Црна хроника

Колку и да е агресивно детето нема право да крене рака на него, не е нејзино.Не верувам дека ни излажало некое дете за такво нешто.Барем на на 5-6 години што знам.Мене дома да ми дојде дете потечено готови се.

 

Добро муабетиве со сскање, мене вака на дете, готово...
Значи умеат да лажат, иако се деца.
Не викам дека детето лаже, туку постои и таква веројатност.
Можда сам паднал се слупал, го искарала учителката и него му се видело најлесно така да каже, дете е и не ги разбира последиците од таквата лага.
Знаете колкава сила треба да примени учителката за да има оток?
Ако толку силно навистина удрила, онда е монструм.

 

Сама си ја напиша разликата помеѓу македонската и канадската домаќинка. Македонската е расист пред се оти само црнците зборат на сленг нели и многу трачерски настроена, а канадскава не се замара со малограѓански муабети зашто има живот. Штубаво ...

 

Да не испадне како со тој бебето што наводно му го замениле.
Па после вака било,онака било

 

Кој спомна расизам жити господ, кој кажа дека само црнци така се изразуваат?
Само кажав тоа што ми кажа другарката . Јас не реков во ниеден момент дека така се однесувала затоа што е црнкиња.
Важно не се однесувала нормално, според другарката.
Нека си го живее животот, кој и брани?Па како така вие што живеете живот, се замарате со останативе и ви е важно кој што коментирал и кој каков живот има, живејте го животот и не се замарајте за туѓи мислења и трачарења!
Ако планираш да тупиш за расизам имаш соодветна тема.
Пријатно, создравие!

 

И внукот на 6 години во градинка одеше.
Инаку @ilyan не знам колку години си но во мое време имаше и разлигавени и разбеснети деца. Јас не седев многу во градинка,но добро се сеќавам кога требаше сите да спиеме и јас не сакав да спијам и воспитувачката ми рече ќе ме треснела и јас од тогаш сум заспала. Не спиев многу,туку воопшто не бев изморена за спиење. Исто така се сеќавам дека едно дете доби труење со храна и ние сите прашавме каде е Александар и воспитувачката "А тој доби труење во болница е, на апарати."
Мислам тогаш деца сме биле,што разбиравме од болници и апарати ама сега тоа не треба да се кажува.

Јас верувам дека секоја од нас има по некоја траума од градинка. Исто така тогаш имаше пристапи кон друго дете,дружба и казнувања во ќошеви и чекор по чекор ќе се научи. Било кое агресивно дете може да научи да не биде такво,не со превоспитување ама постојат други опции кои не содржат насилство.

И секоја професија треба со љубов да се работи,деца се тоа не предмети.

 

Ова ако не е мојата учителка од времето (ако не е отидена во пензија, вампирка стара)Дефинитивно не е секој за воспитувач јас имам огромни трауми од градинка од дотичната особа - викање, цркање, мавање, кубење и све по список на најлош душман тоа не би посакалаСекој ден со плачење одев и се враќав од градинка, среќа па другата беше супер.
Една пријателка и била колешка на замена, абе до толку ниедна колешка не сакала да биде со неа во група, шта речи а не заплакати...а сега кога и да ја видам на улица ме застанува и муабет ми прави, секакви по светов не има

 

Јас на 6 години, во тоа време одев во школо(90 та сум родена) имаше разлигавени не велам не, ама во денешно време некои деца се ептен, секое трето дете е Леон мамичка, да не се лажеме , па родителиве или игнорираат или тантруми или темпераментно или не знам што.
Кај внукот дојде негово другарче се измоча позади тросед и се смее како кој знае што направил. И кажаа на мајка му, исто како да не и кажаа. Во школо им ја фрлал храната на дечињата во канта, некој родители едвај скрпуват крај со крај да обезбедат храна на децата и некое невоспитано да му го остави гладно детето? Учителката милион пати ја викнала на разговор, таа после тоа не ни го упозорува детето, епа таков е шо да му праам вика. Па и мене ми е жал за внукот да му го фрла јадењето и да седи гладен...
Колку што треба во градинка да се работи со нив, толку и дома, за се има начин, а апсолутно сум против ќотек!

 

Епа воспитувачката не може да се справи со него иако мајката е незаинтересирана. Денешното и нашето време не е исто. Денес и порано децата лажат.
Како што кажав самата воспитувачка треба да изнајде начин за пристап кон секое дете. Дете се измочало се измочало,твоето кога ќе се измоча дома "ништо не е ќе исчистиме", ќе се деси ќе се измоча и на др место и нема да каже. Дете е.
Не е тоа тоа. Малку психологија и практика. Баш како што кажа @CameliaMiller со начини и награди,да види,да сфати. А не да се отфрла,како да му е малку што е отфрлан од неговите.

 

Имаше и тоа како немирни деца во наше време, прв ден од училиште со плачење си заминав. Имаше и ќотек од учители, имаше и незаинтересирани воспитувачи во градинки. Брат ми цел ден со температура оставен, ко го зедовме 40 веќе крена, халуцинираше. Ни јаден, ни пиен.
Се имаше, ама немаше во јавност се објавено, уште по друг систем се работеше. Се казнуваше, корнеше за коса, стапчиња во рака и слично.

Ова ако е вистина, нема оправдување. И немирно, и агресивно, и какво и да е, има начин, шамар не е опција. И рака од шамар отечена на образ се познава, како што прочитав и по прегледот било утврдено.

 

Делам мислење со сите кои велите дека доколку воспитувачка крене рака на некое дете, па колку и да било агресивно и лошо, си заслужува казна. Единствен кој треба(?) да крене рака на детето е родителот и само родителот, иако прашање е колку го оправдувам ќотекот како воспитна мерка. Али ајде, од удирање по газот никој од нас немал психички последици во животот.

Али, како тоа сите деца си имаат фаза на касање, кубење, мавање? Аха, слободно тешете се дека детето е само хиперактивно. Невоспитано е, плус хиперактивно. Децата ќе имаат таква фаза ако родителите му дозволат да имаат. Зборувам за повозрасни деца, не бебиња.
Јас немав таква фаза, немаше ни брат ми. Доволно беше само да ме погледне мајка ми и веднаш да се повлечам. Да искорнам некого, да удрам, да навредам? Никогаш, во никој случај. Нема никакво оправдување за невоспитаноста која се повеќе ја гледам кај малите деца, само родителите се виновни тука и никој друг.

И капа им симнувам на оние воспитувачки кои можат да излезат на крај со такви деца, без психички да се пореметат. Затоа и не треба секого на таа позиција да го стават, најчувствителна е работата со деца.
Јас еве не би имала трпение. Не верувам дека би удрила во никој случај, али во себе нервен слом би доживеела.
Сеуште ми е преемногу рано за деца и некој би ми рекол не знаеш утре какви ќе деца ќе имаш. Али агресивни, безобразни и насилни деца не се раѓаат, така се " воспитуваат ".

 

Мајка ми никогаш не била насилен родител и ќотекот не бил мерка за воспитување.

А пак сум знаела како мала дека не смеам да помислам да удрам друго дете.
А не пак на учителка да се развикам или да се однесувам арогантно.

Вакви деца имало и во "наше" време.
Немало интернет.

Мене не би ми било сеедно Марко упорно и упорно и упорно да го каса, кубе, штипе моето дете. А јас да го учам моето да не тепа никого, Марко е "таков".

 

За да има оток лицето треба силен удар или удари. Децата на таа возраст се свесни и би кажале доколку дошло до такво нешто. Пред дa ја осудиме воспитувачката( сите би) теба да имаме и доказ за тоа , за да утре не испадне нешто друго. Насилството е казниво и треба да се одговара доколку настанот е навистина случен. Не верувам дека некој друг во случајов се другите деца во групата не виделе или пак слушнале нешто. Што значи лесно ќе се утврди дали детето е навистина истепно од воспитувачката.
Да кажам мое искуство, ние како деца и тоа поголеми јадевме редовно ќотек од класната по физичко. Имаше еден дрвен стап и тешко тој што ќе згрешеше нешто. Не смееше ни да се зборува на час по физичко или пак се сеќавам на класен час како другарка ми изеде - сендвич со две кришки леб ( дупли шамари значеа) затоа што сите игравме со топче од хартија и во целата таа бука не ја видовме наставничкатаo по ликовно. Хорор , значи. Да не кажувам залудачката по музичко каков психопат беше и како се дереше и навредуваше и единици пишеше само затоа што таа беше психички болна. Ние, сме различни и не сме преодредени сите за физичко или музичко како во случајот. Насилството и психичката тортура не сме ги заборавиле, ниту некој се потруди да го санкционира ваквото нечовечко однесување.
Недозволиво е, колку и да некој друг е крив, тепањето не е никаквамерка. Убаво пишалњ членкиве - ако детето е проблематично треба да се работи со него и од најмала возраст. Во западна Македонија во градинките буквално секој ден по една воспитувачка без договор при тоа оди и се приклучува во овој процес. Да ти е страв на кого дете доверуваш, најискрено.

 

Ако ова е вистина оваа е сигурно некоја застарена од мое време, тешко нас беше кога одевме та во градинка та во школо, и не шамареа, и коси ни кубеа а и со стапче де по раце де преку газ, тоа беше време и кога родителите оправдуваа такви казни врз децата. Мора да се разгледаат двете страни, да се прашаат и другите деца дали виделе што се случило,ако навистина го удрила треба кривично да одговара и под хитно да и се одземе дозволата за работа со деца. Колку треба да си луд да удриш дете и дури да има оток

 

Еве мене ме има удрено воспитувачка затоа што не сум сакала да јадам тоа што било за јадење тој ден.
Ме терала да јадам со сила додека не сум буквално повратила на масата, после ме натепала затоа што сум повратила, за само саат време покасно да ги викне моите да ме земат затоа што ми се слошило (сипаници сум фатила).
Никој не смее детето да ми го тепа. Како тоа ја извадило од такт? Ако се вади од такт нека си бара друга работа.
Тебе кога те извадат од такт клиенти од работа одиш да ги тепаш?

 

Ако не им се работи за мали пари нека си одат. Некој со кејф ќе ги замени. Никој не е незаменлив на работно место.

 

За настанот- Не била пронајдена вина кај воспитувачката,немало сведоци на настанот и родителите застанале во одбрана на воспитувачката.

http://24vesti.mk/roditelite-od-gradinkata-„kalinka“-vo-odbrana-na-vospituvachkata

 

Ајдее. Ем ја тужат ем и го носат детето ...

 

Тоа да се чудиш, детето уште во градинка да го носат кај истата воспитувачка. Како немало сведоци не знам? Другите деца од групата каде биле?