Јас да бидам искрена не верувам во интроверти и екстроверти. Еве зошто. Иако ја препознавам важноста во тоа да се идентификуваш со нешто, морам да кажам дека културата околу овие поими за мене е доста токсична. Главно нешто што ми пречи е тоа што со вакви поделби се поддржува еднодимензионалност. Едноставно стојам на ставот дека човечките карактери не можат да се групираат, ни во хороскопски знаци, ни во 16 карактери, ни во куќи од Хари Потер итн. Едноставно секој од нас е прекомплексен и во различни ситуации различно се однесуваме. Во една ситуација јас и Петко може ќе постапиме исто, но во друга сосема спротивно, и покрај тоа што двајцата сме биле етикетирани ко ,,интроверти" на пример. И тоа е океј, бидејќи нечии избори и преференци зависат од милиони фактори, и ниедни две суштества не се исти. Целосно друга приказна се стереотипите поврзани со ова, јаооо, ми се крева коса на помислата. Интровертите демек затворени во соба со книгите по цел ден, а екстровертите наркомани со 40 илјади пријатели. Очигледно ни е на сите дека не е така нели, дури и на вас што активно се идентификувате со некоја од етикетите, знам дека не го мислите тоа. Ама сепак останува да стои онаа токсична позадина, дека или си ваков или си таков, како во постарите тинејџерски филмови - или nerd или jock. Не велам дека е така страшна поделбава фала богу, ама не ми е симпатична, баш од причина што повеќе сум да се промовира и поддржува бидувањето повеќе од едно нешто: и да сакаш да уживаш во длабоки работи, и да можеш убаво да си поминуваш во социјални ситуации и муабети со луѓе. А и во различни моменти од животот различно да се чувствуваш. Екстровертноста и интровертноста да не е константна работа, тоа би сакала јас. А и морам да кажам, она неприфаќање е обострано, не само кон интровертите. Обично екстровертите се восприемаат како плитки, површни, неинтелигентни, особено девојките. И тоа ми е ептен... мех. Уште еден вид начин да се генерализира, ко малку да ни беа. Што се однесува до мене, не би рекла дека сум ни едното ни другото, баш од причините погоре. Некои луѓе што ме знаат би кажале дека сум интроверт, некои на крај памет не би ме опишале така. Едноставно, различни ситуации, различно однесување. Сите сме повеќедимензионални карактери.
HoW dArE yOu! Ова да не прифаќаш, океј. Хороскоп - сите знајме дека е булшит. Морам со мали букви оти ќе ме обесат. АМА КУЌИ ОД ХАРИ ПОТЕР? Чекај Волдеморт ко ќе нападни.
Интроверт сум кога се работи за излегувања. У дискотека колку пати сум била се брои на една рака. Ич не ги сакам тие места, ме уморуваат и ми се бескорисни. На кафиња одам денски претежно и не многу често. И тоа ме изморува. Најспокојно ми е дома. Мразам луѓе шо се "кој нормален не сака да излегува, секој млад сака да иде у дискотека блабла". Сум пробала и со вакви да се конектирам, но брзо сум сфатила дека немам ништо заедничко со вакви. Најубаво ми оди дружба со интроверти. Е сега, порано бев интроверт и кога правев муабет со луѓе и кога се упознавав, ептен ми беше срам да зборам. Сега, немам таков проблем. За 2мин со некој можам муабети да праам ко да се знам 100г. Но, генерално за мене баш како што @Alishan30 кажа на почетокот, тие таквите со сите што можат да глумат пријатели, за мене се најголеми фејкери на свет. Избегнувам личности што се циле-миле со сите. Просто не им верувам. Ваљда ме примате и мене у групата интроверти
Морам да се надоврзам за хороскопот. Дневни/седмични/месечни ми се и мене булшит. Исто и карактеристики на целиот знак. Како што спомна @Lella карактерот на една личност е многу комплексен и ниту една личност не е идентична со друга 100%, а не пак огромен број на личности во цел свет да се точно какви што пишува таму. НО, од друга страна пак мислам дека сепак има нешто што е предвидено со самото раѓање, което не се гледа само од хороскопскиот знак, туку целосното читање на наталната карта (подзнак, останати планети каде се наоѓаат, позиција, куќи итн).
Екстраверзијата и интроверзијата се само особини од еден карактер, а не цел карактер. Една индивидуа е мнозинство од мал милион нешта, разни особини, манири, перцепции, итн, меѓу кои и екст. и интр. Посекако, останатите особини кои го градат заедно карактерот можат да натераат 2 персони со иста особина (како што е интроверзија) различно да постапат ставени во иста ситуација. Но не може да се негира дека постојат екст. и интр. само затоа што во сегашноста повеќе се користат овие термини за да се самоопишат луѓето. Језда, ми се чини дека доста често луѓето како да не ги капираат баш целосно поимиве и мешаат баби и жаби. Грубо кажано едните се поповлечени, другите поопуштени. Тие два термина помагаат да се опишат одредени ставови на луѓето. На пример, собери група рендом луѓе и дади им задача да се претстават. Кој ќе почне прв? Биди сигурна дека тоа нема да биде интроверт. Како ќе се претстават? Големи се шансите дека екстровертот ќе биде поопуштен, потечно и полесно ќе говори, додека интроверот ќе чека да биде последен, ќе му бараат да биде погласен бидејќи не можат да го слушнат и ќе гледа да биде што е можно пократок. Едноставно, пристапот кон нештата е различен.
Штом не се осеќаш 100% екстроверт или 100% интроверт,амбиверт си и готово. Ем не си дивјак,ем си претпазлив/а. Понекогаш подобро е да се најде златната средина.
Мислам дека секако никој не мисли дека има карактеристики само на интроверт или само на екстроверт. Не го доживувам идентификувањето со едната или другата група во негативна конотација. Не се согласувам ниту дека интровертите се попаметни, ниту дека екстровертите се плитки. Тоа можеби некоја меинстрим култура го наметнува, но во основа нема ништо такво во теоријата на Јунг. Впрочем, самата теорија зборува повеќе за тоа што е фокусот на индивидуата - внатрешниот свет (себе) или надворешниот свет. Теоријата исто наведува дека кај секој човек постојат интроверт и екстроверт, но едниот е повеќе или помалку доминантен. А во однос на нетолеранција меѓу двете условно кажано групи, јас лично не сум ја почувствувала.
Јас сум 60 % интроверт. Во основно и средно мирна тивка само со 3-4 другарки . На факс ми се зголеми кругот но во 5 семестар се изретчи . Повеќето колеги излегуваа на студенска журка ,јас никогаш но и покрај тоа во добри односи сме . Кога и да се видиме се поздравуваме. Баш се чудев и многу поразлично ми беше за 4 месеци менување средно и факс и луѓе. Се прашував дали и дрските соученици од средно за 4 месеци станаа пријатни за друштво. Имав среќа, за 360 степени поинакво друштво имав на факс. Иако на почеток едвај се вклопив. Не сакам дискотеки за мои 25 год само 2 пати да сум била во диско, не сакам одење по пабови . Само јас и дм или другарка шетање покрај езеро , седење во локал каде што има малку гужва , одење по дома, муабети без оговарање и измевање. Избегнувам луѓе пошо ми смета лицемерието , избирам да се дружам со 2 искрени него со 10 пријатели кои глумат. При запознавање нови пријатели со наметнато друштво заедно сум добар слушател за 1 час дали 20 реченици ќе кажам. А најубаво нешто ми е времето помината сама со себе. Кога сум слободна има моменти кога еден цел ден не излегувам од дома а на зима и со денови. За брзо се селам и свесна сум дека ќе бидам чудна за опшеството пошо низ запознавање со луѓето во тоа опшество често пати слушам од нив како се жалат дека немале друштво за дружба а сакале одење по дома без да се најават и имаат доста предрасуди за тоа.
Јас сум типичен интроверт. Зависи ако сум со блиски личности се однесувам и чувствувам многу поопуштено, но кога треба да се запознавам со нови личности, тоа ми е смрт.многу анксиозно се чувствувам. Но исто така и сум многу срамежлива личност и сметам дека тоа ми е голем недостаток.
За тебе е бесплатно зошто ни ја отвори темава и овозможи дискусијава Дури и може некој цантим поширок да го направам доколку сакаш И да се сложувам, со тебе за идеален/на викенд/вечер само би го додала ова
@INNERBEAUTY, ова навистина има голем радиус Мислам дека ќе ми биде доволно, освен во екстремни случаи, т. е. денови кога не сакам никого во близина. Но, тогаш избирам да си седам дома
Сликиве Порано си мислев што ќе речат луѓето ако кажам дека преферирам домашна или тивка атмосфера, отколку пијанчење со гужви до сабале, ама сега искрено ич не се замарам туку си терам како сакам. Таква сум и секогаш прво би одбрала книга/филм отколку гласна музика. Сакам да излегувам кога сум расположена, ама на тивко место на вечера/пијачка со мал круг на пријатели или во природа...Се друго ми е губење време и непотребни нервози Затоа си ја сакам есента и дождот Ме смирува и исполнува такво тивко време со тивок дожд. Ме нервираат луѓе кои не се разбираат од збор кога одбиваш покана и постојано те притискаат да излезеш, па затоа почнав да ги одбегнувам и максимално да ги игнорирам нивните повици. Без осет Се случува да посакам некогаш да лудувам во дискотека, ама после 2-3 месеци не ме барај на такви гласни места
Лела, please, сопствениот идентитет ми зависи од mbti personality types и buzzfeed quizzes кои ми кажуваат каков карактер сум (или каква салата). Spoiler Се согласувам tho, многу ми е тешко да си го сместам карактеров мој било каде затоа што навистина имаме многу левели и различни карактеристики.
Општеството нема добро мислење за интровертите,а истото ги создава со своето однесување. Во толку суров свет не треба да е чудно да посакуваш повеќе време за себе.
Кратко и јасно кажано. Не сакав да започнувам дискусија и стварам негативност во темава но ти го објасни совршено . И да темава не е напад на екстровертноста/екстровертите ниту пак се вели дека сите се исти.Ако можете негативноста/критиката да ја задржите за себе и ја оставите темава да биде наменета како што е и замислено како катче за интровертите и дискусија за секојдневни/животни проблематики како и хумор и шали на свој рачун that would be great.Еве за мир у кучи и баланс може да се отвори и тема extroverts united
Браво и од мене @nextredstyle Тоа сакав и јас да го појаснам на почетокот, кога ја отворив темата, но ете не ми текна. Темава нема цел да си споредува интровертите и екстроверите. Нема цел да докажува и покажува кој е подобар. Зашто нема подобри или полоши во случајов. Секој што го тврди спротивното има цел да се расправа, непотребно. Темава е катче, баш како што кажа @INNERBEAUTY. Хумор е добредојден, како што гледате и од мемињата што ги постираме
Мислам дека главата ќе ми експлодира од токсичен народ. Затоа сум решена да си посветам повеќе време на себе и на сопствените интереси. Раатот е непроценлив. И денес шетав по маркети,а после ќе си направам капучино и ќе уживам во мачешко друштво.
Јас кажав дека сум интроверт овде колку за информација ама сега почесто ќе се приклучувам на темава и така како што ги читам вашите пораки за работите кои ги прават интроверти се пронаоѓам 90% а тие 10 % се тоа дека сакам гласна музика, да се журкам и да се пијанам но во мали количини и тоа не е кај мене секојдневно како што е кај повеќето што едвај чекаат прилика за пијанчење. Јас едноставно обожавам мали забави со мало друштво каде пиењето алкохол е дозволено додека не осетам дека е доволно. Така јас самата си чувствувам на себе кога треба да прекинам со пиење, најчесто е после 2 чаши зависно од тоа што пијам. Општеството поточно оние кои не се интроверти кои се екстроверти често мислат дека е здодевно да се дружат со спротивна личност од нив. Односно на некој начин прават поделба на луѓето кои сакаат бучава, големо друштво и ред други работи и на луѓето кои се тивки, сакаат тивки простории, сакаат да живеат на тивко место, сакаат да си го пијат кафето во мир како наутро без некој да им зборува над глава, сакаат да си посветат максимално време на себе... И тоа е интроверт како мене. Јас ги сакам сите тие работи кои ги спомнав, обожавам да се средувам, пилинзи, маски за коса, за лице све тоа да си го правам со музика релаксирачка пуштена, доволно ми се блиските да се тука, можеби и мал круг другарки за да не се изолирам тотално од луѓе, да има со кого да кажам нешто. Не одам во гужви, не одам на забави каде што има гужви, и тоа што спомнав за пиењето најчесто гледам да нема многу луѓе на местото каде што би се журкала. Повеќе сакам да се собирам надвор на погодно време за седење некаде по тревите некаде каде што има убав поглед, во природа и лежејќи да ги гледам ѕвездите и месечината и така да ми доаѓаат фантазии во главата кои обожавам да ги кажувам кога има кој да слуша а немора нешто да каже за тоа. И немора ниту да сака да слуша. Доволно е само да слуша.
