Сакам да кажам...

Сакам да кажам дека вредностите се дел од идентитетот на човекот кој е траен и е еден од главните "градежни материјали". Сосем е океј да сакаме нашето дете да ги има нашите вредности, зошто за нас се тие најисправни.

Не, туѓите вредности не значи дека некој ги нема воопшто.
Да, треба да си го научите детето на почит кон туѓи мислења и вредности.
Не, само зошто нешто не се поклопува со твоите вредности не значи дека ти дава право за насилен, едностран конфликт налик на булинг.

Дури тогаш ќе сфатите дека "грешниот" начин на живот на "педерштаната" не те засега, не ти смета и не влијае на никој начин на тебе. Не го засега твоето дете, не му смета на твоето дете и не влијае на никој друг начин сем да го прави толерантно кон разлики и полно со љубов. Парадата на "гнасните искривени педеришта без морал" постои за да зборовите во наводници не мора да ги изусти уште еден чоек со намера да деградира некој зошто постои и е. Парадата мора да постои зошто е чекор напред кон еднаков социјален третман во едно општество на сите индивидуи со различни вредносни системи. И парадата не ми смета, не треба и да ти смета тебе зошто то е шо е, група на луѓе кои викаат дека се сакаат, дека заедно се посилни и дека ќе се борат до крај за тоа што им значи најмногу - љубов. Крај краева сите сакаме да бидиме сакани и да сакаме. На сите ни треба чувство на припадност и е злобно да се спречи. Злобно.
И можите да речите дека сте полни со љубов, ама кој да верва ако го фрлате првиот камен?

И да, треба да си горд ако си способен да се бориш кога сите околу тебе одат контра. Гордост е и за почит е.

​

Други работи за кои не треба да ти е гајле: абортус. Само зошто некој фрлил семе, не смеј и нема право да одлучи за телото на жената.
Макар и јас да би била про- живот, кое е моето право да го одлучам тоа за некој друг освен за себе? Како мене, како индивиуа, ме засегаат изборите на некој друг? Никако. Зошто тогаш јас да наметнам некој да мора да абортира под 15г пример. Или да не смеј да абортира после 6 недели, кога патем многу жени не ни знаат дека се трудни. Некоја со нередовен циклус ќе пропушти и рокот ако ѝ закасни.

Маж не смеј да има право да кажи како треба жена да живее со своето тело зошто неговите вредности се тоа што се, негови. Неговите вредности се применети во неговиот живот, моите вредности во мојот. Мене ми е гаден неговиот избор, него мојот ама двата имаме право на свој. Тоа е убото во животот кое го забораваме ради еректирано его.

Забрана за абортус не значи дека нема да има абортус. Забрана за абортус значи безживотни или трајно сакатени женски тела кои пробале да направат тоа што сакаат ама не можеле под безбедни услови.

​

Има уште. Друга работа за која не треба да ти е гајле е дали "дебелата свиња" носи тесни хеланки од кое му излегва салото. Зошто? Зошто неа му е убо и таа е самостојна, независна и здраво самокритична за да знај дека да -- нема гајле шо мисли некој кој не ја познава. Никогаш не ми било јасно, која е потребата да се коментира облека, дебелина и што уште не? Не сме доволно искомплексирани? Зошто едноставно кога некој е среќен со себе, не го остајме да биди среќен со себе? Љубовта кон себе е најважната љубов која постои и треба да се негува и секој кој се обидува да ве убеди во спротивното не го држете блиску до себе.

Ти си најбитен.
Ти си најважен.
Твојот живот вреди.

​

Пак вртам цел круг на почеток, кој со кој има секс темата. Шо мене ми е гајле дали некој не ги почитува моите вредности? Не ја сфаќам потребата која некој удира по другата жена, или другиот маж. Швалер/ ката не е причина за пропад на врска/ брак, партнерот е, недовербата, незадоволството и прикриените проблеми турнати под тепих надевајќи се дека нема да избијат.

​

Проституцијата е професија како и секоја друга, ни помалку, ни повеќе. Нејзина нелегалност не значи и нејзино непостоење. Само што, нејзино јавно постоење значи и поголема среденост и помалку преносливи болести.

Легална проституција не значи дека секој мора да фрла пари на тоа, туку тој што сака да оди да е безбеден, таа која работи - да е безбедна.

Често читам луѓе кои велат дека тие си "го продаваат телото за пари". Ама дури и тоа е индивидуално гледиште. Таа можи: 1) сака да "продава" тело за пари; 2) ужива и добива пари за свое хоби, како многу од нас.

Едноставно не можи да глумиме загрижени дур некој викаме "курва".

Заклучок:
Шо к*р како му е на некој дома?
Поентата ми беше сите си имаме свој живот и имаме право да го живеевме тој живот кој ни е даден. Сите имаме право на својот живот и никој друг нема право да се меша во туѓиот зошто:
1) туѓ живот не влијае на нашиот
2) наше влијание спречува туѓа среќа
3) сакајте се зошто љубовта е најбитна и нешто толку есенцијално не го кратете никому.

Останете ми поздравени и имајте пријатна вечер.​

 

Вервај, there's more where that came from само немам време да се доискажам. Вчера кога видов колку е саат си се искарав да скратам малку зошто сабајлево на испит треба да одам и да станам да повторам. И зато сега сум во некое ПМС расположение помешано со паника и по малку каење зошто не допишав.