Во последно време навистина сум изненадена од младите (и надежни) таленти кои почнаа наголемо да ја „окупираат“ нашата закржлавена музичка сцена. Funk Shui е дефинитивно еден од оние наши бендови кои секој треба да ги знае, па редно е да отвориме тема и да видиме кој сè (ќе) ги слуша. Во ера на секаков шунд, редно е да им се даде малку внимание на вакви појави. Станува збор за домашен бенд, кој постои некои 7-8 години и успева мошне умешно да искомбинира различни ритмови во призвук на алтернативни жанрови, а за себе велат дека се „другари што свират музика без жанр“. Низ годините што поминале, имаат изградено некој солиден репертоар преточен во два студиски албуми: „Етер“ (2012) „R.E.M“ (2015) Еве едно интервју од пред некоја година, чисто колку да не пишувам предолги описи и истории за тоа кои се, што се и како се. Пред некој ден извадија нова песна со видео запис - „Крик“, па тоа воедно и ме поттикна да ја отворам темата, за да позборуваме малку за бендот и нивната музика, а со тоа и да прокоментираме за случувањата на музичката ни сцена. Мислам дека Funk Shui имаат голем потенцијал, ми се допаѓа тоа што секогаш пробуваат нешто ново и ми звучат на некоја неверојатна спојка од Radiohead + Oasis + малку од гранџот на Pearl Jam. Омилени од нив ми се „Стаклени нозе“: текст, мелодија, ритам - песната ме освои на прво слушање. И „Огледала“: Ги слушате ли Funk Shui? Зошто да, или зошто не? Пишете што мислите за нив, да свртиме некој муабет.
Случајно пред неколку месеци на радио ги слушнав и така се заинтересирав, фронтменот е многу симпатичен дечко со специфичен дебел глас, имаат слободен дух и движења што особено ми се допаѓа. Најмногу им ги сакам Крик, Виулица, Сомнежи Секоја чест за момциве
Добар бенд кој нуди некоја алтернатива на македонската сцена. Последните песни им се прав погодок, вриштат од квалитет. Крик беше интро за истоимената емисија што одеше на 24 едно време. Емисија за млади. Доста кул беше. Не знам дали и кога планираат втора сезона. Сепак, не верувам дека со оваа музика можат да постигнат некој по комерцијален успех кај нас ако не го сменат звукот, нешто како Eye Cue што направија. Освен Стаклени Нозе која ми е дефинитивно најомилена, би ја додал и оваа, која случајно сте пропуштиле да ја спомнете. Гледам објавиле live видеа од МКЦ. Сега имам мерак да им отидам на некоја свирка.
Имаат нова песна! Стаклени Нозе оставија големи очекувања, па изненадија со Грла Јарци, и лани ова време Крик многу ми направи мерак. Сега вадат нова песна, ко што читам најава за цел нов албум, ако се и другите песна како Метеори, нека го вадат албумот побрзо! https://taa.mk/kultura/muzika/slushnete-ja-novata-pesna-na-funk-shui-meteori
супер се funk shui! често имаат сложени текстови што се тешки за разбирање доколку не се знае инспирацијата за песната, но убавото е што секој може да направи своја интерпретација на концерти секогаш прават предобра атмосфера квалитетен бенд од повеќе аспекти...стаклени нозе, грла јарци, огледала, архетип... немам една омилена песна, туку цел склоп
