Другарка ми е лаборант, ги помина речиси пола од лабораториите низ Скопје така да мене ова не ми е чудно. Уште пред неколку години кога работеше како сестра во една приватна гинеколошка ординација ми кажуваше дека докторот повремено води лажни бремености само за да им земе пари. Сега е лаборант и исто има кажувано дека повторно се сретнала со изманипулирани пациентки. Само не ми е јасно зошто не ги пријавуваат. После случајов ке видите како повеќе жени ќе се охрабрат да проговорат за ова.
Мора да се мн глупави пациенти да веруваат девет месеци дека се трудни а ни стомак им расте ни бебе им мрда
А како ги манипулираат дека се бремени?! Тест нели прават? Бебе нели мрда? Циклус имаат ли? Штознам. Многу наивна треба да сум за да вака да те мота.
Ќе те мота неколку месеци. Ами девет?! Шознам , или преголемата желба и очекувања направиле да верува. Не знам што да кажам навистина. Или голема наивност. Ама мешето каде е, бебе мрда ? Ајде останати симптоми да се немат.
@kukla21 @joy1 И јас се чудев ама мора да признаеме дека има секаков народ кој не е тешко да го изманипулираш. Има жени кои не се образовани па штом докторот и вика дека не е проблем ако добива циклус таа го прифаќа тоа. А сигурно и бираат каде можат да ја подметнат таа приказна, претпоставувам кај жени кои имаат нередовен циклус. Колку што се сеќавам што ми има кажувано другарка ми, бременостите не ги води до крај туку и кажува дека го изгубила детето после неколку месеци, други детали не знам и не би да навлегувам за да не зборам на памет и да шпекулирам. Ама дека се случува - да. Претпоставувам дека на ехо пушта веќе постоечка снимка од друга пациентка, а исто и со резултатите. Не знам навистина, страшно.
Можеби и овој доктор планирал после 2 или 3 месеци да изрежира спонтан или да ја убеди за киретажа, ама се заборавил па дошло време за раѓање Што нема да чуеш.
Вакви приказни во денешно време дури ми изгледаат неверојатни. Како да не верувам дека може да има толку наивни ,неинформирани жени во ова време... А и за постапката на докторот не знам што да речам освен дека се има во нашава ни чудесна земја,страв да те фати ...Се плашам дека во недостиг на доктори се повеќе необјасниви случаи ќе имаме.
И’ давал хормони, може циклусот да и’ изостанувал од тоа. Плус снимки од ехо, сигурно нешто ја лажел за мрдањето на бебето, а може и секој грч во стомакот да си го толкувала ко движење. Греота, во секој случај.
Доктор Николче Дамчевски, специјалист гинеколог−акушер кој студиите по медицина ги завршува во Софија 1997г. Специјализира на Универзитетската болница "Мајчин дом" во Софија под раководство на проф. Караѓозов. Член на Бугарската асоцијација по стерилитет и репродуктивно здравје, на бугарското друштво по Акушерство и Гинекологија. Член на ЕШРЕ. Член на здружението за хумана репродукција на Р.Србија. Сертифициран за оперативна лапароскопија од Проф. Х.Хошиаи - Јапонија, за колпоскопија од Проф. Караѓозов - Р. Бугарија, за хормонска терапија од Проф. Карл Џераси - САД. Сертификат од МЕДИСОН за 3д/4д од проф.Карим Калаш. Специјализација и стручен престој во областа на стерилитет и InVitro фертилизација реализирана во Швајцарија, Бугарија, Чешка и Словенија. Ученик на тимот кој го направи првото бебе во епрувета во Р.Бугарија само неколку години после Лујза Браун.
^Таа приказна ја продава само колку да си го врати угледот со нешто, и сепак мора да се брани некако нели? Каков експреримент, ова е болна работа. А впрочем и нема право на своја рака без ничија дозвола да врши експерименти на други. Се надевам ќе се санксионира од работа.
Една опција е да лажел дека е бремена и да и зема пари за прегледи а друга опција е да правел некакви експерименти без нејзино знаење. Ни првата, ни втората опција не се според законот. Е сега, тука има и трета страна, приказната на докторот. Ние без да погледнеме во целосната документација, не можеме да знаеме што уствари лежи зад оваа прикаска. Од една страна наводно излажана жена, од друга наводно невин доктор. Останува да се надеваме дека судот ќе постапи според правилата и виновникот ќе биде осуден. Знаеме и за доктори кои направиле грешка а после тоа се обидувале да си го зачуваат угледот, ама секакви луѓе има, па не можеме со сигурност да кажеме со сигурност дека они не лажат.
Лелее... Попатетично нешто не сум прочитала... Не знам ни дал е возможно воопшто... 9 месеци да те лажат? Мислам навистина ми е за неверување...
Колку жени ги "чистат" и им земаат пари ,па и глумат лудило демек 'еве услуга ти правам никој да не те разбере',а жената воопшто не е трудна. Тешко на трудните со приучени доктори.
Ова ко на TLC оние што не знаат дека се трудни до породување...Ги гледам понекогаш и се чудам. Има баш нормални жени, дури некои и со деца веќе родени. Мене ми е несфатливо. Денес 200пати излегов од дома. Одвај чекам детево да легне и фудбал на раат да глеам.
И кога мислиш дека се си слушнал за нашево здравство и дека го допрело дното, ќе те изненади друг случај. Што да кажам, за грев луѓето, голем психички удар за нив
