9-1-1 Серијава од одма ми се засвиѓа. Многу добра, сега има 2 сезона. Жанр: Драма Во серијата се разгледуваат искуствата од првиот притисок, вклучувајќи ги полициските службеници, пожарникарите и диспечерите, кои се впуштаат во најзастрашувачки, шокантни ситуации. Они се одговорни за итни случаи мора да се обидат да ги балансираат оние што се најранливи со решавање на проблемите во сопствениот живот. Шоуто се базира на искуствата од реалниот живот.
Од каде симнувате серии без да закачите илјадници вируси? Јас маки мачам, евентуално на попкорн ако ги има да ги гледам супер, ако не, не ни пробвам на друго место.
„Во серијата се разгледуваат искуствата од првиот притисок...“ Сериозно ? Од кој прв притисок? Те имам приметено како преведуваш синопсиси за филмови во тие теми. Сега гледам и нова тема имаш отворено со лошо преведен текст. Зошто не се потрудиш да си дадеш свое, сопствено мислење, кога веќе не можеш да преведеш оригинален текст? Стварно не ми е јасно. Тотално аматерски изгледа и невкусно за читање.
Касно е да едитирам. Заборавив да си го дадам мислењето на темава ))))) Ја обожавам серијата. Ја изглеав сезоната во еден здив и многу се поврзав со ликовите. Освежувачки ми делуваше. Едвај чекам да се појави втора сезона, баш сега да се потсетам уште колку време треба да чекам. Ја препорачувам, од проста прична што не се сведува све на „искуствата од првиот пртисок“ Сакам да кажам, не се вртат нештата само и единствено околу случките со 911 повиците. Има добро разработени приказни од приватните животи на ликовите. Токму тоа ми го задржа вниманието, па во комбинација со интересните повици за спасување - се добива одличен пакет!
Немаш многу за чекање, излезени се 2 епизоди од новата сезона. Јас може и сега ќе ги чекам да се соберат повеќе епизоди за да гледам, една по една малку ми е, брзо ми поминува. Лесна е серијата, брзо се гледа. На моменти смешна, на моменти тажна, но реална со добро разработени ликови.
И мене ми се допаѓа од истите причини, глумците се сите пријатни за гледање, а и ме потсеќа на Southland, која за мене беше најдобрата „полициска“ серија!
Интересна серија, и доста динамична. Динамиката ми е доста важна во серија. Дури како одма да ми почна новата сезона ама не се бунам, добро е тоа. Особено новата сезона ми се допаѓа зошто веќе се имам врзано со ликовите, а серијата прати уште ист шаблон и можам да ја доживеам целосно.
Не приметив дека волку брзо ќе почнат епизодите од втора сезона. Кул. Инаку, многу се нервирам што во втората сезона не глуми главната женска улога од претхоната Многу ми се свиѓаше... Читав, ама заборавив: Новата актерка го глуми истиот лик на актерката која си замина од шоуто, или ликот е нов?
Кони Бритон ја напуштила серијата зашто потпишала договор само на една година, а и од самиот почеток било планирано нејзиниот лик да се појави во една сезона, меѓутоа, Рајан Марфи не ја исклучува можноста актерката да се појави во некоја епизода како гостин. Новата актерка (Џенифер Лав Хјуит) игра нов лик, Меди Кендал, сестрата на Бак.
Ја почнав и јас, ама... некако ми е мех. Не знам дали станува подобра понатаму. Ме нервира оној што го глуми боб ли беше, главниот. Глумеше во The Catch и ми е некако несериозен актер, и тука е цело време како полунасмевнат. Ми се допаѓа полицајката само. Може ќе изгледам уште едната епизода за комплетен заклучок.
Гледај до крај. Ќе видиш понатаму што ќе се случува. И мене Боб ми беше антипатичен на почетокот ама после е срцка.
На почеток уште не се оформени целосно ликовите, покасно добиваат димензија. Мене лично ми се допаѓа многу, и многу често после серијава сум емоционално исцедена. Особено последната епизода ми остана во сеќавање, уште не можам да ја извам и не можам да ја дочекам следната за да ми олесни малку поќе. Буквално серијава почнав да ја гледам ради настаните, немав за сега таква во „колекцијата“, ама продолжив да гледам за ликовите и целокупната приказна. Ако случајно се предомислиш, кажи како ќе ти се допадни покасно.
Ќе и дадам шанса тогаш, фала ви. Знам дека обично првите епизоди се климави, ама дека за овој од порано имам такво мислење и одма ќе се откажував.
Само имај на ум ист формат ќе има серијата и понатака, само постепено ќе се откриваат и приватните животи на ликови повеќе и повеќе.
Јасно ми е дека така ќе тера. Само се надевам дека случаите се интересни, а исто така и животите на ликовите. Ми беше чудно што овој си го имаше земено камионот и со него беснееше, зарем така е дозволено? Видов дека после беше казнет, ама и не ми се верува да не е избркан од работа.
