Цвеќе

Ова ми личи на "Дрво на љубовта". Стебленцето му е меко така? Дали веќе ти цветало? Викаат дека после цветање пропаѓале.

 

Дали некоја има и знае азалеја како се негува ?

Лани ја добив на подарок, беше супер, а сега е како суво дрвце Почнаа да стануваат кафени ливчињата. паѓаат и не знам што да правам за да ја спасам.

 

Здраво девојки дали некој знае каде да го има ова цвеќе низ Македонија? Се вика Липтос или живи камења
https://www.google.com/search?q=lip...hUKEwjw-Lvzo6PkAhVDbFAKHYz0AiwQ_AUoAXoECA4QAQ

 

Мислам ко еднаш да сум го видела на пазар во центар мислам претходното лето, многу се слатки, не знаев дека така се викаат и јас сакам да имам, ако налетам ќе ти пишам

 

Знае некој каде може да најдам мов за орхидеи? поспецифично sphagnum moss дека ја гледам таа ја препорачуваат за орхидеи

 

Како точно треба да се одржува орхидејата. На каква темперстура треба да се чува , дали на ладно или топло во поглед на тоа што веќе се почна со затоплување. На колку време треба да се наводнува?

 

Орхидеите се лесни за чување само треба да го разбереш растението и да стекнеш рутина. Орхидеите сакаат индиректна светлина, малце влажно дека се тропско растение. Phalaenopsis орхидеите се таман за почетник и се лесни за чување, мислам дека нема ни некоја друга врста на орхидеи кај нас да се продава. Се чуваат во проѕирна саксија со повеќе дупки околу дното и може од околу бидејќи ќе влегува воздух и нема да седи во вода. Се садат во кора од дрво, барај кора за орхидеи по расадници и бриколаж, они растат така што се прикачуваат за дрвото и поради тоа обична почва за цвеќиња ќе ги убие. За наводенување имаш два начини:
1. „Туширање“
2. обично наводенување
туширањето се прави отприлика на 2 недели, кога целата кора е исушена, ја зимаш сосе саксијата и ја ставаш во некоја малце поголема кофичка или декоративната саксија кај што се чува доколку нема никакви дупки за да ја држи водата. Ја полниш проѕирната саксија со вода и оставаш да си се „кисне“ околу 30 минути, после 15 минути и може повеќе ја оставаш вишок водата да се исцеди и после ја враќаш назад орхидеата на своето место.
Обично наводенување е ја ставаш под чешма цела саксија да со наводени што е можно повеќе се дур не почне да тече водата и после ја оставаш 15 минути да се исцеди
Полесен начин за кога треба да се наводенуваат е да видиш така “по око“ колку е тешка одма после наводенување орхидеата и кога е целосно исушена кората, потешка ќе е после наводенување и полесна е пред наводенување т.е. кога е исушена кората. Според тоа можеш да се водиш дали треба да се наводени или не.
Многу битно е да не се наводенува орхидеата премногу бидејќи тогаш ќе има root rot, ќе скапе коренот и нема од што да се исхранува доколку нема многу воздушни корења. Ако се случи до тоа, одма се вади од саксијата, се сечат тие корења што се меки на допир и пожолтени и се сади назад во нова сува кора после 2-3 дена ја наводенуваш и се надеваш дека ќе преживее.
Бидејќи се тропско растение тие сакаат влага и можеш неделно да распрскуваш вода околу орхидеите бидејќи нејќат вода да се насобира во средината, од кај што излегуваат листовите и стеблото, ќе настане crown rot, или со навлажнувач на воздух близу нив да го уклучиш.
Исто така недело со мокра микрофибер крпа да поминуваш по нивните листови да собереш прашината и да ги освежиш е добра опција, понекогаш баш со тоа и се “оживуваат“, позелени и цврсти им се листовите. Никако да се прска доа или да се пребришуваат цветовите, ќе изумрат одма цветовите.
Тие што се сметаат за поискусни и по-експерти со орхидеи ги садат во кора и сфагнум мов, мовта помага да се задржи водата подолго, но орхидеите можат сосема да растат без проблем и без таа мов, не е некој услов за да чуваш орхидеи.
Phaleneopsis орхидеите секоја година растат ново стебленце со цвеќиња и на крај на нивната сезона на растење им паѓа, доколку е силно и полно со енергија од каква нега му даваш знае повеќе од двапати да се расцветува, листовите природно им паѓаат. Кога ќе им заврши сезоната на растење можеш слободно да го исечеш стебленцето.
Прихранување:
Кога е сезона на растење се препорачува на секои две недели, а кога е вон сезона на растење еднаш месечно ако не и помалце. Некаде имам читано да се прехрануваат со 20-20-20 или 10-10-10 прихранувач но не се разбирам во хемија до толку за да знам кое што точно значи и зошто, стандардните за орхидеи би требало да се таман, не користам баш многу јас лично па затоа не би знаела.
Орхидеата има и воздушни и подземни корења, ако не може да се исхранува доволно од кората на дрвото, прима вода преку воздушните корења.
Пресадување:
Се препорачува еднаш на една или две години да се пресадува, особено после 2 години бидејќи почвата од која се исхрануваат со текот на времето станува со кисела рН вредност и им штети. Воздушните корења остануваат надвор на воздухот, а подземните доле под земјата, не смее да се мешаат.
Подземните орхидеи знаат и да потемнат но сосема да се здрави, мислам дека можеше да му помогнеш со слаб црн чај да ги наводениш бидејки црниот чај им помага некако, точно како заборавив, памтам беше нешто со некоја киселина што ја имаше чајот. Исто така можеш мислам и со хидроген да ги осветлиш, ама не би знаела самата точно.

 

@angela.kostova Хидриген е за дезинфекција на корењата најчесто пред пресадување се прска и се остава да се исуши.

@PoisonGirl Од ѓубрива имаш специјални за орхидеи. И ставај секогаш помалку од пропишаната доза.

Препорака за наводнување - со потопување и тоа 1 прст минимум под работ на саксијата, за да не навлезе вода во круната.
За следно наводнување ќе гледаш бојата на корените кога е сребрено-сивкаста, значи време е за наводнување.
Јас моите ги наводнувам со претходно одстоена вода.

А да, како прихрана често се користи зелен чај или чај од врба. Само да не е многу концентриран. Моите ги имам само со чај од врба третирано.

И подалеку од парно.

@angela.kostova има и Дендрубиум во Бриколаж. Имам една засега таква, нова ми е, па ќе видам колку време ќе ме дружи.

 

Јас имам мн кактуси,нивни љубител сум .Најдобро е да се пресадат напролет,сега можеш само ако сакаш да ги ставиш со се старата саксија во нова украсна.А инаку кога ги пресадувам најздола ставам крупни камчиња па малку поситни па мешано песок со хумус.Така ме учеше еден човек што ми го даде првиот кактус.А за да ти цветаат мал совет.Напролет по малку во водтата за полевање ставај им и чај од лушпи од орев.(неколку лушпи од орев да зовријат во вода и така да одстои да се излади па процеди ја и чувај си ја) Ставав одкутура за да ти кажам колку на колку со вода размер.Јас одкога почнав така да правм ми процветаа како луди.

 

Имам пробано и не забележав нешто посебно.

 

Дали се продаваат сега кактуси?
Имам мерак за кактус, мн се убави кога цветаат
Доколку се продаваат и ако ги има повеке видови кој би ми предложиле да го земам
@bebaa видов дека си по кактусите

 

Има за продажба во секое време п цвекарите,а на пазар се певтини ама дали има сега незнам.Искрено ни имиња не им знам така од око си ги бирам

 

Ми излезе флаер од кам на фб,имаат кактуси и др сукуленти.

 

Здраво девојки цвеќево си го купив вчера од бриколаж одамна го меркам и си земав си го подарив сама на себе имам три месечна керкичка која бара љубов и внимание а исто и цвеќево го бара истото имам време и за двете, читав барало влага дали би било ок да стои врз аквариумот сега му е пижуштен грејачот и нонстоп се влажни стаклата, е само нз дали да го пресадам во поголема саксија има 4 оделни корења и сите имаат убави млади мали лифчиња несакам да ги делам сакам да е густо, ма да сега мирува цвеќево барем така пишуваше можеби поарно да не го чепкам....
Сака ли прихрана некаква и во каква земја се пресадува?

 

@Мецаа91
Спатифилум. Сака светло, ама да не ти биде директно на Сонце. Бриши му ги листовите од прашина. Прихрана ставај квасец растворен во вода на 2 недели.

 

Колку квасец на колку вода?
Може ли од сувиот?
И по колку да ставам?

 

@Мецаа91
Во оние од павлака раствори го со млака вода, колку собираат тие околу 1 литар вода. По 3-4 лажици не е страшно и повеќе да ставиш. Можеш и на други цвеќиња ако имаш да им ставиш, за да го искористиш.