Македонските јавни фаци фацка си беше човеков нит пиев нит лумпував, нит ќефови си терав свои, (ок, многу си се сакам што сум таков крој -тука се пронајдов ) Aма мене ми беше ептен позитивно чоече. поготово со тие фацките дур ги правеше на микрофон, онака се соживуваше со песните негови и кошулите му беа најфенси, баш ми беше позитивен, кога и да го начекав на тв си пуштав да го слушам, интересно човече Hека му е лесна земјата, навистина пред се, многу млад, само 52 години Aјде барем ќе памтиме ние сме гоцевата раса RIP
Македонските јавни фаци RIP Гоце уште една ѕвезда згасна.... Почина актерот Илко Стефановски НУ Народен театар-Битола соопшти дека денеска почина актерот Илко Стефановски, роден во 1952 година во Битола. Илко Стефановски, основно и средно образование завршил во родниот град, а Факултетот драмски уметности, отсек актери го завршил во класата проф. Илија Џувалековски во 1976 во Скопје. Илко Стефановски е актер со богата актерска кариера остварена на домашната и сцена и во поширокиот театарски простор, еден од столбовите на својот матичен ансамбл, а може слободно да се каже и неодминлив за она што е евидентет квалитет во македонското актерско творештво, преку неговите гостувања во најразлични продукции. Во архивата на театарот, како и во меморијата на бројната публика ќе останат маестрално остварени рољи на Илко Стефановски во претаставите : „Свадбата на Мара“, „Пиреј“, „Лет во место“, „Време за пеење “,„ Бегалка“, „Југословенска антитеза“, „Патенталије и Тантелина“, „Вечерва Фалстаф“, „Хамлет“, „Сонот на летната ноќ“, „Чекајки го Годо“, „Пеш“, „Натемаго на филозофскиот факултет“ и многу други. Како актер блесна и со своите настапи во радио и телевизиски драми, драмски серии, уметнички програмии, информираат од битолскиот театар. Во 2003 г. Илко Стефановски ја врши и функцијата на Селектор на Драмската програма на најреномнираната летна уметничка манифестација во Македонија –„Охридско лето“, учествувајки и во проекти од неговата матична сцена. Добитник е и на престижната Републичка награда „11 октомври“. По повод смртта на актерот Илко Стефановски, НУ Народен театар-Битола утре во 10.00 часот ќе одржи комеморација. Погребот на Илко Стефановски ќе се изврши утре во 12.00 часот на гробиштата „Св.Недела“ во Битола. извор Сител RIP
Чоекот си беше закон. Му немаше рамен во забава каква што само тој знаеше да направи. Почивај во мир.
Нека почива во мир. Ќе признаам дека не поминало ниедна свадба на која сум присуствувала да не се пеат: Ах да беше стрела песнава,Ќе пијам ќе лумпувам и Свири мајсторе и да има невидена веселба,а и многу пати кога имаме приватни жирки со друштвото така потпијанети знаеме да ги пуштиме.
нека почива во мир и лесна нека му е земјата. ЌЕ ми недостасува в година на пиво фест секоја година правеше невидена забава. Искрено незнаев дека боледувал од рак...
Гоце Арнаудов ја заслужи сета почит, бидејќи во нашата куќа, како и во многу други македонски куќи, токму тој се слуша на секој празник Иако тоа не е мојата музика, не е мојот стил, ама никогаш не брзав да сменам канал кога ќе го чуев, нити некогаш промрчев што татко ми и во неделите знаеше да си го пушти Неговите песни, како и песните на Јонче Христовски и многу други имиња од нашава фолк естрада (не новокомпонирани турбофолкерски фаци), мене лично ми ја греат душата на празници, фамилијарни собири, слави, и тоа на начин на кој омилените мои рок бендови, џез или блуз музичари не го прават тоа. Ова е наше, и е дел од Македонија. Туку, Ах да беше стрела песнава, да ја пуштам право кај тебе и во срце да те погоди...... епа татко ми го погодуваше секој пат, а и мене, можеби сега не толку многу, но кога бев помала и те како... си пеев и јас Ама секој пат му се смеевме со татко ми за фацата што ја правеше додека пее. Нит знаеш дали плаче или се смее човечево Весело суштество. До крајот си пееше и покрај се’ http://www.youtube.com/watch?v=Mv7VsGuV ... re=related Утрово кога ја прочитав веста за смртта на актерот Илко Стефановски на Плус инфо, имаше и еден коментар што прилично ми се допадна, па ќе го постирам. Подобро и не може да се каже.
Не е битно дали некој го слушал, не го слушал, го следел во кариера не го следел.. Греота е за било кој на овие години да почине, сепак е млад човекот. И мора секад да е така за било што има некој да мрчи секогаш, а не мрчат дека не го сакаат туку за да се направат фраери.. демек јас сум различен од другите, јас сум кул, ваков таков.. И мене не ми е воопшто интересно да гледам една иста негова песна 3732723792 пати објавена, ама ако одлучиле луѓето да му одадат почит нека го направат тоа си имаат право. Башка има и опција игнор, немора да гледате постови од луѓе кои ги сметате за банални и досадни.. А тие што упрорно продолжуваат да мрчат ме интересира кој ним ќе им одаде чест кога ќе дојде времето
Човекот беше легенда ,толку позитивен беше и правеше толку добра атмосфера каде и да се појавеше ...жално многу што ваква судбина имал ,нека почива во мир
Spoiler Мене па тупење ми е 30 коментари за патичињата , фармерчињата и маичките на Џокси Почивај во мир Гоце. Човек кој никогаш не бил не забележан. Дали предизвикал смеа, радост, антипатија, симпатија, поглед - не битно. Предизвикал, тоа е важно. Јас лично многу ја сакам неговата - Дали чекаш стара мајчице. Секогаш кога ја слушам се растажувам и си ветувам дека мојата мајка нема никогаш да стои на “порта“ да ме чека.
Ехх, колку ми е жал за човекот. Замина уште една легенда. Се сеќавам кога пред многу години, пред повеќе од 10 години, мала бев тогаш, направи концерт во Домот на културата, каква атмфосфера направи просто неверојатно беше, ја размрда публиката. А, и не постои свадба во која не се свират неговите песни. Тоа се песни, песни за опивање, веселење, а не оние турбофолкерските. И не сфаќам како може некој да не го допре неговата смрт. Не верувам дека има некој што не знае барем една негова песна. Јас го почитувам него, отсекогаш сум го почитувала. Почивај во мир, легендо.
Мене прееска ме штрекна оваа страотна вест. Наеднаш ѕидот почна да ми се полни со негови песни и од некаде излезе и информацијата дека починал. А знам, неодамна читав дека го победил ракот, се радував премногу, ама за жал не било така. Го почитував Гоце, секогаш сум го почитувала, уште од дете. Како растев го сфаќав значењето на неговите песни, нивната длабочина- посебно на оние сериозните- како на пример “Песна за петте струмички студенти“ која не е можно да не ве наежи без разлика од кој град сте, или песната што ја постирала Скорпионка- “Штом ноќва помине“, или патриотската “ Што ќе остане од МАкедонија“, колку и да не го сакате, не можете да ја игнорирате силната емоција која што ја носи оваа песна. Да не набројувам, сите негови песни имаат голема вредност, тој не правеше музика за пари- тој живееше за музиката, уште од дете таа беше негова верна сопатничка. Можеби не беше совршен човек, сопруг, татко- но јас сум сигурна дека сите негови блиски знаеја колку голем човек имаат во својот род. Ќе останат уште долго да се пеат неговите песни- и тажните, а посебно оние веселите, неговата слава ќе биде вечна. Нека почива во мир. Мој поклон
Јас воопшто незнаев дека боледувал човекот е стварно греота не само дека тој ни е познат и сите го знаат туку греота за сите млади кои не напуштија,судбина.Нека почива во мир! Мислам дека гооолем број од населението неможевме да си замислиме празник,веселба без неговите песни... сочувство и до фамилијата...тешко е
Штета... Штета најпрвин како човек, дефинитивно ракот е најголемиот убиец на веков, ако нешто во животов сакам тогаш е за тоа да се пронајде лек и да не ми се крши срце секогаш кога ќе слушнам дека некој ја изгубил битката против него. 52 години не се ништо, премлад, штета навистина. Како музичар беше незаменлив во тој жанр на музика, ретко, речиси никогаш да поминало веселба и манифестација без негови песни. Човекот си ја сакаше својата работа, ја работеше со ќеф, од срце, а не комерцијално и за пари. Како и да е, постигна огромен успех, да знаеш дека твоите песни се свират на сите веселби за убави нешта, свадби, крштевки, матури не е мала работа. Македонија треба да е горда што имала ваков човек, дефинитивно. Нека почива во мир, и му благодарам за сето дело што го направил во животот. Постигна многу.
