Правопис

ChatGPT вели дека не треба едначење по звучност за ова, па е подкаст. Автори на речници и лектори велат дека треба едначење, па е поткаст.

 

Па тоа ме буни. Мистерија ми е зборов.

 

И мене, дека е релативно нов кај нас.
На нашиве форуми го пишувам како ќе ми дојде. За надвор ги слушам лекторите.

 

Tогаш треба и футбал (нели, football) наместо фудбал, доколку баталиме едначење по звучност и пишуваме подкаст.
Не е страшно ова, зависи како "ви легнува" повеќе. Мене подкаст ми изгледа поубаво понекогаш , ама мислам дека не би било правилно, освен ако не го прогласат за исклучок.

 

Морам овде да поправам оти ќе пукнам.
Си поигрува, а не се поигрува. Во последна минута пробав да редактирам кога видов што сум истипкала и одби.

 

Исто. Имам другарка што работи во Слободен Печат и пишува незнам и несакам. Коса ми се крева еве.

 

Јавајќи коњ или Јавајќи на коњ?

 

СтаНбен или стаМбен?

Според chatgpt правилно е „стамбено“.


Во речник:

 

Те лаже chatgpt, ти префрла на српски. Во македонскиот јазик правилно е станбен со н.

 

Не постои стамбено. Станбен.

 

По не знам кој пат ми се случува...

 

Убаво е да се советуваш со него ама не и слепо да му се верува. Можеби е подобро да го користиш дигиталниот речник и да провериш, оти четгпт во последно време какви глупости лупа да се изначудиш е.

 

Барав зборови кои ја содржат буквата ѕ или џ во средината на зборот. Јас му велам Ѕ тој ми покажува зборови кои ја содржат буквата З ама наместо З става Ѕ ,и не се разбравме. циркус

 

Правописот не е отровен и пак не го користат!

Чет-ботовите не се добар извор за македонски правопис. Можеш да му веруваш на дигиталниот речник, таму немам најдено грешка. Далеку посигурна опција ти е од gpt.

 

Го користев пред појавата на chatgpt. Сега ме мрзи да гуглам и проверувам.Зошто да губам 30 секунди, кога можам за 5 секунди да средам и да добијам погрешен одговор.

 

Ми треба една консултација, цел живот во мојата глава зборот суров е суров-лош, а сиров како незготвено,живо.

Ми треба точен факт на темата.

Дигитален речник ми го дава суров за живо (raw). Ама некако не ми иде.

 

Така е, како што е во речникот. Суров се употребува и за некој немилосрден и за нешто живо, необработено. Оттаму потекнува и зборот суровина.
Сиров мислам дека е србизам.

 

Ти благодарам

 

Може сиров да се користи во контекстот кој го спомна. Литературен македонски збор е.

 

Точно е суров и за raw. Како суровина.