Црна хроника

Покрај жртвите на физичко насилство, уште повеќе има и вакви:

 

И ова се решава со пријава во полиција, ама многу од жените се срамат да го направат тоа. Ако е пријавено во полиција и притоа ги објави сликите е како сам себе в нога да си пука, знае дека 100% ќе има последици за него. А ако не е известена полицијата може до недоглед да трае уценувањето.

 

Па од она што јас го истражував пред некоја година, сè e ова што кажуваш точно, со тоа што излезе дека најслабо стоиме со социјална поддршка за жртвите (сигурни куќи, советување итн.)
Од личен пример знам за маж што по пријава на насилство (еу земја) лежеше цели 24 часа во притвор, потоа му се судеше, затвор не доби, пари ненормални даде на жртвата.

Независно, трети сме во Европа од многу едноставна причина - фемицид како дело не е познат во секоја држава, на пример на Балканот ние и е Албанија имаме дело наречено "фемицид". Ниедна друга држава. По таа логика, статистички, во Србија, БиХ, Хрватска итн. фемицид нема воопшто - а секако дека не е така.

Независно, една убиена жена е една жена премногу, не го коментирам тоа.
Само протести без јасни барања мене лично никогаш не ми се допаѓале, независно за што се протестира.

 

Хрватска и Босна, имаат, ги пишеше на една статистика. Србија никаде неможам да ја најдам.
Ама како и да е, жално е шо толку мала земја сме со едвај 2 милиони луѓе а трети во европа по фемицид.
Другите држави се поголеми од нашата.

 

Мажот ќе го истепаат во станица, ќе збесни, кога ќе се врати дома тој бес на жената ќе го истури.

 

Значи не си била.
Не ви е срам јавно да си наоѓате неоправдани изговори, не ми е јасно.

 

Зошто мислиш дека барам "изговор"?
Немам никаква потреба да се "правдам" дали сум била некаде или не.

 

https://airewb.org/criminalising-femicide-what-the-western-balkans-can-learn-from-global-practices/

North Macedonia: The only Western Balkan country to explicitly criminalize femicide.

Croatia: Outside the immediate Western Balkan geopolitical alignment but within the broader Balkan region, Croatia updated its Criminal Code to introduce "femicide" as a distinct, standalone criminal offense carrying a mandatory minimum sentence of 10 years.

Моја грешка, не е Албанија, Хрватска е.
Поентата ми е дека правното класифицирање влијае на статистиката, не можеш да мериш број на фемициди ако истите не се правно дефинирани. Исто е и во др. земји во ЕУ, него ајде Балкан како пример го земав.
Не ми е целта законот за фемицид да го зборувам, апсолутно имаме еден од најпрогресивните закони за истото. Ниту сме трети во Европа, ама повторно, тоа не е важно, 25ти од 26 да сме, пак е премногу.

Прашањето ми е за превенција, не за казна.

 

За превенција кај нас, џабе ни се мирните протести.
Треба протести со кршење и палење, се виде колку аир добивме од мирните.
Додуша, веќе не верувам дека и со лошо ќе постигнеме нешто, Македонија веќе ја гледам баш како Титаник, брод шо тоне, големците (институциите) глеат да лапнат шо повеќе и да си спасат својот гз на крајот, ни свират виолини преку медиумите, а народот и сиромаштијата незнае на кај да фати попрво.
Се е корумпирано, се е испорасипано, и да има шанси за опоравување, стварно незнам од кај ќе почнат да не оправуваат.

 

Да не напишеше два пати во пола саат дека протестот бил без смисла и цел веројатно немаше да помислам.
Полошо од тоа да не дојдеш е ова твоето. Не мораш да излезеш на протест, не го омаловажувај и тие кои беа на улица, поготово што не знаеш дали имало барања нити цел или што и да е тоа што тебе ќе ти ги исполни условите за да излезеш на протест, што верувам дека не се случило и нема ни да се случи. Најмалку во овој случај што може да направиш е да не ги обесхрабруваш тие што се трудат да направат промена и да допрат до некој.

 

Па јас еве гледам чаре во протести, ама протести што ќе ги стават и вмро и сдс и сите во опозиција. Читај српско сценарио. Па после, некои независни, да почнат по ред да чистат, казнуваат, бркаат од работа и вработуваат според квалификации луѓе, а не чичин стричин.
Некој со идеја како ТРЕБА да функционира државата, не само на ова поле, на секое.

Моментално и самиот закон за заштита на ранливи категории на граѓани е ограничен и недоречен, нема ресурси ниту државата одвојува соодветен буџет за овие институции, а и оние кои работат во истите не работат ни оддалеку добро.

Фемицидот се решава така што се спречува, не само со затвори и казни. Тој што решил да убие не калкулира дали/колку ќе лежи затвор, ниту затворската казна ќе промени нешто ако затворениот не се рехабилитира.

Од друга страна, работа со ранливите групи, во дадениов случај жени, односно малолетничка е во прашање значи работа со целото семејство била потребна, мерки за заштита, поддршка, советување можеби би спречиле.
Неговото (на насилникот) правно процесирање можеби би спречило, да бил во притвор (за месец дена од пријава нити може да е затвор) ама пак, за насилство ќе излезе, нема 20 години да е затворен.

Знам дека звучи нефер жртвата да е таа која се крие, ама најчесто тоа е единственото решение во првичен период кога е опасноста најголема.

Не сакам да бидам погрешно сфатена и бирам зборови бидејќи не сакам да звучи како да ја обвинувам - напротив.

Тоа што требало да се случи е девојчево да знае дека треба да "исчезне" додека не се процесира насилникот, дека не треба никогаш да е сама и дека не смее тој да знае каде се наоѓа таа.
Еве нека е чисто како совет ако некоја се најде во слична ситуација, да, не е фер жртвата да се крие, ама повеќе не е фер да биде повредена или убиена.

Едит: како дополнение, жртвата Низама Хеќимовиќ беше скриена кај нејзината тетка, што беше правилна постапка од страна на тамошните (БиХ) прописи, но полицајка, девојка на насилникот и потоа убиец (на уште 2ца покрај неа) Нермин му ја кажа нејзината локација. Така што, овој тип на неработење односно вработување на несоодветни луѓе на многу важни позиции секако е сериозен проблем, и секако е проблем на кој мора многу сериозно да се пристапи.

 

Можам што сакам да критикувам и пофалувам, провери правила на форум, фала.

 

Можеби некои луѓе не се толку заинтересирани за перформативен активизам, туку повеќе ги интересира што конкретно може да се направи за да се спречат фемицидите.
Верувам дека повеќето што денес излегле на протест се со најдобри намери, но се прашувам колкумина од нив досега се нашле или допрва ќе се најдат во ситуација кога би можеле да реагираат на насилство и дали навистина би се вмешале навреме, пред да дојде до трагедија.

 

Во право си за се, но за жал ние немаме толкава спремност во државата за превенција да не дојде до фемицид. Ниту пак институциите работат, до толку сите се корумпирани шо кој и да го стајш на тие позиции , ќе почне да тера по филмот од претходните.
Стан за жртви од семејно насилство, еден и единствен, нели скоро дадоа, го рекламираа на вестите. И пак немам чуено некоја жена да биде згрижена. Ниту една. Пратениците таму швалерките ќе си ги носат.
И така.

 

Тоа ми е целиот муабет за протестот. Да не се убиеше сам себе овој, имаме закон според кој ќе добиеше многу висока казна, самиот фемицид правно е дефиниран како многу потешко дело од убиство.

Затоа прашав што е целта на протестов ако не е превенција.

 

Дали ти тоа го нарече протестот перформативен активизам. Сигурна сум дека вашава поддршка многу им значи на тие што излегоа денес надвор… како ветер во грб сте со мислењава.
А замисли сите тие да излегле со една единствена намера за промена, замисли сите тие да имаат спречено по една трагедија? Тоа не ви паѓа на памет?

 

Јас сум сигурна дека сите со најдобра и најискрена намера излегле.
Моето неизлегување е бидејќи точно, за мене е ова перформативен активизам, без конкретни барања и цел. Што е сосема во ред (да се излезе протестно без јасни барања), јас бирам да одам на протести кои се конкретни во своите барања.

 

Не го нареков конкретно овој протест перформативен активизам, туку сметам дека многумина протестираат без јасни цели, повеќе за јавно да го покажат својот став отколку за конкретни промени.
Напротив, споменав дека верувам дека повеќето што денес протестирале најверојатно биле со најдобри намери.
Сепак, се прашувам колку протестите без конкретни барања можат да придонесат за спречување на фемицидите.
Парадоксално, кога повеќе од оние што протестираат би реагирале навреме кога ќе забележат насилство, можеби би се спречиле многу трагедии, а потребата од вакви протести би била помала.
Присуството на протест не е мерило за нечија моралност, ниту причина некој да се смета за морално супериорен во однос на оние што не присуствувале.

п.с
Искрено би сакала да верувам дека не сум во право и дека протестот ќе има некакво влијание врз оние што се склони кон насилство, но се плашам дека во реалноста во која живееме е премногу наивно да се очекува такво нешто.

 

Интересно е што ликов се појавува речиси у секоја тема од ваков тип црна хроника, и тоа секогаш со истата перспектива, фокусот најчесто е насочен кон обвинување на жената. Никаде наназад не забележувам лајк од неа на коментари у кои одговорноста се лоцира кај агресорите, ама затоа веднаш станува загрижена кога некоја членка ќе напише дека агресорите треба да се млатат у полиција. Тука следуваат некакви флоскули дека ,,насилството раѓа насилство" (со кои се согласувам, иако признавам дека и јас знам да изналапрдам сешто кога станува збор за вакви сензитивни теми, а ги сфаќам и членкиве кои вака реагираат). Плус има и лајк на коментар на членка која вели дека не била на протестот затоа што немал цел. Не дека оваа се согласува со ставовите на тие членки, кои инаку се доста прогресивни, туку у конкретниов момент ѝ одговараат токму овакви наративи. И на крај, имаме длабока увреџеност од коментарот дека нашите жени треба да се мажат за странци. Човек да помисли дека зад профилот стои маж.

 

Баш се сетив сеа, членката е маж. 100 посто.
Жена такви глупости не пишува. Посебно за тоа шо го спомна, одма се попалува кога ќе му речат да македонските жени се мажат за странци.