатата течност. -Се премачкува со карамел.
Sakam da go pravam desertov ama eden pleh e mn golem a drugiot mal(za pecejne) sakav da prasam da zgolemam od smesava pr:6jajca da dodadam uste 2 ke bide dobro ili nema da ispadne ubavo kako po mera sto e?
