Црна хроника

Деновиве Неготино го ,,тресе,, нов скандал, кој повторно е поврзан со ученици, ама овојпат средношколци.
За да не пре-раскажувам, во спојлер е приказната, која е превземена од ,,Букефал,,

Spoiler: Неготински средношколци

Хотелите не сакаат веќе да работат со македонски групи за екскурзии, заради отсуство на елементарна култура!

Снежана Стојановиќ, тур оператор за Италија и Европа од A&A Group DMC, која што соработувала со туристичката агенција ,,Балкан турист’’, која се најде во центарот на вниманието со средношколците од Неготино, оставени во Италија, по писмен пат ја прекинала соработката со групи од Македонија. Како што е наведено во писмото, причината за тоа е големо невоспитување на средношколците, пишува Фокус.

Тони Ристовски, сопственикот на агенцијата ,,Балкан турист’’ го доставил писмото од Стојановиќ до Фокус.

-,,Здраво Тони Ти праќам фотографија од купатилото на собата 55 каде некој извршил нужда на подот. Од хотелот ме повикаа утринава и имавме еден долг разговор на тема образование односно необразование и невоспитување на личноста која го сторила тоа. Жената која ги чисти собите не сакала тоа да го избрише, бидејќи никој не е должен да избрише такво нешто освен личноста која го направила. Навистина сите се запрепастени од таквото некултурно и срамно однесување под секое ниво на елементарната култура. Не ми е јасно како вашите професори немаат никаков авторитет во однос на воспитувањето и однесувањето на нивните ученици. Сите хотели се жалеа на нивниот однос и однесување, односно дивеење по хотелите до раните утрински часови. Навистина не ми е јасно што правеа професорите? ПС Хотелите не сакаат повеќе да работат со македонски групи затоа што покажаа невоспитување. Мене ми е жал, но во иднина јас твоите групи од Македонија нема да ги примам. Не сакам да ја доведам во прашање мојата долгогодишна соработка со хотелите поради вашите групи кои се однесуваат во хотелите под секоја елементарна основна култура. Тоа што го сториле е навистина срамно – го пренесува Фокус писмото потпишано од Стојановиќ.

Средношколската екскурзија на учениците од трета година на СОУ ,,Свети Кирил и Методиј’, се одржала од 2 до 8 април. Двајца ученици биле оставени сами во Италија, затоа што не се појавиле во договореното време, а групата продолжила во Франција.

Екскурзијата на ученици од трета година од СОУ ,,Свети Кирил и Методиј’’, започнала и се одвивала според однапред договорениот план. Четири ноќевања и полупансион, посета на Венеција, Верона и Милано во Италија и посета на Ница, Кан и Монте Карло во Франција била понудата на туристичката агенција ,,Балкан Турист’’ од Кавадарци, чиј сопственик е Тони Ристовски, кој заедно со уште двајца претставници од агенцијата бил присутен на екскурзијата, а покрај нив децата ги придружувале и девет професори и еден лекар. Присутни биле 133 ученици, сместени биле во два хотели, а се патувало со три автобуси.

По враќањето од екскурзијата, родители на социјалните мрежи обелоденија дека се случил скандал, кога две деца биле оставени во хотелот во Италија, бидејќи доцнеле петнаесеттина минути, а целата група со професорите и средношколците без нив, со автобусите продолжила во Франција. Децата го минале целиот ден во Италија сами, а групата се вратила назад дури во вечерните часови. Нивната реакција веднаш беше пренесена од страна на повеќе медиуми во земјава, пренесува Фокус.

Се прашувам:
-Каде грешиме во воспитувањето на децата?

-Дали постапката е револт кон нешто сосема друго (алудирам на политичка конотација) или едноставно се должи на лошо домашно воспитување ?

-Треба ли да се воведат промени во образованието и да се воведуваат предмети како ,,општа култура и однесување,, ?

-Дали наставниците и родителите можат да влијаат врз средношколците ?

 

Тука има две работи. Прво, две деца биле оставени сами на себе во Италија. што е недозволиво, децата биле пратени под надзор во странска земја. Како можеле да ги остават?
Втората работа е ова со писмово кое тој од агенцијата самиот го однел во Фокус, откако учениците се жалеле на неговото однесување и дека ги навредувал. Сме биле сите на екскурзија, знаеме како е, не дека децата биле цвеќиња за мирисање, ама тоа што овој сам го однел писмото малку наведува дека сака со друга работа да го сврти вниманието од себе. Оставил деца сами во хотел, учениците се жалат и на други работи, ништо не било исполнето што било ветено.
Тука нешто мириса, не ќе да е само изметот на подот.

 

Мислам дека со писмото сака да се огради од ,,авантурите,, на учениците.

Оставил деца?!
Па тој е водич на патувањето и не е воопшто одговорен за бројот на децата !
Девет (9) професори биле на 133 деца, што значи дека еден професор е одговорен за 15 деца-средношколци, што е сосема оптимален број за да можеш да внимаваш на нив.Од каде одговорноста на водачот на групата ?!
Колку што знам, водичите се одговорни за текот на патувањето и за сместувањето во хотелот, како и за исполнувањето на сите однапред договорени тури, ама не и за тоа кое дете заспало и не стасало на доручек.

Во врска со подвлеченото...кои ,,други,, работи ?
Може линк ?

 

Прво што ми излезе кога пребарав за ученициве е дека имало оставени ученици, воопшто не ми излезе ова со писмото. Директорката и професорите се обврзани да се грижат за децата, точно, затоа и од неа се бара одговорност, но она што го прочитав вика, цитирам: "Но професорите не можеле да се спротивстават на сопственикот на туристичката агенција, инаку пријател на директорката на гимназијата, кој не сакал ни 10 минути да ги почекаат двајцата ученици." И наводно затоа ги оставиле.

Другите работи кои се наведени се:
Покрај овој скандал учениците коментираат дека се излажани за хотелското сместување кое било многу полошо од тоа за кое било платено. Тие престојувале во ладни простории, автобусите со кои патувале исто така немале греење, голем дел од програмата за која биле дадена пари не била остварена, а во Милано, на дожд, цели два часа биле оставени да смрзнуваат и гладуваат на улица.

Покрај тоа учениците се жалат од безобразниот и некоректен однос на сопственикот на агенцијата и возачите на автобусите. Родителите бараат директорката да поднесе целосна одговорност за настанот.

Истата приказна е пренесена на повеќе портали.
http://vesnik.com/life/srednoshkolc...a-direktorkata-si-ja-prodolzhila-ekskurzijata
Оттаму ми е и впечатокот за сопственикот на агенцијата дека сака да се покрие некако по целата лошо изведена екскурзија од негова страна.

 

Во последно време се соочуваме со невоспитани и разгалени деца , со кои ни сопствените родители неможат да се справат а не некој друг, па целата ситуација ме наведува да мислам дека се работи за тинејџерски каприц поради кој се случил целиов скандал.

Ако на екскурзијата биле 133 деца и ако 131 дете сфатило дека се доручкува во 8 и се трга на пат во друга држава во 9, тогаш треба навистина да се замислиме каков е менталниот склоп на двајцата ,,оставени,,

Сигурна сум дека и другата страна ќе даде изјава и демант.

Да не судиме слушајќи ја само едната страна.

 

Каков и да им е менталниот склоп како може да се остават во туѓа држава сами? Според пишаното не им ни кажале, отишле децава на паркинг и ги немало автобусите. Што не им рекла кога и се јавиле, нема доручек, тргаме одма.
Верувам дека вака преку портали не може да се знае што точно се случило, се пумпаат најчесто работите за кликови, како ова со писмово, шокирано, дрн дрн, тоа па не да е премногу...
Баш сега дека е актуелно тоа колку е невоспитана младината може и да се протнат вакви "вести". Ама знаеме и какви ни се агенциите од друга страна.

 

Не можам да сфатам зошто еден професор не останал да чека/бара децата.
Ај ако морале да одат, ај ако не сакале другите деца да го испуштат денот, ај ако не сакале да почекаат колективно...
Ама тие деца се одговорност на професорите.
Мора барем еден да останел таму.
Малолетни се, деца, со кој памет ги оставиле и си заминале.