Поради големиот интерес на граѓаните за подршка на „Манифестот на Македониумот“, организациониот одбор одлучи процесот на собирање на потписи од граѓаните и организациите да продолжи и во текот на следната недела. Покрај двата постоечки пункта за подршка кои се наоѓаат во Скопје, еден во Домот на АРМ, и еден во салата Борис Трајковски, од утре понеделник 14 ноември 2011 година, исти такви пунктови ќе бидат отворени во сите Домови и Центри на културата во сите градови во Република Македонија, и на тој начин со оваа дисперзија на сите граѓани на државата ќе им биде овозможено да земат учество во оваа иницијатива. Процесот на собирање потписи за подршка ќе трае до петок 18 ноември 2011 година, и тогаш ќе бидат презентирани и наредните чекори кои ќе бидат преземени, а во насока на запознавање на европските институции со ставот на граѓаните на Република Македонија. -Упатуваме благодарност до граѓаните и организациите за покажаното високо чувство на свест и одговорност и за масовната подршка, како и посебна благодарност до медиумите за вниманието и третирањето на темата и подршката на оваа сенародна и благородна иницијатива, се вели во соопштението на организациониот одбор за собирање потписи. Извор: весник Курир Дали вие го поддржувате, дали бевте да дадете потпис,и кое е вашето мислење за манифестот?
