Во кој ДМ маркет го има маслото од роза Алверде? Мислам дека @Avery го користи, па ако знае би ми била од помош ептен. Го користам и јас, но ми се потроши и никако не можам да го најдам после акцијата. Веќе минаа речиси две недели. Во ДМ во Веро, Градски ѕид и Капиштец го нема. Ќе појдам до вечер и до ДМ во Тафталиџе, не ми текна да проверам во ГТЦ.
@Mishela ако го најдеш некаде кажи ми како го нанесуваш маслово? на влажно лице? Ако ја земам на Др.Хаушка кремата викам да земам некое масло за навечер Само се надевам дека ќе ми одговара на масново лице
Мене како за чудо многу ми одговара. Ја купив целата колекција со дива роза (мојата професионална деформација „сè да ми биде истa колекција“ ) и откако ќе го исчистам лицето, го нанесувам маслото како ноќен третман/серум на благо навлажнета кожа. Пред да си легнам ставам од ноќната крема од истата колекција, но многу мала количина. Можеби помалку од зрно грашок, затоа што кога нанесувам поголема количина приметив дека наутро ми избива многу себум, целата Т-зона ми беше „облеана“ со себум. „Клучот“ кај масната кожа или Т-зона не најверојатно, туку сигурно е дозирањето. Внимавај на тоа и не би требало да имаш никаков проблем. П.С. Само пудрата ми остана „надвор од organic зоната“. И веројатно ќе остане единствен производ кој нема да го сменам никогаш. За жал, после толку утки и фрлени пари за глупости, дефинитивно останувам на Ревлон. Подобро нешто за моето лице не се најде. Ама за колекцијава со дива роза - десетка малку е.
@Mishela Благодарам, не е скапо па може да го пробам И да не ми се погоди ништо страшно. Во врска со органските пудри, јас овде во Грција имам и други опции открив една марка lily lolo се вика имаат фини нијанси на органска бб крема, па so bio etic , benecos (овие две ги спомнуваше биодевојка по блогот) лавера , но повеќето производи треба да ги порачувам на слепо, а не можам да пробам тестер така да воопшто не ми се ризикува ќе видам да земам ете од таа пудрата на Алверде со лажиче што е или па таа мат што пролетта ја земав , знам дека не можеме да очекуваме да ни вршат работа како останатите пудри на пазарот со хемија што се ,ама барем кога не сум мн време надвор или за секој ден за на работа можам да користам некоја со природен состав. Ќе видам што ќе направам наредниве денови што ќе земам па ќе следи update на темава
@Mishela случајно ја отворив темава, не ми стигна известување дека си ме означила. Последен пат го земав од Дм- Тафталиџе пред неколку месеци. Ако не ти е во близина, можам да проверам дали го има, па да ти кажам. @koritsaki вреди да го пробаш. И во право е Мишела, клучот е во дозирањето. Мене ми е идеално 2 капки, повеќе од тоа лицето не ми го впива или ми ја мрси т-зоната.
Не се сеќавам дали сум редактирала или не па затоа не стасало известување. Не е битно сепак, ти благодарам што ми одговори. Ќе проверам утре таму, последна надеж ми се Тафталиџе и Сити Мол. Никаде го нема, никако да го начекам. Ако го најдам ќе си земам повеќе штом бргу им се троши. Прв пат вака, обично секогаш зјаше од некаде по рафтовите.
Барем до сега, секогаш сум го наоѓала, баш ме изненади кога пиша дека е дефицитарно Изгледа сме претерале со фалењето по темите
Веројатно, на тоа и помислив. Рафтот (ДМ Веро-Џамбо) со колекцијата од дива роза беше видно осиромашен. Љубезниот дечко во Градски Ѕид ми рече денес дека после акцијата скроз се потрошиле и чекаат дополнување. Ќе проверувам и таму. Се надевам дека нема да го повлечат, само тоа ме плаши.
Жално е што најубавите работи на алверде им се limited edition јас како што не сум склона да менувам производи, особено за нега на тело, баш ми е криво..
Девојки ајде ве молам некоја да ми ги каже придобивките од маслото од дива роза? Не сум користела масла до сега, па се мислам дали да го купам.
Па најголема придобивка би била длабинската нега и хидратација на кожата, поготово во овој период од годината кога воздухот е поостар и кожата има потреба да се заштити од прекумерно сушење. Можеш да го нанесуваш на различни делови од лицето кои сметаш/чувствуваш дека ти се дехидрирани, а исто така со него можеш да ја негуваш кожата на вратот и деколтето. Јас лично го нанесувам во пределот под очите, како ноќен третман (по потреба и утрински, доколку состојбата на кожата го налага тоа). Една капка ми е доволна за целиот предел под двете очи, сè што е над тоа ми ја масти кожата многу. Имам комбинирана кожа, со изразено масна Т-зона. За целата површина од лицето (вклучувајќи ја и Т-зоната) нанесувам 1-2 капки кои убаво ги тријам меѓу прстите и го масирам целото лице. За вратот и деколтето е истата процедура. Како што преходно спомнав, најбитно е правилно да се дозира, а за тоа не би постоела некоја универзална дефиниција - секоја треба да си ја одреди совршената доза сама, според нејзините потреби.
Пудрата pure beauty да ја пофалам. Од аспект на нијанса ми се погоди многу повеќе од минералната во прав. Ја земав насветлата. Покривноста и е средна, помалку покривна од минералната, но да напоменам дека ја нанесувам со четка, па можеби поради тоа ми делува дека е помалку покривна, со сунѓерче би требало да се добие поголем покривен ефект. Лицето не ми светнува, баш добро матира, а ефектот на сувите делови на лицето исто така е одличен. Ја препорачувам за комбинирана кожа. Хајлајтерот на Алверде ми е омилениот во новава! Баш се израдував што конечно најдов хајлајтер што не "заслепува" од светкање. Идеално ми се вклопи на тенот, не ни очекував дека ќе има ефект каков што сакам и тоа природен Дава благо златест ефект, во малку помали дози е идеален и за преку ден, а малку повеќе за навечер. По тврда текстура има но да не ве плаши, доста е пигментиран и лесно се дозира, економичен е од тој аспект и кој знае колку долго ќе ми трае
На времето, поодамна имаше еден добар прајмер-коректор на Алверде. Одлично легнуваше пудрата врз него, плус го покриваше црвенилото нели ради зелената состојка. Цената му беше под 200 денари. Го видел ли некој пак и дали има некој друг добар прајмер од Алверде ? Гледам сте постирале некој во тубичка со безбојна структура.
Женски, препорака за покривна пудра која би ми ги измазнала порите? Имам комбинирано накај мрсно лице.
Презадоволна! ! Не очекував олкава покровност искрено. Лицето стакло. Во принцип за пудра сум секогаш Гош или Дебора ама овој пат од Алверде се изненадив. Малку ми е леплива при нанесување но затоа е тој состав нели ..
Здраво .. Едно кратко прашање.. Вие кои ја користите Алверде серум пудрата, како ја нанесувате? Пробав со сунѓерче, но премногу ми се двои пудрата, пробав и со прсти но не ми се допаѓа резултатот. Дали решението е со четка? Не преферирам, но доколку тоа е начинот ќе се обидам Фала однапред!
