Здраво девојки прашање крајов на месецов планирам патување со маж ми и 2 годишно дете дали сега кога ќе ги купан картите да платам плус за седиме сите заедно или автоматски ќе не следнат заедно ради детето ? Значи дали да доплатам плус околу 50 евра за да одберам седиште плус или автоматски дека имаме исто презиме и дете мало ќе сме заедно
Истото презиме нема врска. Во принцип еден родител би ставиле со детето. Било кој. Ова ако нема некоја измена. Последните месеци немам резервирано.
Да, детето секако ќе биде со еден од родителите, ама за да седите заедно и со сопругот ќе мора да си резервирате и платите седишта едно до друго. Ова е како што знам јас
Не треба да доплаќате 50 евра за карта, слободно купете ги така. Тебе и детето сигурно ќе ве стават заедно затоа што е мало, а за маж ти немај гајле, ќе се снајдете во авион. Штом ќе полета авионот, ако има некое слободно место до вас маж ти може веднаш да се премести. Дури и да е полн авионот, секогаш можете да го прашате тој што седи до вас да се замени со маж ти, луѓето секогаш имаат разбирање за семејства со мали деца и се преместуваат без проблем. Плус, ако е празен авионот можете сами да си се преместите не е проблем. Порано авиокомпаниите ги спојуваа сите тројца одеднаш, а сега намерно го разделуваат мажот само за да ви земат пари. Не фрлајте пари без врска, сигурно ќе се снајдете таму.
Морав да искоментирам зошто ова многу ми смета. Зошто луѓето да имаат разбирање за некој што не сака да плати? Пред еден месец патуваме со мм и зошто тој е висок секогаш купуваме седишта кои имаат повеќе простор и јас обично седам во средина а тој на крај зошто е покомотно. Ни се погоди жена која имала анксиозност и неможела да седи до прозорот па правеше сцена како ние сме требале да и дозволиме да седи на крајот. Еве објасни ми зошто јас која веќе платила за да седи до сопругот треба да има разбирање за неа? Сосема друга ситуација ама ако сакаш да седиш некаде или до некој па плати си бе брат. Драмите за место а не сакате да плаќате. Или плаќајте или прифатете што ви е дадено. И да, јас би си платила затоа што детето е две години и може да му треба дополнителна занимација. Па маж ми би ми бил од корист доколку е до мене.
Мешаш сосема различни работи. Јас зборувам за најобично, културно прашување за замена на стандардни седишта со иста вредност, или преместување на слободно место ако авионот е празен. Никој не рече дека мажот треба да седне на нечие скапо платено место со дополнителен простор за нозе или да прави сцени. Најобично прашување „дали сакате да се замениме“ не е драма, а тој што платил или едноставно не сака да се премести, секогаш има право да каже „не“ и готово, тука завршува сè. А за тоа дали мажот ќе ѝ помага околу детето тоа е веќе избор на мајката што праша дали да плати или не, јас само ѝ кажав какви се опциите во авион.
Не мешам работи, ако некој прашува дали ќе ги стават заедно, значи му е важно да седат заедно. Во Визар не ни пишува кој платил а кој не платил. Така да неможеш да знаеш дали некој платил или не. Ти и кажуваш да игра на картата солидарност, разбирање, сожалување... Јас кажувам дека луѓето го искористуваат ова само и само за да заштедат 50еур. Кои сигурно ги има кога веќе тргнала на патување.
Токму затоа што на Wizz Air не пишува кој платил, а кој добил седиште со автоматско распределување, затоа се прашува културно. Ако патникот платил и си го сака тоа место, едноставно ќе каже „не, извинете, си го платив местото“ и готово, никој со сила нема да го крене. Патувањето со двегодишно дете не е барање „сожалување“, туку реална ситуација каде што луѓето честопати самите со задоволство се преместуваат за да не седат до мало дете кое можеби ќе плаче или ќе немирствува цел лет. На крајот на краиштата, секој има право да си ги троши парите како што сака, некој сака да даде 50 евра за седиште, а некој тие 50 евра ќе ги потроши за играчки или ручек на самото патување. Нема потреба од глумење елита за 50 евра
Не, реалната ситуација е дека за глупави 50еур мајката ризикува 1) никој да не и отстапи место и 2) да и седи детето до некој манијак без надзор. Наместо да си го зачува мирот одбира тие 50еур да ги потроши на нешто друго освен за својата безбедност. Случајот не е глумење на елита, туку види ме како се снајдов.
Јас мислам дека никој не е должен да се премести од кај што е сместен, а со самото прашање вие уствари му правите непријатно на некого да ви каже дека не сака да се премести, и да ризикува да биде осудуван од сите околу него и да биде објавуван по портали. Ако ви е толку битно да седите до некого или на специфично седиште, платете си. Мене некој да ми дојде така , не би се преместила, ниту пак би барала некој да се премести заради мене.
Балканска работа е да не доаѓаш на време, да не резервираш на време, да не доплаќаш и да не чекаш ред, туку да се снајдеш, некој да ти се сожали или да се пикнеш меѓу ред. Се да се земе, никаков обзир да се нема. Менталитети на жртви насекаде, тоа е.
Е баш од тие причини летови од Скопје и за Скопје никогаш не се навреме. Секогаш некоја мора да се натега, Балканска работа... Баш на последниот лет ми се погоди ситуацијава, пред мене мајка со детенце а таткото некаде скроз позади. Детето почна да плаче, не можело да седи без таткото и морало двајцата да се со него. Дури и се расправаа со патници кои, нормално, не сакаа да се преместат. Очигледно 1000 и нешто денари им се побитни од детето или мислеа дека некој друг ќе се жртвува за нив. Никој не е должен да ви се сожалува ако детето плаче, затоа не слушајте вакви совети и не се доведувајте во непријатни ситуации за 30 евра.
Јас се имам преместено еднаш, и еднаш одбив да се преместам. Овие циркузи се дешаваат само на летови од Македонија, Србија, Бугарија и Косово, па веројатно и Албанија. Кај нас е излезено од контрола, никој не седи на свое место, односно малцинствата како албанците и ромите си прават што сакаат. Ем се гастарбејтери по светов со поголема плата од мојата, ем јас што сум платил треба да станувам - како па да не. Ни дете ни ништо не ме интересира, еден куп летови сум имал помеѓу две дестинации во западна/северна Европа, па ниту едно дете не цмиздрело, плачело и да има тантруми толку јако како нашиве овдека. Разбирам некое дете да има тегоби, па да го боли ушето, мешето, и да заплаче, ама нашиве тука деца рикаат како пред колење, и тоа им е дозволено само и само од родителите. Не гледам како Томас од 1.5 година, треба да се треска од земја како Шпетим од 1.5 година.
Не барам никој да се премести само прашав дали дека сме со дете би не ставиле заедно или ќе не двојат. Искрено прв пат ми е во авион малце сум изгубена колку треба порано да пристигна и какви се процедурите... одиме за Барселона
За прв лет најдобро да си платите за да бидете заедно, ем на вас ќе ви биде помирно, ем не знаете детето како ќе реагира првпат во авион
Претходните мислења во никој случај не беа против тебе, претпоставив дека првпат ќе летате со дете или воопшто и затоа ме изнервира советот што ти го даде членката бидејќи не е од помош туку може само полошо да ти направи ако одлучиш да ја послушаш.. Не е ништо страшно, 2 саати пред лет е доволно да сте таму.. Се надевам се ќе помине добро, убав помин
Wizzair е автобус што лета. Едино што сеуште летам со нив е дека се најевтини, инаку се друго е катастрофа. Не ги обвинувам ни вработените до душа, којзнае какви плати земаат и тие. Каснат летови, губат багажи, треба да се правдаш што носиш мала ташна со тебе на рамо за да го ставиш телефонот и пасошот. Никаде ми немат правено проблем за ташна освен кај овие. Еднаш ме тераа да плаќам за нормална ташна плус пари, демек многу место зафаќало. Не знам дали земаат некој процент од тоа или така им е кажано. Инаку overall scam company!
Генерално цените се ниски, па и оттаму скриените дополнителни трошоци. Ретки се случаите кога ВизЕр има поскапи билети од ЕрСрбија, Аустриан или Туркиш. Губењето багажи е до аеродромот, не до авиокомпанијата. Не ги бранам, само кажувам како реално стои ситуацијата. За 30/50 евра се лета, не знам дали треба да очекувате премиум услуга.
Од 2-14год се деца според визз ер и седиштата автоматски се до родителот, едниот. За тоа не се доплаќа. Другиот сигурно ќе седи на друго место ако не го избере и со тоа плати седиштето.
Како некој кој често лета, многу пати сум била со нив и до сега немам некое негативно искуство кое би го издвоила. За малечка ташна преку рамо никогаш не ми направиле проблем до сега. За каснење имало некаде по половина час па и час макс. ама тоа и не е страшно, се случувало и со други авиокомпании. Еднаш само ми се случи да доцни 3 часа ама бев некаде на шетање и навремено стигна порака па баш супер ми дојде плус време за уживање Реално, визер се супер ако шеташ а не си обврзан со датуми оти реално навистина ефтини летови се наоѓаат.
