Кала, моето омилено цвеќе, баба ми има засадено во градината кај неа. Дома на терасата имам неколку саксии и ружи, лалиња, љубичици во дворот. Многу сакам цвеќиња, бели, црвени ружи.
cveke kako cveke mi e ubavo samo vo priroda, doma voopsto ne sakam cvekinja, nitu sakam cveke i buketi na podarok...
Предложете ми некое собно цвеќе кое не бара многу светлина, онака светла е собата, ама немам услови одма до прозор да стои.
Единствено цвеќе кое имам дома е дрво живота (драцена). Не сум по цвеќе, другите кои захтеваат повеќе грижа би увенале покрај мене Ама ово го имам еве веќе неколку години, беше мало кога го добив, веќе на неколку пати само го пресадував и тоа се шири и расте, не му треба многу светлина, не му треба многу вода - кога се сетам на него, или поминам и видам дека земја е сува веќе
ја би ти го предложил ова, кај мене стои во ќош и го бесам на конец од таваницата. супер си расте не бара многу нега, лесно се размножува и го прочистува воздухот. Scindapsus aures Уште едно со слични карактеристики плус генерира кислород и навечер Sansevieria trifasciata
Има некоја дрво на животот? Моево удри в таван веќе, ке мора да го сечам. Знам дека се мачка со восок пресечениот дел за од страни да се разграни и дека врвот можам да го пресадам. Ај некоја совет ако знае нешто повеќе. Вака некако сакам да испадни
Мини, слободно исечи го и стави му на „раната“ восок за не ги губи соковите. Ќе си пушти изданоци (најчесто два) неколку см. под врвот. А штом е толку високо како што кажуваш, исечениот дел можеш да го поделиш на два-три дела, повисоки-пониски, стави ги во вода, претходно скини ги долните листови за да не скапуваат во водата, и кога ќе пуштат жилички пресади ги во саксија. Еве ти една идеја, мене ова супер ми изгледа:
Здраво на сите. Денес ми е годишнина, на интернет најдов еден вид на роза се вика Osiris Rose. Па направив овде профил да ве прашам вас дамите дали знаете каде би можел да ја најдам оваа роза во Скопје. Еве слика од розата
Имам драцена, на земјата во која е насадена се појави нешто бело одозгора како мувла можеби, незнам како да опишам, и од неа излегуваат мали мушички. Земјата е купечка и во таа саксија веќе година и нешто е. Инаку цвеќето вака здраво ми делува. Лани ставав прихрана во вид на минерални стапчиња од Валентин па да не е од тоа нешто, но и на другите цвеќиња ставав па кај нив многу малку се појавува, кај ова стварно целата земја е прекриена со тоа белото и плус мушичките Знае ли некој зошто е така и дали може да се оштети цвеќето?
Извади го површинскиот дел од земјата, и не му ставај многу често вода. И мувлата и мушичките се појавуваат од прекумерна влага во земјата, а од вишок вода може да ти скапе цело . Самите мушички мислам дека не се штетни за растението. Само внимателно со водата. Поздрав
Ја извадив цела земја, скроз. Беше влажна. Инаку вода ставам еднаш неделно, сега не му ставам дур скроз не се исуши земјата
Во станот имам неколку саксиски цвеќиња, затоа што куќа без цвеќиња некако празно и малку безживотно ми делува. А на тераса имам жардињери со зимзелени дрвца, зимзелени тревки и шимширчиња изаранжирани со ползавици и сезонски цветни цвеќиња. Сакам цвеќиња многу и во секоја можна прилика сакам да си имам и букетче некое со сезонско цвеќе.
Обожавам цвеќиња. Дома имам 10-15 саκсии од κои најомилено ми е κалата. Си ја чувам со посебна љубов па ми цвета и зимо и лето, нема смρт за неа Сега летно вρеме ги селам на таρаса па дома ми е пρазно без нив и κај и да одам си земам по неκое чепче ново да си насадам, мм ме зафρκава биљаρκа сум била А да, освен цвеќенца си чувам и лимон во саκсија
Здраво девојки, мислам дека ова што ќе го напишам е баш за овде како тема. Станува збор за летната нега на цвеќињата на тераса. Можеби многумина од вас веќе ги знаат овие работи и ги прават ама како што се вели човекот учи додека е жив. Се надевам ќе ви биде од корист. Растенија на терасите: 5 совети за правилна нега во лето Високите летни температури поминаа, или можеби не? Август штотуку почна и не знеме точно што не очекува. Во врелите сончеви летни денови, нашите билки на терасите имаат потреба од зголемена нега, грижа, внимание и пред се вода. Меѓутоа со неколку мали трикови, вашите прекрасни цвеќиња и билки на терасите не само што ќе ги преживеат високите температури, туку ќе бидат поубави од секогаш. Токму и целта на денешнава статија е таа да со вас споделам некои мали трикови кои за мене успешно делуваат и се однесуваат токму на летната нега на растенијата на нашите тераси. 1. Цвеќињата и билките на терасите летно време наводнувајте ги само навечер. Преку ден под дејство на високите температури водата брзо испарува и растенијата нема да може да ја добијат адекватната вода и нега, а и земјата во саксиите ќе ја најдеме сува. Доколку тоа се направи навечер, водата останува во почвата и тие рамномерно ја превземаат. 2. Наводнувањето на цвеќињата правете го секогаш од страничниот дел на саксијата. Никако не ставајте вода директно врз лисјата, цветовите или пак врз коренот на самата билка. Со самото излевање на водата на страната од саксијата овозможувате водата полека да стигне до корените на билката, без да предизвикате голем стрес за истата. 3. Ставајте вода секојдневно (во случајов секоја вечер) меѓутоа по малку. На тој начин ја оддржувате правилната хидратација на билките. Лично сум ставала и повеќе вода на два дена, а и по малку водичка секојдневно, и забележав дека овој вориов начин е многу поуспешен и дава подобри резултати. 4. Од време на време кога готвите зеленчук како тиквички, морков, спанаќ и др., водата од зеленчукот не ја фрлајте туку изладена додадете им ја на билките. Оваа вода и тоа како може да ги препороди билките. 5. Доколку гледате дека некоја билка почнува полека да умира, направете вода од коприва Потопете 250 гр. коприва со 2,5 литри вода, и оставете ја течноста на терасата покриена со една газа да отстои на сонце цел ден, а можете и повеќе денови за да биде поконцентрирана. По истекот на времето ќе добиете една зелена течност. Од оваа течност земете 100 мл. и растворете ја во литар вода, извадете ја билката од саксијата сосе земјата и коренот (доколку е мала билка) и намокрете ја во течноста од коприва неколку минути додека коренот да впие директно дел од течноста. Доколку станува збор за поголема билка, во тој случај ставете дел од течноста директно во саксијата од страничниот дел. Ова е одличен лек кој навистина може да ја спаси вашата билка доколку од било какви непознати причини почнала да се суши. За кратко време билката ќе стане како нова. За овој метод веќе ви говорев и во статијата како да ги оддалечиме паразитите од градината на следниов линк http://biodevojka.blogspot.com/2015/06/blog-post_9.html). Се надевам дека овие мали совети ви беа од корист и дека ќе се обидете да ги примените на вашите билки (ако досега веќе и не сте ги примениле). Благодарам за вниманието и до скоро читање. Вики
Дали некој можеби знае кој вид на цвеќе е ова? Неодамна имав прилика да го видам на сосема неочекувано место, и да бидам искрена, ми ја разубави глетката. Самото цвеќе е ниско и е погодно за во саксија и за чување во внатрешни услови. Има необично црно-виолетови 'детелинести' листови кои посебно се истакнуваат. Ако некој знае нешто повеќе, ве молам пишете ми, бидејќи обожавам мали цвеќиња, а ова совршено би ми се вклопило во соба
