Сте ги пробале ли производите на Нивеа, дали сте задоволни од нив и колку? Оваа компанија не ги тестира своите производи врз животни!!! Да споделиме мислења за познатиов бренд Јас баш сакам сега да си купам шампон за коса од Нивеа за мрсна коса, па ќе видиме како ќе се покаже..Инаку ја користам кремата за лице и супер е
Немој подобро не си купувај шампон од нивеа а посебно не за мрсна коса , косата ке ти биде мрсна уште на првиот ден.Јас така се зафркнав , за џабе 170 денари им се шампоните кога не им вредат ни за 50!
Единствен шампон кој ми одговарал од Нивеа е овој: и чудно ми е дури што косата ми ја прави просто прекрасна - сјајна, мазна, права, не ми ја мрси дополнително, што не беше случај со оној специјално наменет за мрсна коса. Уште го користам, а планирам да си земам и пена за коса кога ќе ми се потроши Тафтот. Каква пена би ми препорачале од Нивеа - имам права коса, а сакам така да ми биде благо кадрава со пената, како брановита. Морам да напоменам дека не ми успева со секоја пена, чудо е што со оваа моментално што ја имам како се витка малку од малку, баш таква каква што сакам. И едно питањце - имаат Нивеа лак за коса или ? Немам сретнато.
^ Мишела, Нивеа имаат лак за коса, прогуглај го како Nivea styling spray. Има различни видови во зависност колку зацврстува.
Јас веќе го купив, ај ќе видам како ќе се покаже. Се мислев помеѓу тој и Шаума за мрсна и го земав Нивеа, па ако не се покаже добро тогаш ќе го пробам од Шаума
Ја користев пената порано, а сега шампоните, ги обожавам , и мирис убав имаат и прекрасна ми ја прават косава
Би можеле ли да ми препорачате шампон од нивеа кој не ја мрси брзо косата, не предизвикува чешање на скалпот и има убав и пријатен мирис? Конкретно ме интересира тој против првут, дали некој го користел и дали е задоволен? Јас го користам моментално Head & Shoulders но страв ми е да го користам подолгорочно затоа што сметам дека е доста агресивен шампон па ме интересира дали вреди да се инвестира во шампон од Нивеа? Помош би ми била добродојдена
Препорачајте ми пена за коса од фирмава, која убаво ја прави косата брановидна до благо-локнеста. Имам права коса, ама со интервенции станува брановита до благо-навиткана. Тафт ми е при крај, па сега сакам да пробам со Нивеа.
Мишела јас ја имам Нивеа пената за виткана коса, и искрено не вреди ни 5 пари, може сепак зависи и до косата, но јас пак не би ја купила, косата ми ја направи наелектризирана и бушава, ниту ми ги оформи локните, ниту пак ми ги смири влакната кои стрчат не вреди за 200 ден
Не знам за другите, ама за мене Нивеата е чудо! Буквално се им е убаво, па затоа користам се од нив.Имам шампон еден плав за хидратација нешто така пишуваше,сега тој ми е при крај па си купив еден друг Diamond gloss за свиленкаста и мазна коса.Исто и гел за туширање имам и од него сум презадоволна! Ги имам користено повеќе ама сите се предобри! Дезодорансите им се исто супер.За лабелото не знам што да ви кажам-злато! Целосно ја измазнува устата.Така да за нивеа имам единстено пофални зборови и многу сум задоволна од нив, а од особено значење ми е тоа што како што кажа не ги тестираат производите врз животни!
Се согласувам! Шамноните не им се квалитетни.Косата едвај издржува да биде 'свежа' еден ден,а утредента е мн мрсна,како да не е миена 3 дена. Инаку задоволна сум само од антиперспирантите.
сум користела и шампони и гелови и дезодоранси и ич не сум задоволна,шампоните и се катастрофа,дезодорансите ич не држат после 2ч исто како да не сум ставала,едино што ми се свигаше беше розовиот гел за туширање но не го користам и него повеке се откажав од се од нивеа
Скоро па ништо не ми се допаѓа.Единствено сите продукти мирисаат убаво. Инаку не сум задоволна.Шампонот ми ја прави премногу мека косата,ми ја лепи за глава. Потоа млекото за тело е премногу мрсно што мислам дека на кожата и треба цела вечност да го впие, додека кремата па премногу ми ја суши кожата. А пак за дезедорансите да не зборувам,сите маици имаа бели ракави под мишка откако ќе ставев и повеќе ме потеше него што ја спречуваше некогашната непријатна миризба. Не сум задоволна ама ич. За џабе толку пари давав-демек NIVEA. Ама ајде да не делам толку критики,планирам да пробам некоја пена за коса,се надевам нема да ме разочара.
Јас искрено се сомневам во производите на Нивеа кај нас,мислам дека се фуш.Порано користев од шампоните,мислам дајмонд глос и за исправување на косата,мирисаа прекрасно а ефект само првиот ден,а после само мрсна спласната коса(затоа што се полни со хемикалии).Потоа од антипреспиранитите-средно жалосни-не држат,за млеко или лосион не сум пробала,само највеќе ми се допадна гело за туширање Хармони тајм-многу убав мирис што се задржува на кожата,а и ќе ја забравев Нивеа софт-многу добра крема за лице-ама за зима,а класичната Нивеа во сино пакување-никогаш повеќе во животот!
Nivea многу ја сакам. Производите за лице, лабелата, геловите за туширање, млеката за тело... Единствено не сум задоволна од производите за коса. Скоро сите шампони имаат светки, премногу ја мрсат и лепат косата и создаваат првут (перут). Тотален промашај.
пред да се омажам го користев шампонот нивеа дајмонд глосс преубаво ми мирисаше и мека ми ја правеше косата ама сега не го користам бидејќи золвата ме нервира што ми фаќа цело време од моите работи за коса, за тело и за лице а за ништо не дава ни 2 денари
И јас се согласувам за шампоните Нивеа. Еднаш го користев Nivea Straight за исправување на косата. Кога го рекламираа кажуваа дека после миење косата останува права. Немало потреба од пеглање. Тоа немаше никаква врска. Кога и да ја измиев косата, не ми се исправуваше.
Еднаш користев шампон од Нивеа за сува и оштетена коса .. и регенератор исто така. Добри беа, не приметив некоја голема разлика во однос со другите шампони..
